22 shlokas
- 1
पृष्ठ्ये रथम् अतिवहेयुः पश्चात्प्राञ्चं दक्षिणतो वोदञ्चं बहिर्वेदि रथन्तरस्य स्तोत्रे
pṛṣṭhye ratham ativaheyuḥ paścātprāñcaṃ dakṣiṇato vodañcaṃ bahirvedi rathantarasya stotre
- 2
बृहतो दुन्दुभिम् आहन्युः
bṛhato dundubhim āhanyuḥ
- 3
उपवाजयमाना वैरूपेण स्तुवीरन्न् उपवाज्यमाना वा
upavājayamānā vairūpeṇa stuvīrann upavājyamānā vā
- 4
वाचयित्वा यजमानं वातं वात आ वात्विति तृचेनानुमन्त्रयेत
vācayitvā yajamānaṃ vātaṃ vāta ā vātviti tṛcenānumantrayeta
- 5
वैराजस्य स्तोत्र उपाकृत उपर्यनूरुशकलं निधाय तृणे च तस्योपरि तिरश्चीम् अरणिं निधायाध्यात्मं प्रजननं कृत्वा त्रिः प्रदक्षिणम् अभिमन्थेद्गायत्रं छन्दो ऽनुप्रजायस्व त्रैष्टुभं जागतम् आनुष्टुभं वैराजमिति गौतमः
vairājasya stotra upākṛta uparyanūruśakalaṃ nidhāya tṛṇe ca tasyopari tiraścīm araṇiṃ nidhāyādhyātmaṃ prajananaṃ kṛtvā triḥ pradakṣiṇam abhimanthedgāyatraṃ chando 'nuprajāyasva traiṣṭubhaṃ jāgatam ānuṣṭubhaṃ vairājamiti gautamaḥ
- 6
चतुर्भिरिति धानंजय्यः
caturbhiriti dhānaṃjayyaḥ
- 7
त्रिभिरिति शाण्डिल्यः
tribhiriti śāṇḍilyaḥ
- 8
अरण्योः सन्धानम् आलभ्योपजिघ्रेत्पाणी तेजो ऽसि तेजो मयि धेहीति
araṇyoḥ sandhānam ālabhyopajighretpāṇī tejo 'si tejo mayi dhehīti
- 9
मथ्यमाने स्तोमं युञ्ज्यात्
mathyamāne stomaṃ yuñjyāt
- 10
जाते स्तुवीरन्
jāte stuvīran
- 11
वाचयित्वा यजमानम्
पुनर् ऊर्जा निवर्तस्व पुनरग्न इषायुषा
पुनर्नः पाह्यंहसः
सह रथ्या निवर्तस्वाग्ने पिन्वस्व धारया विश्वप्स्न्या विश्वतस्परि
इत्य् अनुमन्त्र्याभिजुहुयात्
vācayitvā yajamānam
punar ūrjā nivartasva punaragna iṣāyuṣā
punarnaḥ pāhyaṃhasaḥ
saha rathyā nivartasvāgne pinvasva dhārayā viśvapsnyā viśvataspari
ity anumantryābhijuhuyāt
- 12
तद् उक्तं ब्राह्मणेन
tad uktaṃ brāhmaṇena
- 13
स्वाहाकारेणोत्तराम्
svāhākāreṇottarām
- 14
अपः सावका उपनिधाय महानाम्नीभिः स्तुवीरन्
apaḥ sāvakā upanidhāya mahānāmnībhiḥ stuvīran
- 15
यो यः सामाङ्गं ब्रूयात्स उदघोषं जनयेत्
yo yaḥ sāmāṅgaṃ brūyātsa udaghoṣaṃ janayet
- 16
वाचयित्वा यजमानं ता निनयेद् आस्तावे ऽनाधृष्टासि तां त्वा सोमो राजावतु यामपीथा उपतिष्ठन्त आपो ये शाक्वरा ऋषभा ये स्वराजस्ते अर्षन्तु ते वर्षन्तु ते कृण्वन्त्व् इषम् ऊर्जं रायस्पोषं तद्विदेयेति
समन्या यन्तीति वा समुद्रं वः प्रहिणोमीति वा
vācayitvā yajamānaṃ tā ninayed āstāve 'nādhṛṣṭāsi tāṃ tvā somo rājāvatu yāmapīthā upatiṣṭhanta āpo ye śākvarā ṛṣabhā ye svarājaste arṣantu te varṣantu te kṛṇvantv iṣam ūrjaṃ rāyaspoṣaṃ tadvideyeti
samanyā yantīti vā samudraṃ vaḥ prahiṇomīti vā
- 17
सर्वैर्वा
sarvairvā
- 18
अष्ठीवतोरवका उपोहेरन्
aṣṭhīvatoravakā upoheran
- 19
छदिषि वर्षकामो ऽध्यासयेद् इति शाण्डिल्यः
chadiṣi varṣakāmo 'dhyāsayed iti śāṇḍilyaḥ
- 20
गोष्ठे पशुकामः
goṣṭhe paśukāmaḥ
- 21
सभायां यशस्कामः
sabhāyāṃ yaśaskāmaḥ
- 22
श्मशाने ऽभिचरन्
śmaśāne 'bhicaran

