23 shlokas
- 1
विश्वजिति वैराजे धर्मान्कुर्यात्
viśvajiti vairāje dharmānkuryāt
- 2
इतरेष्वपि पृष्ठेष्वित्याचार्यमतिः
itareṣvapi pṛṣṭheṣvityācāryamatiḥ
- 3
सप्तमे ऽहन्यग्नेर् अर्को ऽध्यर्धेडं च सोमसाम मौक्षस्य पूर्वयोः
saptame 'hanyagner arko 'dhyardheḍaṃ ca somasāma maukṣasya pūrvayoḥ
- 4
मोक्षसोमसामनी गायत्रस्योत्तरयोर् अग्नेर् अर्कस्तिसृष्विति वा
mokṣasomasāmanī gāyatrasyottarayor agner arkastisṛṣviti vā
- 5
साकम् अश्वेडानां संक्षारौ व्यतिहरन्त्येके
sākam aśveḍānāṃ saṃkṣārau vyatiharantyeke
- 6
सुरूपक्रौञ्चे एकर्चयोर् एके
surūpakrauñce ekarcayor eke
- 7
नवमस्य ज्योतिष्टोमः पर्यासः साप्तमिक इत्येके
navamasya jyotiṣṭomaḥ paryāsaḥ sāptamika ityeke
- 8
तस्य बृहत्याम् अरण्येगेयानि तृचेषु पृष्ठं च
tasya bṛhatyām araṇyegeyāni tṛceṣu pṛṣṭhaṃ ca
- 9
वासिष्ठम् अध्यास्यायाम्
vāsiṣṭham adhyāsyāyām
- 10
वैयश्वं प्राग्भर्गादाभीशवं यशसः
vaiyaśvaṃ prāgbhargādābhīśavaṃ yaśasaḥ
- 11
सप्तैव तृचेषु यैरजामीत्य् अपरम्
saptaiva tṛceṣu yairajāmīty aparam
- 12
दीर्घतमसो ऽर्को ऽन्त्यः सामराजं वा
dīrghatamaso 'rko 'ntyaḥ sāmarājaṃ vā
- 13
पृष्ठस्योत्तरयोर्दीर्घतमसो ऽर्को माण्डवं चैडं सामराजे ऽन्त्ये
pṛṣṭhasyottarayordīrghatamaso 'rko māṇḍavaṃ caiḍaṃ sāmarāje 'ntye
- 14
दशमस्य बहिष्पवमानं द्वितीयप्रभृतीनां पञ्चानामह्नाम् अनुरूपाः प्रथमाच्च बहिष्पवमानं तन्नवर्चम्
daśamasya bahiṣpavamānaṃ dvitīyaprabhṛtīnāṃ pañcānāmahnām anurūpāḥ prathamācca bahiṣpavamānaṃ tannavarcam
- 15
अनुरूपेषु तृचाः प्रतिलोमाः ऋचो नवर्च इति गौतमः
anurūpeṣu tṛcāḥ pratilomāḥ ṛco navarca iti gautamaḥ
- 16
सर्वत्र तृचा इति धानंजय्यः
sarvatra tṛcā iti dhānaṃjayyaḥ
- 17
यथाधीतं नवर्चम् इति शाण्डिल्यायनः
yathādhītaṃ navarcam iti śāṇḍilyāyanaḥ
- 18
सर्वत्रर्चः प्रतिलोमा इति शाण्डिल्यः
sarvatrarcaḥ pratilomā iti śāṇḍilyaḥ
- 19
अप्रतिभामेतस्मिन्न् अहन्य् अनुष्टुम्मात्रां कृत्वाचक्षीरन्
apratibhāmetasminn ahany anuṣṭummātrāṃ kṛtvācakṣīran
- 20
ज्यायसिच्छन्दसि लुम्पेयुर् अक्षराणि
jyāyasicchandasi lumpeyur akṣarāṇi
- 21
कनीयस्य् अभ्यस्येयुः
kanīyasy abhyasyeyuḥ
- 22
वाचैव विब्रूयुर्धानंजय्यो वागनुष्टुबिति हि ब्राह्मणं भवति
vācaiva vibrūyurdhānaṃjayyo vāganuṣṭubiti hi brāhmaṇaṃ bhavati
- 23
अग्निष्टोमसाम्ना स्तुत्वा प्राक्पत्नीसंयाजेभ्यो यदेभिः प्रसृते परार्ध्यं व्रजितं स्यात्तद्गत्वा प्रत्याव्रज्य मनसानुत्साहे हुतेषु पत्नीसंयाजेषु गार्हपत्य उद्गाता जुहुयाद् उपसृजन्धरुणं मात्रे मातरं धरुणो धयन्रायस्पोषम् इषम् ऊर्जम् अस्मासु दीधरत्स्वाहेति पूर्वां स्वाहाकारेणोत्तराम्
agniṣṭomasāmnā stutvā prākpatnīsaṃyājebhyo yadebhiḥ prasṛte parārdhyaṃ vrajitaṃ syāttadgatvā pratyāvrajya manasānutsāhe huteṣu patnīsaṃyājeṣu gārhapatya udgātā juhuyād upasṛjandharuṇaṃ mātre mātaraṃ dharuṇo dhayanrāyaspoṣam iṣam ūrjam asmāsu dīdharatsvāheti pūrvāṃ svāhākāreṇottarām

