17 shlokas
- 1
अभ्युक्षणप्रभृत्यत ऊर्ध्वम्
abhyukṣaṇaprabhṛtyata ūrdhvam
- 2
आदित्यं नोपतिष्ठेरन्
ādityaṃ nopatiṣṭheran
- 3
पूर्णाहुतौ हूयमानायाम् आसित्वा हुतायां यथार्थं स्यात्
pūrṇāhutau hūyamānāyām āsitvā hutāyāṃ yathārthaṃ syāt
- 4
सक्तुहोमांश्चेज्जुहुयुर् आसीता तेषां होमात्
saktuhomāṃścejjuhuyur āsītā teṣāṃ homāt
- 5
सौत्रामण्यां सुराकर्मस्व् आव्राजम् आसीत
sautrāmaṇyāṃ surākarmasv āvrājam āsīta
- 6
तत्र द्वावग्नी अतिप्रणयन्ति तयोर्दक्षिणत आसीत
tatra dvāvagnī atipraṇayanti tayordakṣiṇata āsīta
- 7
दक्षिणम् अध्यधि कुम्भ्याम् आसक्तायां शतातृण्णायां सुराशेषेष्व् आसिच्यमानेषूपतिष्ठेरन्
यत्ते पवित्रम् अर्चिष्यग्ने विततमन्तरा
ब्रह्म तेन पुनीहि मेति
dakṣiṇam adhyadhi kumbhyām āsaktāyāṃ śatātṛṇṇāyāṃ surāśeṣeṣv āsicyamāneṣūpatiṣṭheran
yatte pavitram arciṣyagne vitatamantarā
brahma tena punīhi meti
- 8
अश्विनोर्ग्रहस्य भक्षयेद्
यम् अश्विना नमुचेर् आसुरादधि सरस्वत्यसुनोद् इन्द्रियेण
इमं तं शुक्रं मधुमन्तम् इन्दुं सोमं राजानमिह भक्षयामीति
aśvinorgrahasya bhakṣayed
yam aśvinā namucer āsurādadhi sarasvatyasunod indriyeṇa
imaṃ taṃ śukraṃ madhumantam induṃ somaṃ rājānamiha bhakṣayāmīti
- 9
यजमानं चेद्वसातिशेषेणाभिषिञ्चेयुर् उपोत्थायान्तरेणाग्नी गत्वाध्वर्युणोक्तः संशानानि गायेत्
yajamānaṃ cedvasātiśeṣeṇābhiṣiñceyur upotthāyāntareṇāgnī gatvādhvaryuṇoktaḥ saṃśānāni gāyet
- 10
पदाय पदाय स्तोभेत्
padāya padāya stobhet
- 11
निधनान्युपयन्तो यजमानस्य मूर्धानम् आलभेरन्
nidhanānyupayanto yajamānasya mūrdhānam ālabheran
- 12
सं त्वा हिन्वन्तीत्येतेषां पूर्वः पूर्वः स्तोभ उत्तरमुत्तरं निधनम्
saṃ tvā hinvantītyeteṣāṃ pūrvaḥ pūrvaḥ stobha uttaramuttaraṃ nidhanam
- 13
श्रवस इति स्थाने जित्या इति क्षत्रियस्य पुष्ट्या इति वैश्यस्येत्येके
śravasa iti sthāne jityā iti kṣatriyasya puṣṭyā iti vaiśyasyetyeke
- 14
द्वे सौत्रामण्यौ कौकिली चरकसौत्रामणी च
dve sautrāmaṇyau kaukilī carakasautrāmaṇī ca
- 15
कौकिल्यां सामगानं नेतरस्यां संशानानि गायेदिति ह स्माह कौत्सः
kaukilyāṃ sāmagānaṃ netarasyāṃ saṃśānāni gāyediti ha smāha kautsaḥ
- 16
सप्त हविर्यज्ञस्य संस्था अग्न्याधेयम् अग्निहोत्रं दर्शपूर्णमासावाग्रयणं चातुर्मास्यानि निरूढपशुबन्धः सौत्रामणी चेति
sapta haviryajñasya saṃsthā agnyādheyam agnihotraṃ darśapūrṇamāsāvāgrayaṇaṃ cāturmāsyāni nirūḍhapaśubandhaḥ sautrāmaṇī ceti
- 17
सप्त सोमसंस्था अग्निष्टोमो ऽत्यग्निष्टोम उक्थ्यः षोडशी वाजपेयो ऽतिरात्रो ऽप्तोर्याम इत्य् अप्तोर्याम इति
sapta somasaṃsthā agniṣṭomo 'tyagniṣṭoma ukthyaḥ ṣoḍaśī vājapeyo 'tirātro 'ptoryāma ity aptoryāma iti

