14 shlokas
- 1
अथ राजानं संनाहयेत्
atha rājānaṃ saṃnāhayet
- 2
तस्य द्व्यवरार्ध्यौ रथावनुयायिनौ स्याताम्
tasya dvyavarārdhyau rathāvanuyāyinau syātām
- 3
पूर्वेण देवयजनं संनह्येरन्नन्ये तस्मात्
pūrveṇa devayajanaṃ saṃnahyerannanye tasmāt
- 4
दक्षिणेन परियायुः
dakṣiṇena pariyāyuḥ
- 5
पूर्वेण पत्नीशालाम् उद्गाता गत्वा दक्षिणे वेद्यन्ते प्राचो दर्भान्संस्तीर्य तेष्वेनं प्राङ्मुखम् उपवेशयेत्
pūrveṇa patnīśālām udgātā gatvā dakṣiṇe vedyante prāco darbhānsaṃstīrya teṣvenaṃ prāṅmukham upaveśayet
- 6
अथास्मै वर्माभिहरेत्
athāsmai varmābhiharet
- 7
अन्यं वाभिहरन्तम् अनुमन्त्रयेतोत्तिष्ठ राजन्परिवर्मास्यश्वयुक्तो रथो विततो दैव आखणो विशां राजा ब्राह्मण एधि गोप्तेति
anyaṃ vābhiharantam anumantrayetottiṣṭha rājanparivarmāsyaśvayukto ratho vitato daiva ākhaṇo viśāṃ rājā brāhmaṇa edhi gopteti
- 8
पश्चिमेन परियाहीत्युक्त्वा तेनैव प्रत्याव्रज्योत्तर एनं वेद्यन्ते ऽवस्थाप्य ब्रूयाद्धस्तत्रं बध्नीष्वोज्ज्यमायुधं कुरुष्व त्रीन् इषून् उपकल्पयस्वायस्मयान् अन्यमेव कंच चतुर्थमिति
paścimena pariyāhītyuktvā tenaiva pratyāvrajyottara enaṃ vedyante 'vasthāpya brūyāddhastatraṃ badhnīṣvojjyamāyudhaṃ kuruṣva trīn iṣūn upakalpayasvāyasmayān anyameva kaṃca caturthamiti
- 9
प्रतिधत्स्वेति ब्रूयात्
pratidhatsveti brūyāt
- 10
तं प्रतिदधानमनुमन्त्रयेत वैणावताय प्रतिधत्स्व शङ्कुं मापप्रोष्ट मो ते ऽतिपप्तद्ब्रह्मणो गुप्त्यै विधृत्यै धारयात्रेति
taṃ pratidadhānamanumantrayeta vaiṇāvatāya pratidhatsva śaṅkuṃ māpaproṣṭa mo te 'tipaptadbrahmaṇo guptyai vidhṛtyai dhārayātreti
- 11
संभृत्यातिष्ठेति ब्रूयात्
saṃbhṛtyātiṣṭheti brūyāt
- 12
उत्तरेणाग्नीध्रीयं पूर्वापरे चर्मणी विबध्नीयुर्दक्षिणेन रथपथं शिष्ट्वा
uttareṇāgnīdhrīyaṃ pūrvāpare carmaṇī vibadhnīyurdakṣiṇena rathapathaṃ śiṣṭvā
- 13
तं ब्रूयात्प्रदक्षिणं देवयजनं परीयाः पूर्वं चर्मागमनेषु विध्येर् एकैकेनोत्तरोत्तर्य् अनतिपातयन्न् अपरस्मा इतरे यथाभिप्रेतम् अस्येयुस्तृतीयेन विद्ध्वोदङ्प्रयायास्तदा चतुर्थम् इषुं यां दिशं मन्येथास्ताम् अस्येर् अव ब्रह्मद्विषो जहीति गा दृष्ट्वावतिष्ठेथास्तत्र त्वा विस्रम्भयेयुः
taṃ brūyātpradakṣiṇaṃ devayajanaṃ parīyāḥ pūrvaṃ carmāgamaneṣu vidhyer ekaikenottarottary anatipātayann aparasmā itare yathābhipretam asyeyustṛtīyena viddhvodaṅprayāyāstadā caturtham iṣuṃ yāṃ diśaṃ manyethāstām asyer ava brahmadviṣo jahīti gā dṛṣṭvāvatiṣṭhethāstatra tvā visrambhayeyuḥ
- 14
ब्राह्मणम् उक्त्वेमं हिङ्कारवेलायां कारयेयुः
brāhmaṇam uktvemaṃ hiṅkāravelāyāṃ kārayeyuḥ

