30 shlokas
- 1
अथ वाग्यतो बलीन्हरेत्
atha vāgyato balīnharet
- 2
भाषेतान्नसंसिद्धिम् अतिथिभिः कामं सम्भाषेत
bhāṣetānnasaṃsiddhim atithibhiḥ kāmaṃ sambhāṣeta
- 3
अथ हविष्यस्यान्नस्योद्धृत्य हविष्यैर्व्यञ्जनैर् उपसिच्याग्नौ जुहुयात्तूष्णीं पाणिनैव
atha haviṣyasyānnasyoddhṛtya haviṣyairvyañjanair upasicyāgnau juhuyāttūṣṇīṃ pāṇinaiva
- 4
प्राजापत्या पूर्वाहुतिर्भवति सौविष्टकृत्य् उत्तरा
prājāpatyā pūrvāhutirbhavati sauviṣṭakṛty uttarā
- 5
अथ बलीन्हरेद्बाह्यतो वान्तर्वा सुभूमिं कृत्वा
atha balīnharedbāhyato vāntarvā subhūmiṃ kṛtvā
- 6
सकृद् अपो निनीय चतुर्धा बलिं निदध्यात्सकृद् अन्ततः परिषिञ्चेत्
sakṛd apo ninīya caturdhā baliṃ nidadhyātsakṛd antataḥ pariṣiñcet
- 7
एकैकम्वानुनिधानम् उभयतः परिषिञ्चेत्
ekaikamvānunidhānam ubhayataḥ pariṣiñcet
- 8
स यत्प्रथमम्निदधाति स पार्थिवो बलिर्भवत्य् अथ यद्द्वितीयम्स वायव्यो यत्तृतीयम्स वैश्वदेवो यच्चतुर्थं स प्राजापत्यः
sa yatprathamamnidadhāti sa pārthivo balirbhavaty atha yaddvitīyamsa vāyavyo yattṛtīyamsa vaiśvadevo yaccaturthaṃ sa prājāpatyaḥ
- 9
अथापरान्बलीन्हरेद् उदधानस्य मध्यमस्य द्वारस्याब्दैवतः प्रथमो बलिर्भवत्य् ओषधिवनस्पतिभ्यो द्वितीय आकाशाय तृतीयः
athāparānbalīnhared udadhānasya madhyamasya dvārasyābdaivataḥ prathamo balirbhavaty oṣadhivanaspatibhyo dvitīya ākāśāya tṛtīyaḥ
- 10
अथापरम्बलिं हरेत्शयनम्वाधिवर्चं वा स कामाय वा बलिर्भवति मन्यवे वा
athāparambaliṃ haretśayanamvādhivarcaṃ vā sa kāmāya vā balirbhavati manyave vā
- 11
अथ सस्तूपं स रक्षोजनेभ्यः
atha sastūpaṃ sa rakṣojanebhyaḥ
- 12
अथैतद्बलिशेषम् अद्भिर् अभ्यासिच्यावसलवि दक्षिणा निनयेत्तत्पितृभ्यो भवति
athaitadbaliśeṣam adbhir abhyāsicyāvasalavi dakṣiṇā ninayettatpitṛbhyo bhavati
- 13
आसीन एव ऽग्नौ जुहुयात्
āsīna eva 'gnau juhuyāt
- 14
आसीनः पितृभ्यो दद्याद्यथोपपादम् इतरान्
āsīnaḥ pitṛbhyo dadyādyathopapādam itarān
- 15
स्वयं त्व् एवैतान्यावद्वसेद्बलीन्हरेत्
svayaṃ tv evaitānyāvadvasedbalīnharet
- 16
अपि वान्यो ब्राह्मणः
api vānyo brāhmaṇaḥ
- 17
दम्पती एव
dampatī eva
- 18
इति गृहमेधिव्रतं
iti gṛhamedhivrataṃ
- 19
स्त्री ह सायं प्रातः पुमान् इति
strī ha sāyaṃ prātaḥ pumān iti
- 20
सर्वस्य त्व् एवान्नस्यैतान्बलीन्हरेत्पित्र्यस्य वा स्वस्त्ययनस्य वार्थार्थस्य वा
sarvasya tv evānnasyaitānbalīnharetpitryasya vā svastyayanasya vārthārthasya vā
- 21
यज्ञाद् एव निवर्तते
yajñād eva nivartate
- 22
यद्य् एकस्मिन्काले व्रीहियवौ प्रक्रियेयातम् अन्यतरस्य हृत्वा कृतं मन्येत
yady ekasminkāle vrīhiyavau prakriyeyātam anyatarasya hṛtvā kṛtaṃ manyeta
- 23
यद्य् एकस्मिन्काले पुनः पुनर् अन्नं पच्येत सकृद् एवैतद्बलितन्त्रं कुर्वीत
yady ekasminkāle punaḥ punar annaṃ pacyeta sakṛd evaitadbalitantraṃ kurvīta
- 24
यस्य त्व् एषाम् अग्रतः सिध्येद्नियुक्तम् अग्नौ कृत्वाग्रं ब्राह्मणाय दत्त्वा भुञ्जीत
yasya tv eṣām agrataḥ sidhyedniyuktam agnau kṛtvāgraṃ brāhmaṇāya dattvā bhuñjīta
- 25
यस्यो जघन्यं भुञ्जीतैवेति
yasyo jaghanyaṃ bhuñjītaiveti
- 26
अथाप्य् उदाहरन्ति
athāpy udāharanti
- 27
एतस्यैव बलिहरणस्यान्ते कामम्प्रब्रुवीत भवति हैवास्य
etasyaiva baliharaṇasyānte kāmamprabruvīta bhavati haivāsya
- 28
स्वयं त्व् एवासस्यं बलिम्हरेद्यवेभ्यो ऽध्य् आ व्रीहिभ्यो व्रीहिभ्यो ऽध्य् आ यवेभ्यः स त्व् आसस्यो नाम बलिर्भवति
svayaṃ tv evāsasyaṃ balimharedyavebhyo 'dhy ā vrīhibhyo vrīhibhyo 'dhy ā yavebhyaḥ sa tv āsasyo nāma balirbhavati
- 29
दीर्घायुर्हैव भवति
dīrghāyurhaiva bhavati
- 30
विश्राणिते फलीकरणानाम् आचामस्यापाम् इति बलिं हरेत्स रौद्रो भवति स रौद्रो भवति
viśrāṇite phalīkaraṇānām ācāmasyāpām iti baliṃ haretsa raudro bhavati sa raudro bhavati

