8 shlokas
- 1
भूमिदुन्दुभिम् आव्रजेत्
bhūmidundubhim āvrajet
- 2
पश्चाद् आग्नीध्रीयस्यार्धम् अन्तर्वेदि श्वभ्रस्य खातं स्यादर्धं बहिर्वेदि
paścād āgnīdhrīyasyārdham antarvedi śvabhrasya khātaṃ syādardhaṃ bahirvedi
- 3
आर्षभेणोत्तरलोम्ना चर्मणा पिहितः स्यात्
ārṣabheṇottaralomnā carmaṇā pihitaḥ syāt
- 4
त्वं वाग् असि
ये नः सत्रे अनिन्दिषुर्दीक्षायां श्रान्त आसिते
अराद्धिं तेभ्यो दुन्दुभे राद्धिम् अस्मभ्यम् आवदेति
परावद द्विषन्तं घोरां वाचं परावदाथास्मभ्यं सुमित्र्यां वाचं दुन्दुभे कल्याणीं कीर्तिम् आवदेति
परावद द्विषतो वाद्यं दुर्हार्दो यो विषूकुहो ऽथास्मभ्यं पुष्टिं राद्धिं श्रियम् आवद दुन्दुभे इत्य् एनम् एतैर्मन्त्रैः पृथग् आहत्य वालधानेन
tvaṃ vāg asi
ye naḥ satre anindiṣurdīkṣāyāṃ śrānta āsite
arāddhiṃ tebhyo dundubhe rāddhim asmabhyam āvadeti
parāvada dviṣantaṃ ghorāṃ vācaṃ parāvadāthāsmabhyaṃ sumitryāṃ vācaṃ dundubhe kalyāṇīṃ kīrtim āvadeti
parāvada dviṣato vādyaṃ durhārdo yo viṣūkuho 'thāsmabhyaṃ puṣṭiṃ rāddhiṃ śriyam āvada dundubhe ity enam etairmantraiḥ pṛthag āhatya vāladhānena
- 5
अन्यं वा घ्नन्तम् अनुमन्त्रयेत
anyaṃ vā ghnantam anumantrayeta
- 6
अप उपस्पृश्य यथैतं प्रत्याव्रज्य पश्चात्तिष्ठन्तो ऽग्निम् उपतिष्ठेरन्नमस्ते गायत्राय यत्ते पुरो यत्ते शिरो नमस्ते रथन्तराय यत्ते दक्षिणतो यत्ते दक्षिणः पक्षो नमस्ते बृहते यत्ते उत्तरतो यत्त उत्तरः पक्षो नमस्ते यज्ञायज्ञीयाय यत्ते पश्चाद्यत्ते पुच्छं नमस्ते वामदेव्याय यस्त आत्मा यत्ते मध्यम् इत्य् एतैः पृथगङ्गान्यन्वर्थम्
apa upaspṛśya yathaitaṃ pratyāvrajya paścāttiṣṭhanto 'gnim upatiṣṭherannamaste gāyatrāya yatte puro yatte śiro namaste rathantarāya yatte dakṣiṇato yatte dakṣiṇaḥ pakṣo namaste bṛhate yatte uttarato yatta uttaraḥ pakṣo namaste yajñāyajñīyāya yatte paścādyatte pucchaṃ namaste vāmadevyāya yasta ātmā yatte madhyam ity etaiḥ pṛthagaṅgānyanvartham
- 7
अथ सर्वं समस्तेन तस्मै ते सुभोः सुभुवो भूयास्म
नामासि नाम भूयासम्
आविर् अस्य् आविर्मा कुरु
सवितः प्र मा सुव
यं मनुष्याणां भूतौ संपश्यसि तेष्वभिभूयासम्
श्रियं मयि धेहीति
atha sarvaṃ samastena tasmai te subhoḥ subhuvo bhūyāsma
nāmāsi nāma bhūyāsam
āvir asy āvirmā kuru
savitaḥ pra mā suva
yaṃ manuṣyāṇāṃ bhūtau saṃpaśyasi teṣvabhibhūyāsam
śriyaṃ mayi dhehīti
- 8
उपस्थाय सदः प्रविशेयुः
upasthāya sadaḥ praviśeyuḥ

