22 shlokas
- 1
यजमानस्यामात्या एकैकम् अपूपम् आदाय त्रिः प्रदक्षिणम् अग्निं परीयुः
तत्र ब्रह्मा परियञ्जपेद् इति धानंजय्यः
yajamānasyāmātyā ekaikam apūpam ādāya triḥ pradakṣiṇam agniṃ parīyuḥ
tatra brahmā pariyañjaped iti dhānaṃjayyaḥ
- 2
तिष्ठन्न् इति शाण्डिल्यः
tiṣṭhann iti śāṇḍilyaḥ
- 3
त्र्यम्बकं यजामहे सुगन्धिं पुष्टिवर्धनम्
उर्वारुकम् इव बन्धनान्मृत्योर्मुक्षीय मामृतात् इति
जामी कुमारी वा या स्यात्पतिकामा सापि परीयात्
त्र्यम्बकं यजामहे सुगन्धिं पतिवेदनम्
उर्वारुकम् इव बन्धनाद् इतो मुक्षीय
इति ज्ञातीन् अभिसंकल्पयेत्
tryambakaṃ yajāmahe sugandhiṃ puṣṭivardhanam
urvārukam iva bandhanānmṛtyormukṣīya māmṛtāt iti
jāmī kumārī vā yā syātpatikāmā sāpi parīyāt
tryambakaṃ yajāmahe sugandhiṃ pativedanam
urvārukam iva bandhanād ito mukṣīya
iti jñātīn abhisaṃkalpayet
- 4
मामुत इतीष्टम् अभिनिर्दिशेद् अमुष्य गृहादिति
māmuta itīṣṭam abhinirdiśed amuṣya gṛhāditi
- 5
एवं त्रिः परीत्योदस्येयुः
evaṃ triḥ parītyodasyeyuḥ
- 6
तेषां ब्रह्मैकं लिप्सित्वा यस्य स स्यात्तस्मै प्रयच्छेत्
teṣāṃ brahmaikaṃ lipsitvā yasya sa syāttasmai prayacchet
- 7
तस्य वैव सन्तं पाणावालभेत
tasya vaiva santaṃ pāṇāvālabheta
- 8
तथैव त्रिः प्रतिपरीयुः
tathaiva triḥ pratiparīyuḥ
- 9
यत्रैनानध्वर्युर् आसजेत्तत्रोपतिष्ठेरन्न् एष ते रुद्र भागस्तेनावसेन परो मूजवतो ऽतीहि कृत्तिवासाः पिनाकहस्तो ऽवततधन्वोम् इति
yatrainānadhvaryur āsajettatropatiṣṭherann eṣa te rudra bhāgastenāvasena paro mūjavato 'tīhi kṛttivāsāḥ pinākahasto 'vatatadhanvom iti
- 10
आ तमितोर्जपेयुः
ā tamitorjapeyuḥ
- 11
शं नो देवीर् इत्य् अप उपस्पृश्यानपेक्षं प्रत्याव्रजेयुः
śaṃ no devīr ity apa upaspṛśyānapekṣaṃ pratyāvrajeyuḥ
- 12
वरुणप्रघासैर्व्याख्यातं ब्रह्मत्वं हविर्यज्ञेषु
varuṇapraghāsairvyākhyātaṃ brahmatvaṃ haviryajñeṣu
- 13
पशूनां यूपाहुतिं होष्यत्सु तूष्णीम् उपविशेत्
paśūnāṃ yūpāhutiṃ hoṣyatsu tūṣṇīm upaviśet
- 14
हुतायां यथार्थं स्यात्
hutāyāṃ yathārthaṃ syāt
- 15
वपायां हुतायाम् इदम् आप इति चात्वाले मार्जयित्वा पशूनां यथार्थं स्यात्
vapāyāṃ hutāyām idam āpa iti cātvāle mārjayitvā paśūnāṃ yathārthaṃ syāt
- 16
पुरोडाशेन चरिष्यत्सु तूष्णीम् उपविशेत्
puroḍāśena cariṣyatsu tūṣṇīm upaviśet
- 17
आहृतं पुरोडाशम् आलभ्य ब्रूयात्प्राश्नन्तु ये प्राशिष्यन्त इति
āhṛtaṃ puroḍāśam ālabhya brūyātprāśnantu ye prāśiṣyanta iti
- 18
अनुव्रजेत्सर्वपशूनां पत्नीसंयाजान् इति गौतमः
anuvrajetsarvapaśūnāṃ patnīsaṃyājān iti gautamaḥ
- 19
सवनीयस्यैवेति धानंजय्यः
savanīyasyaiveti dhānaṃjayyaḥ
- 20
न सवनीयस्य च नेति शाण्डिल्यः
na savanīyasya ca neti śāṇḍilyaḥ
- 21
हृदयशूलो ऽत्रावभृथन्यङ्गस्थाने भवति
hṛdayaśūlo 'trāvabhṛthanyaṅgasthāne bhavati
- 22
तस्मिन्न् अप उपस्पृशेयुः
धाम्नो धाम्नो राजंस्ततो वरुण नो मुञ्च
यदापो अघ्न्या वरुणेति शपामहे ततो वरुण नो मुञ्च
सुमित्रिया न आप ओषधयः सन्तु दुर्मित्रियास्तस्मै सन्तु यो ऽस्मान्द्वेष्टि यं च द्विष्मः
इति
tasminn apa upaspṛśeyuḥ
dhāmno dhāmno rājaṃstato varuṇa no muñca
yadāpo aghnyā varuṇeti śapāmahe tato varuṇa no muñca
sumitriyā na āpa oṣadhayaḥ santu durmitriyāstasmai santu yo 'smāndveṣṭi yaṃ ca dviṣmaḥ
iti

