21 shlokas
- 1
औदुम्बरीम् उच्छ्रयिष्यन्पूर्वेण देवयजनं गच्छेद्दक्षिणतश्चेद् अस्यावसथः स्यात्
audumbarīm ucchrayiṣyanpūrveṇa devayajanaṃ gaccheddakṣiṇataśced asyāvasathaḥ syāt
- 2
उत्तरेण यद्यन्यतः
uttareṇa yadyanyataḥ
- 3
पूर्वौ सदसो द्वार्यौ श्वभ्रावन्तरेण प्रपद्याग्रेणौदुम्बरीं गत्वोदङ्मुखस्तिष्ठन्नध्वर्युणा सहोच्छ्रयेद्दक्षिणोत्तरोत्तानाभ्यां पाणिभ्यां द्युतानस्त्वेति
pūrvau sadaso dvāryau śvabhrāvantareṇa prapadyāgreṇaudumbarīṃ gatvodaṅmukhastiṣṭhannadhvaryuṇā sahocchrayeddakṣiṇottarottānābhyāṃ pāṇibhyāṃ dyutānastveti
- 4
आयोरिति श्वभ्रे ऽवदध्यात्
āyoriti śvabhre 'vadadhyāt
- 5
अवधाय जपेन्नमः समुद्राय नमः समुद्रस्य चक्षसे मा मा यूनर्वा हासीद् ऊर्ग् अस्य् ऊर्जोदा ऊर्जं मे देह्यूर्जं मे धेह्यन्नं मे देह्यन्नं मे धेहीति
avadhāya japennamaḥ samudrāya namaḥ samudrasya cakṣase mā mā yūnarvā hāsīd ūrg asy ūrjodā ūrjaṃ me dehyūrjaṃ me dhehyannaṃ me dehyannaṃ me dhehīti
- 6
तां न विसृजेद् आवच्छादनात्
tāṃ na visṛjed āvacchādanāt
- 7
अध्वर्युणाभिहुतायां जुहुयात्तस्यैवावृतान्तरेण विशाखे
adhvaryuṇābhihutāyāṃ juhuyāttasyaivāvṛtāntareṇa viśākhe
- 8
घृतेन द्यावापृथिवी आप्रीणाथां स्वाहेति पूर्वां प्रजापतये स्वाहेत्युत्तराम्
ghṛtena dyāvāpṛthivī āprīṇāthāṃ svāheti pūrvāṃ prajāpataye svāhetyuttarām
- 9
अन्यतरां वा स्वाहाकारद्वितीयाम्
anyatarāṃ vā svāhākāradvitīyām
- 10
यथा भूमिमाज्यं प्राप्स्यतीति
yathā bhūmimājyaṃ prāpsyatīti
- 11
आज्यं होमचोदनास्व् अनादेशे
ājyaṃ homacodanāsv anādeśe
- 12
अधस्ताद्विशाखस्य परिगृह्य जपेद्दिवि देवान्दृंह मयि प्रजामिति
adhastādviśākhasya parigṛhya japeddivi devāndṛṃha mayi prajāmiti
- 13
अन्तरिक्षे वयांसि दृंह मयि पशूनिति मध्ये
antarikṣe vayāṃsi dṛṃha mayi paśūniti madhye
- 14
पृथिव्यामध्यौषधीर्दृंह मयि सजातानिति मूले
pṛthivyāmadhyauṣadhīrdṛṃha mayi sajātāniti mūle
- 15
ऊर्ध्वं होमाद्याजमानं धानंजय्यः
ūrdhvaṃ homādyājamānaṃ dhānaṃjayyaḥ
- 16
स्वयमिति गौतमशाण्डिल्यौ यां वा कांचिद् ऋत्विग् आशिषम् आशास्ते यजमानस्यैव सेति
svayamiti gautamaśāṇḍilyau yāṃ vā kāṃcid ṛtvig āśiṣam āśāste yajamānasyaiva seti
- 17
अवच्छाद्यमानायां दिव्यं छद्मासि संतनि नाम विश्वजनस्य छाया नमस्ते ऽस्तु मा मा हिंसीरिति
avacchādyamānāyāṃ divyaṃ chadmāsi saṃtani nāma viśvajanasya chāyā namaste 'stu mā mā hiṃsīriti
- 18
दक्षिणेन श्वभ्रान्गत्वापरौ द्वार्यावन्तरेण प्रपद्यैतत्कुर्यादिति शाण्डिल्यः
dakṣiṇena śvabhrāngatvāparau dvāryāvantareṇa prapadyaitatkuryāditi śāṇḍilyaḥ
- 19
उत्तरेणेति धानंजय्यः
uttareṇeti dhānaṃjayyaḥ
- 20
गौतमीयमितरत्
gautamīyamitarat
- 21
यथैतं निष्क्रामेत्
yathaitaṃ niṣkrāmet

