28 shlokas
- 1
यज्ञोपवीती भूत्वाप उपस्पृश्य गृहान्व्रजञ्जपेत्
उप शिवेन मनसा गृहानैमि मानुषान्
गृहा मा बिभीत मा वेपिढ्वम् ऊर्जं बिभ्रत एवमस्यूर्जं बिभ्रद्वः
सुमनाः सुमेधा गृहानैमि मनसा दैवेन
येषाम् अध्येति प्रवसन्येषु सौमनसो बहुर्गृहानुपह्वयामहे
ते नो जानन्तु जानत उपहूता इह गावः
उपहूता अजावयो ऽथो अन्नस्य यो रस उपहूतो गृहेषु न इति
yajñopavītī bhūtvāpa upaspṛśya gṛhānvrajañjapet
upa śivena manasā gṛhānaimi mānuṣān
gṛhā mā bibhīta mā vepiḍhvam ūrjaṃ bibhrata evamasyūrjaṃ bibhradvaḥ
sumanāḥ sumedhā gṛhānaimi manasā daivena
yeṣām adhyeti pravasanyeṣu saumanaso bahurgṛhānupahvayāmahe
te no jānantu jānata upahūtā iha gāvaḥ
upahūtā ajāvayo 'tho annasya yo rasa upahūto gṛheṣu na iti
- 2
पश्चाच्छालाम् अग्नेर् उपविश्य जपेत्
इह गावः प्रजायध्वमिहाश्वा इह पुरुषाः
इहो सहस्रदक्षिणो ऽपि पूषा निषीदत्विति
paścācchālām agner upaviśya japet
iha gāvaḥ prajāyadhvamihāśvā iha puruṣāḥ
iho sahasradakṣiṇo 'pi pūṣā niṣīdatviti
- 3
अग्नेस्तृणानि प्रत्यूह्य यः सुहृत्तम् अभिभाषेत
agnestṛṇāni pratyūhya yaḥ suhṛttam abhibhāṣeta
- 4
गोषु गा अपिसृजेत्
उपेदम् उपपर्चनमासु गोषूपपृच्यताम्
उपर्षभस्य रेतस्युपेन्द्र तव वीर्य इति
goṣu gā apisṛjet
upedam upaparcanamāsu goṣūpapṛcyatām
uparṣabhasya retasyupendra tava vīrya iti
- 5
मेमा इन्द्र गावो रिषन्मो आसां गोपती रिषत्
मा साम मित्रयुर्जन इन्द्र मा स्तेन ईशतेति
memā indra gāvo riṣanmo āsāṃ gopatī riṣat
mā sāma mitrayurjana indra mā stena īśateti
- 6
सत्राय दीक्षिष्यमाणाः संवदेरन्सह नः साधुकृत्या नाना पापकृत्या यद् अस्मिन्त्सत्रे ऽथ यत्पुरा चकृम कर्तास्मश्च यथोपस्थितमेव नस्तदिति
satrāya dīkṣiṣyamāṇāḥ saṃvaderansaha naḥ sādhukṛtyā nānā pāpakṛtyā yad asmintsatre 'tha yatpurā cakṛma kartāsmaśca yathopasthitameva nastaditi
- 7
यो नोऽव्रत्यं चरेद्दीक्षितो नः स दीक्षितान्याजयेत्
yo no'vratyaṃ careddīkṣito naḥ sa dīkṣitānyājayet
- 8
संवत्सरं ह स्म पूर्वे ऽन्योन्यस्य क्रोधम् आक्रोशं निभृतं शीलमिति संविज्ञाय दीक्षन्ते
saṃvatsaraṃ ha sma pūrve 'nyonyasya krodham ākrośaṃ nibhṛtaṃ śīlamiti saṃvijñāya dīkṣante
- 9
तेषां दीक्षाप्रभृति पत्नीशालायां भोजनसंवेशने स्याताम्
teṣāṃ dīkṣāprabhṛti patnīśālāyāṃ bhojanasaṃveśane syātām
- 10
उपवसथ्यप्रभृत्याग्नीध्रीये
upavasathyaprabhṛtyāgnīdhrīye
- 11
सन्धिवेलयोर्वाचं यच्छेयुः
sandhivelayorvācaṃ yaccheyuḥ
- 12
विचक्षणान्तां वाचं भाषेरन्
vicakṣaṇāntāṃ vācaṃ bhāṣeran
- 13
न कंचनाभिवादयेरन्
na kaṃcanābhivādayeran
- 14
न शूद्रेण सम्भाषेरन्
na śūdreṇa sambhāṣeran
- 15
नाधिष्ण्य उत्तपेरन्
nādhiṣṇya uttaperan
- 16
न प्रतीच्या द्वारा पत्नीशालाया निष्क्रामेयुः
na pratīcyā dvārā patnīśālāyā niṣkrāmeyuḥ
- 17
प्राञ्चम् उदञ्चं वोच्चारं कुर्वीरन्
prāñcam udañcaṃ voccāraṃ kurvīran
- 18
न बहु वदेयुः
na bahu vadeyuḥ
- 19
न दन्तान्दर्शयेरन्
na dantāndarśayeran
- 20
नोच्चैर्जक्षुः
noccairjakṣuḥ
- 21
नाहुतस्याश्नीयुः
nāhutasyāśnīyuḥ
- 22
नैनान् अन्योन्यान् अश्नतः पश्येत्
nainān anyonyān aśnataḥ paśyet
- 23
सर्वेषां सवनानां प्राश्नीयुः
sarveṣāṃ savanānāṃ prāśnīyuḥ
- 24
क्रोधानृते वर्जयेयुः
krodhānṛte varjayeyuḥ
- 25
एतानि व्रतानि दीक्षासु
etāni vratāni dīkṣāsu
- 26
दीक्षोपसत्सु वा
dīkṣopasatsu vā
- 27
वा सत्रान्तात्
vā satrāntāt
- 28
उदयास्तमयावभ्याश्रावणं च बहिर्वेदि प्रसृते वर्जयेयुः
udayāstamayāvabhyāśrāvaṇaṃ ca bahirvedi prasṛte varjayeyuḥ

