18 shlokas
- 1
अग्निहोत्रं चेद् अनभ्युद्धृतं सूर्यो ऽभिनिम्लोचेद्ब्राह्मणो बहुविद् उद्धरेत्
agnihotraṃ ced anabhyuddhṛtaṃ sūryo 'bhinimlocedbrāhmaṇo bahuvid uddharet
- 2
यो ब्राह्मणो बहुवित्स्यात्समुद्धरेत्
yo brāhmaṇo bahuvitsyātsamuddharet
- 3
सर्वेणैवैनं तद्ब्राह्मण उद्धरेद्येनान्तर्हितं हिरण्यम् अग्रतो हरेत्
sarveṇaivainaṃ tadbrāhmaṇa uddharedyenāntarhitaṃ hiraṇyam agrato haret
- 4
वारुणं यवमयं चरुं निर्वपेद् इत एव प्रथमम् इति
vāruṇaṃ yavamayaṃ caruṃ nirvaped ita eva prathamam iti
- 5
इत एव प्रथमं जज्ञे अग्निर् आभ्यो योनिभ्यो अधि जातवेदाः
स गायत्र्या त्रिष्टुभा जगत्यानुष्टुभा देवो देवेभ्यो हव्यं वहतु प्रजानन्न् इति पश्चाद्गार्हपत्यलक्षणस्यारणी निधाय मथित्वा
ita eva prathamaṃ jajñe agnir ābhyo yonibhyo adhi jātavedāḥ
sa gāyatryā triṣṭubhā jagatyānuṣṭubhā devo devebhyo havyaṃ vahatu prajānann iti paścādgārhapatyalakṣaṇasyāraṇī nidhāya mathitvā
- 6
इषे रय्यै रमस्वेत्य् आदध्यात्
iṣe rayyai ramasvety ādadhyāt
- 7
इषे रय्यै रमस्व सहसे द्युम्न ऊर्जे ऽपत्याय
संराड् असि स्वराड् असि सारस्वतौ त्वोत्सौ प्रावताम् इति
iṣe rayyai ramasva sahase dyumna ūrje 'patyāya
saṃrāḍ asi svarāḍ asi sārasvatau tvotsau prāvatām iti
- 8
यः कश्चाग्नीनाम् अनुगच्छेन्निर्मन्थ्यश्चेद्दक्षिणाग्निम्
yaḥ kaścāgnīnām anugacchennirmanthyaśceddakṣiṇāgnim
- 9
अहुते चेत्सायं पूर्वो ऽनुगच्छेद् अग्निहोत्रम् अधिश्रित्योन्नीयाग्निना पूर्वेणोद्धृत्याग्निहोत्रेणानुद्रवेत्
ahute cetsāyaṃ pūrvo 'nugacched agnihotram adhiśrityonnīyāgninā pūrveṇoddhṛtyāgnihotreṇānudravet
- 10
अदत्तपूर्वधनं दद्यात्
adattapūrvadhanaṃ dadyāt
- 11
श्वस्तपस्वतीं निर्वपेत्
śvastapasvatīṃ nirvapet
- 12
आयाहि तपसा जनिष्व् अग्ने पावको अर्चिषा
उपेमां सुष्टुतिं मम
आ नो याहि तपसा जनेष्व् आग्ने पावक दीद्यत्
हव्या देवेषु नो दधद् इति हवींषि दद्यात्
āyāhi tapasā janiṣv agne pāvako arciṣā
upemāṃ suṣṭutiṃ mama
ā no yāhi tapasā janeṣv āgne pāvaka dīdyat
havyā deveṣu no dadhad iti havīṃṣi dadyāt
- 13
सायम् अहुतम् अतीतरस्मिन्न् एतद् एव प्रायश्चित्तम् अन्यत्रापि ष्णुत्या चेत्
sāyam ahutam atītarasminn etad eva prāyaścittam anyatrāpi ṣṇutyā cet
- 14
अहुते चेत्प्रातः पूर्वो ऽनुगच्छेद् अवदाहेषुम् अश्नीयात्
ahute cetprātaḥ pūrvo 'nugacched avadāheṣum aśnīyāt
- 15
तेष्व् अलभ्यमानेषु भस्मनारणिं संस्पृश्य मथित्वावदध्यात्
teṣv alabhyamāneṣu bhasmanāraṇiṃ saṃspṛśya mathitvāvadadhyāt
- 16
अग्नये ज्योतिष्मत इष्टिं निर्वपेत्
agnaye jyotiṣmata iṣṭiṃ nirvapet
- 17
अहुते चेत्प्रातर् अपरो वानुगच्छेद् अनुगमयित्वा पूर्वं मथित्वापरम् उद्धृत्य जुहुयात्
ahute cetprātar aparo vānugacched anugamayitvā pūrvaṃ mathitvāparam uddhṛtya juhuyāt
- 18
त्वरमाणः पूर्वम् अग्निम् अन्ववसाय ततः पश्चात्प्राञ्चम् उद्धृत्य जुहुयात्
tvaramāṇaḥ pūrvam agnim anvavasāya tataḥ paścātprāñcam uddhṛtya juhuyāt

