16 shlokas
- 1
उपरुद्धे चेन्मथ्यमानो न जायेत यत्र दीप्यमानं परापश्येत्तत आहृत्याग्निहोत्रं जुहुयात्
uparuddhe cenmathyamāno na jāyeta yatra dīpyamānaṃ parāpaśyettata āhṛtyāgnihotraṃ juhuyāt
- 2
यदि तं न विन्देद्ब्राह्मणस्य दक्षिणे पाणौ जुहुयात्
yadi taṃ na vindedbrāhmaṇasya dakṣiṇe pāṇau juhuyāt
- 3
ततो ब्राह्मणं न परिचक्षीत
tato brāhmaṇaṃ na paricakṣīta
- 4
यदि तं न विन्देद् अजाया दक्षिणे कर्णे जुहुयात्
yadi taṃ na vinded ajāyā dakṣiṇe karṇe juhuyāt
- 5
ततो ऽजां नाश्नीयात्
tato 'jāṃ nāśnīyāt
- 6
यदि तां न विन्देद्दर्भस्तम्बेषु जुहुयात्
yadi tāṃ na vindeddarbhastambeṣu juhuyāt
- 7
ततो दर्भेषु नासीत
tato darbheṣu nāsīta
- 8
यदि तान्न विन्देद् अप्सु जुहुयात्
yadi tānna vinded apsu juhuyāt
- 9
ततो ऽद्भिः पादौ न प्रक्षालयीत
tato 'dbhiḥ pādau na prakṣālayīta
- 10
यदि तान्न विन्देद्धिरण्ये जुहुयात्
yadi tānna vindeddhiraṇye juhuyāt
- 11
ततो हिरण्यं न बिभृयात्
tato hiraṇyaṃ na bibhṛyāt
- 12
आपदि मथित्वा विहृत्याग्निहोत्रं जुहुयात्
āpadi mathitvā vihṛtyāgnihotraṃ juhuyāt
- 13
अग्निहोत्रे चेद् अनभ्युद्धृते हविषि वा निरुप्ते शकुनिः श्येनः श्वा वान्तरेण व्यवेयाद् इदं विष्णुर् इति
agnihotre ced anabhyuddhṛte haviṣi vā nirupte śakuniḥ śyenaḥ śvā vāntareṇa vyaveyād idaṃ viṣṇur iti
- 14
इदं विष्णुर्विचक्रमे त्रेधा निदधे पदं
समूढम् अस्य पांसुरे
idaṃ viṣṇurvicakrame tredhā nidadhe padaṃ
samūḍham asya pāṃsure
- 15
प्र तद्विष्णुर् इति भस्मना पदम् उपवपेत्
pra tadviṣṇur iti bhasmanā padam upavapet
- 16
अनो रथास्य पुरुषो वा व्यवेयाद्यद् अग्ने पूर्वं निहितं पदं हि ते सूर्यस्य रश्मीन् अन्वाततान
तत्र रयिष्ठाम् अनुसंभरैतां सं नः सृज सुमत्या वाजवत्येत्य् आदध्यात्
ano rathāsya puruṣo vā vyaveyādyad agne pūrvaṃ nihitaṃ padaṃ hi te sūryasya raśmīn anvātatāna
tatra rayiṣṭhām anusaṃbharaitāṃ saṃ naḥ sṛja sumatyā vājavatyety ādadhyāt

