16 shlokas
- 1
रौरिकीणि चेत्कुर्युर् आदित्यं प्रथमम् उपतिष्ठेरन्न् अध्वनाम् इति
raurikīṇi cetkuryur ādityaṃ prathamam upatiṣṭherann adhvanām iti
- 2
आहवनीयम् उपस्थाय तम् एवापिजो ऽसि जायमान इत्य् अपिजो ऽसि नवजात इति वायुम् अग्निम् अनुप्रहरन्ति तम् अभिप्रेत्य
āhavanīyam upasthāya tam evāpijo 'si jāyamāna ity apijo 'si navajāta iti vāyum agnim anupraharanti tam abhipretya
- 3
यदा चात्वालम् अथोत्करं तुमुलो ऽस्य् आक्रन्दं कृत्वेति
yadā cātvālam athotkaraṃ tumulo 'sy ākrandaṃ kṛtveti
- 4
यदा शामित्रम् अथ यत्रोवध्यं निखनन्त्य् ऊवध्यगोहो ऽसि पार्थिव इति
yadā śāmitram atha yatrovadhyaṃ nikhananty ūvadhyagoho 'si pārthiva iti
- 5
यदाग्नीध्रीयम् अथ यत्राच्छावाक आसीनो होतर्य् उपहवम् इच्छत्य् उपहव्यो ऽसि नमस्य इत्य् उपहव्यो ऽसि तनूपा इति वा
yadāgnīdhrīyam atha yatrācchāvāka āsīno hotary upahavam icchaty upahavyo 'si namasya ity upahavyo 'si tanūpā iti vā
- 6
यदा ब्रह्मणः सदनम् अथ सदस्यस्य सदस्यो ऽसि मलिम्लुच इति
yadā brahmaṇaḥ sadanam atha sadasyasya sadasyo 'si malimluca iti
- 7
यदा दक्षिणं वेद्यन्तम् अथ प्राजापत्यम् असीति पत्नीशालाम् ऐन्द्रम् असीति सदो वैष्णवम् असीति हविर्धानम् ऐन्द्राग्नम् असीत्य् आग्नीध्रीयं वैश्वदेवम् असीति वा
yadā dakṣiṇaṃ vedyantam atha prājāpatyam asīti patnīśālām aindram asīti sado vaiṣṇavam asīti havirdhānam aindrāgnam asīty āgnīdhrīyaṃ vaiśvadevam asīti vā
- 8
अथ तथैव समस्तेन
atha tathaiva samastena
- 9
सर्वे स्थ सोम्यासः सर्वे सोमं पिबत सर्वे सोमस्य पीतिम् आ नशध्वे पात मेति समानं परम्
sarve stha somyāsaḥ sarve somaṃ pibata sarve somasya pītim ā naśadhve pāta meti samānaṃ param
- 10
ऋतस्य द्वारौ स्थ इत्य् अपरौ द्वारबाहू सदसः संमृज्य मा मा संताप्तम् इति प्रविशेयुः
ṛtasya dvārau stha ity aparau dvārabāhū sadasaḥ saṃmṛjya mā mā saṃtāptam iti praviśeyuḥ
- 11
दक्षिणेनौदुम्बरीं गत्वा तस्या उत्तरत उपविशेयुर्नमः सखिभ्य इति
dakṣiṇenaudumbarīṃ gatvā tasyā uttarata upaviśeyurnamaḥ sakhibhya iti
- 12
पूर्वेण प्रस्तोतारं प्रतिहर्ता गच्छेत्
pūrveṇa prastotāraṃ pratihartā gacchet
- 13
एतस्यां वेलायां समुपह्वयेरन्सर्वे सत्रेषु
etasyāṃ velāyāṃ samupahvayeransarve satreṣu
- 14
मिथो ऽन्यत्र
mitho 'nyatra
- 15
सर्वे यजमानम्
sarve yajamānam
- 16
द्वारबाहुसंमार्जनप्रभृत्य् एतत्सर्वं कुर्युर्यदा धिष्ण्यान् उपतिष्ठेरन्
dvārabāhusaṃmārjanaprabhṛty etatsarvaṃ kuryuryadā dhiṣṇyān upatiṣṭheran

