20 shlokas
- 1
महाव्रतस्य पृष्ठ उपाकृते युक्त्वा स्तोमं परिमादो गायेद् इति भाडितायनः
mahāvratasya pṛṣṭha upākṛte yuktvā stomaṃ parimādo gāyed iti bhāḍitāyanaḥ
- 2
प्रतिगृह्य तृणे ऽयुक्त्वेति गौतमशाण्डिल्यौ धानंजय्यश्च
pratigṛhya tṛṇe 'yuktveti gautamaśāṇḍilyau dhānaṃjayyaśca
- 3
प्रागेव स्तोत्रोपाकरणादित्येके
prāgeva stotropākaraṇādityeke
- 4
दक्षिणेनाग्नीध्रीयं गत्वोत्तरेणाग्निं प्राणप्रभृतिभिर् उपतिष्ठेरंस्तद् उक्तं ब्राह्मणेन
dakṣiṇenāgnīdhrīyaṃ gatvottareṇāgniṃ prāṇaprabhṛtibhir upatiṣṭheraṃstad uktaṃ brāhmaṇena
- 5
सर्वाण्युद्गाता सकृत्सकृद्गायेन्निधनम् इतरावनूपेयाताम्
sarvāṇyudgātā sakṛtsakṛdgāyennidhanam itarāvanūpeyātām
- 6
अपि मध्ये निधनेषु
api madhye nidhaneṣu
- 7
आद्यन्तस्तुब्धेषु पदाय पदाय स्तोभेत्
ādyantastubdheṣu padāya padāya stobhet
- 8
तेनैव प्रत्याव्रज्य पुच्छम्
tenaiva pratyāvrajya puccham
- 9
व्रतपक्षयोः पूर्वेण दक्षिणं पक्षम्
vratapakṣayoḥ pūrveṇa dakṣiṇaṃ pakṣam
- 10
उत्तरम् अपिकक्षम् उपतिष्ठेरन्
uttaram apikakṣam upatiṣṭheran
- 11
विश्वे देवा इति वसिष्ठस्य निहवमूहेत्
viśve devā iti vasiṣṭhasya nihavamūhet
- 12
चात्वालम् उपस्थायोत्तरेणाग्नीध्रीयं गत्वा पश्चात्तिष्ठन्तः
cātvālam upasthāyottareṇāgnīdhrīyaṃ gatvā paścāttiṣṭhantaḥ
- 13
तत एव प्रत्यङ्मुखा इति धानंजय्यः
tata eva pratyaṅmukhā iti dhānaṃjayyaḥ
- 14
तस्योत्तमं निधनम् आ तमितोर् उपेयुः
tasyottamaṃ nidhanam ā tamitor upeyuḥ
- 15
पूर्वेण हविर्धाने पुरस्तात्प्रत्यङ्मुखाः पश्चादितरेण
pūrveṇa havirdhāne purastātpratyaṅmukhāḥ paścāditareṇa
- 16
तत एवेक्षमाणा मार्जालीयं नाके सुपर्णमिति यद्द्वन्द्वेषु
tata evekṣamāṇā mārjālīyaṃ nāke suparṇamiti yaddvandveṣu
- 17
यथा हविर्धाने तथा सदः
yathā havirdhāne tathā sadaḥ
- 18
अन्तर्वेदि प्रत्यङ्मुखा गार्हपत्यमिति धानंजय्यः
antarvedi pratyaṅmukhā gārhapatyamiti dhānaṃjayyaḥ
- 19
तस्यैव पथात्तिष्ठन्त इति शाण्डिल्यः
tasyaiva pathāttiṣṭhanta iti śāṇḍilyaḥ
- 20
इन्द्रप्रभृति प्रत्यक्षं निधनमुपेयुः
indraprabhṛti pratyakṣaṃ nidhanamupeyuḥ

