7 shlokas
- 1
अथ गृहस्थस्य विद्यार्थिनः स्त्रियाभ्यनुज्ञातस्य ऋतुसंवेशनविच्छेदप्रायश्चित्तं व्याख्यास्यामः
atha gṛhasthasya vidyārthinaḥ striyābhyanujñātasya ṛtusaṃveśanavicchedaprāyaścittaṃ vyākhyāsyāmaḥ
- 2
वसन्तो ग्रीष्मो वर्षाः शरद्धेमन्तः शिशिरेणर्तुकालम् उक्त्वा ब्राह्मणेभ्यो निवेदयित्वा चीर्णव्रतान्तेनाथ प्रदोषे देवयजनम् उदानयति
vasanto grīṣmo varṣāḥ śaraddhemantaḥ śiśireṇartukālam uktvā brāhmaṇebhyo nivedayitvā cīrṇavratāntenātha pradoṣe devayajanam udānayati
- 3
अथ देवयजनोल्लेखनप्रभृत्य् आग्निमुखात्कृत्वा पक्वाज्जुहोति यस्त्वा हृदा कीरिणा मन्यमानः इति पुरोनुवाक्याम् अनूच्य यस्मै त्वं सुकृते जातवेदः इति याज्यया जुहोति
atha devayajanollekhanaprabhṛty āgnimukhātkṛtvā pakvājjuhoti yastvā hṛdā kīriṇā manyamānaḥ iti puronuvākyām anūcya yasmai tvaṃ sukṛte jātavedaḥ iti yājyayā juhoti
- 4
अथाज्याहुतीर् उपजुहोति मधुश्च स्वाहा
माधवश्च स्वाहा इत्य् आन्ताद् अनुवाकस्य
athājyāhutīr upajuhoti madhuśca svāhā
mādhavaśca svāhā ity āntād anuvākasya
- 5
स्विष्टकृत्प्रभृति सिद्धम् आ धेनुवरप्रदानात्
sviṣṭakṛtprabhṛti siddham ā dhenuvarapradānāt
- 6
अपरेणाग्निं आज्यशेषम् उदकशेषं चोभौ जायापती प्राश्नीयाताम्
apareṇāgniṃ ājyaśeṣam udakaśeṣaṃ cobhau jāyāpatī prāśnīyātām
- 7
ऋतुसंवेशनविच्छेदप्रायश्चित्तं व्याख्यातम्
ṛtusaṃveśanavicchedaprāyaścittaṃ vyākhyātam

