27 shlokas
- 1
तेषां चेदेनांस्त्रयाणां किंचिद् एयाद्गृहपतावुपहवम् इच्छेरन्
teṣāṃ cedenāṃstrayāṇāṃ kiṃcid eyādgṛhapatāvupahavam iccheran
- 2
तं चेद् उद्गातरि
taṃ ced udgātari
- 3
एष वै यजमानस्य प्रजापतिर्यद् उद्गातेति ह्याह
eṣa vai yajamānasya prajāpatiryad udgāteti hyāha
- 4
दीक्षानुपूर्व्येण वा सर्वेषु
dīkṣānupūrvyeṇa vā sarveṣu
- 5
परिहृतासु वसतीवरीषु संविशेयुः
parihṛtāsu vasatīvarīṣu saṃviśeyuḥ
- 6
तेषां चेत्कश्चित्प्रेयाद् अतीर्थेन निर्हृत्याहार्येणानाहिताग्निं दहेयुः पत्नीं चैवम्
teṣāṃ cetkaścitpreyād atīrthena nirhṛtyāhāryeṇānāhitāgniṃ daheyuḥ patnīṃ caivam
- 7
अरण्योर् अग्नीन्समारोप्यते आप्नानेन निर्हृत्य निर्मन्थ्येनाहिताग्निम्
araṇyor agnīnsamāropyate āpnānena nirhṛtya nirmanthyenāhitāgnim
- 8
मध्यमस्य रात्रिपर्यायस्य दैवोदासं होतृषाम स्याद् और्ध्वसद्मनं वा
madhyamasya rātriparyāyasya daivodāsaṃ hotṛṣāma syād aurdhvasadmanaṃ vā
- 9
अभिप्लवस्य द्वितीये ऽहनि भर्गो यश इति प्राग्विषुवतो व्यत्यासं स्यातामिति गौतमः
abhiplavasya dvitīye 'hani bhargo yaśa iti prāgviṣuvato vyatyāsaṃ syātāmiti gautamaḥ
- 10
ऊर्ध्वं च त्रिष्वभिप्लवेषु
ūrdhvaṃ ca triṣvabhiplaveṣu
- 11
यशो भर्ग इति परेषु
yaśo bharga iti pareṣu
- 12
सकृद्द्विर्वा यशः पुरस्तात्तथोपरिष्टाद्भर्ग इतरेष्वपरम्
sakṛddvirvā yaśaḥ purastāttathopariṣṭādbharga itareṣvaparam
- 13
भर्गः पूर्वस्मिन्पक्षसि यश उत्तरस्मिन्न् इत्य् अपरम्
bhargaḥ pūrvasminpakṣasi yaśa uttarasminn ity aparam
- 14
एताभ्यामुक्ते वीङ्कशुद्धाशुद्धीये
etābhyāmukte vīṅkaśuddhāśuddhīye
- 15
विषुवत ऊर्ध्वं वीङ्कमेव स्यादिति धानंजय्यः
viṣuvata ūrdhvaṃ vīṅkameva syāditi dhānaṃjayyaḥ
- 16
पञ्चमे ऽहनि यद् अहर्ग्रामेगेयं सन्तनि स्यान्मानवात्पूर्वं वाम्रं स्यात्
pañcame 'hani yad ahargrāmegeyaṃ santani syānmānavātpūrvaṃ vāmraṃ syāt
- 17
इषोवृधीयसमन्ते पृष्ठ्यानन्तर्ये षष्ठे
iṣovṛdhīyasamante pṛṣṭhyānantarye ṣaṣṭhe
- 18
पूर्वस्मिन्पक्षसि त्रिषु चतुर्थो ऽभिप्लवो लुप्येत
pūrvasminpakṣasi triṣu caturtho 'bhiplavo lupyeta
- 19
एत एवावृत्ता ऊर्ध्वं विषुवतो ऽभिप्लवाः
eta evāvṛttā ūrdhvaṃ viṣuvato 'bhiplavāḥ
- 20
तेषां प्रतिलोमम् अहान्युपेयुः
teṣāṃ pratilomam ahānyupeyuḥ
- 21
पृष्ठ्यस्वरसाम्नां च
pṛṣṭhyasvarasāmnāṃ ca
- 22
दशरात्रसमीपे त्रिषु चतुर्णाम् आवृत्तानां प्रथमो लुप्येतेति धानंजय्यः
daśarātrasamīpe triṣu caturṇām āvṛttānāṃ prathamo lupyeteti dhānaṃjayyaḥ
- 23
उत्तम इषोवृधीयसमन्ते स्यातामिति
uttama iṣovṛdhīyasamante syātāmiti
- 24
विपरीतम् एतच्छाण्डिल्यायनस्य
viparītam etacchāṇḍilyāyanasya
- 25
विषुवत्समीपे च त्रिषु
viṣuvatsamīpe ca triṣu
- 26
अभाव इषोवृधीयसमन्तयोः
abhāva iṣovṛdhīyasamantayoḥ
- 27
भावस्त्वाचार्याणां भावस्त्वाचार्याणाम्
bhāvastvācāryāṇāṃ bhāvastvācāryāṇām

