16 shlokas
- 1
अथ यस्य यूपो विरोहेद् असमाप्ते कर्मणि तत्र जुहुयात्यूपो विरोहञ्छतशाखो अध्वरः समावृतो मोहयिष्यन्यजमानस्य लोके
वेदाभिगुप्तो ब्रह्मणा परिवृतो ऽथर्वभिः शान्तः सुकृताम् एतु लोकम्
यूपो ह्य् अरुक्षद्द्विषतां वधाय न मे यज्ञो यजमानश्च रिष्यात्
सप्तर्षीणां सुकृतां यत्र लोकस्तत्रेमं यज्ञं यजमानं च धेहि
atha yasya yūpo virohed asamāpte karmaṇi tatra juhuyātyūpo virohañchataśākho adhvaraḥ samāvṛto mohayiṣyanyajamānasya loke
vedābhigupto brahmaṇā parivṛto 'tharvabhiḥ śāntaḥ sukṛtām etu lokam
yūpo hy arukṣaddviṣatāṃ vadhāya na me yajño yajamānaśca riṣyāt
saptarṣīṇāṃ sukṛtāṃ yatra lokastatremaṃ yajñaṃ yajamānaṃ ca dhehi
- 2
यो वनस्पतीनाम् उपतापो बभूव यद्वा गृहान्घोरम् उताजगाम तन्निर्जगामो हविषा घृतेन शं नो अस्तु द्विपदे शं चतुष्पदे
yo vanaspatīnām upatāpo babhūva yadvā gṛhānghoram utājagāma tannirjagāmo haviṣā ghṛtena śaṃ no astu dvipade śaṃ catuṣpade
- 3
यो वनस्पतीनाम् उपतापो न आगाद्यद्वा यज्ञं नो ऽद्भुतम् आजगाम
सर्वं तद् अग्ने हुतम् अस्तु भागशः शिवान्वयम् उत्तरेमाभि वाजान्
त्वष्ट्रे स्वाहेति हुत्वा
yo vanaspatīnām upatāpo na āgādyadvā yajñaṃ no 'dbhutam ājagāma
sarvaṃ tad agne hutam astu bhāgaśaḥ śivānvayam uttaremābhi vājān
tvaṣṭre svāheti hutvā
- 4
त्वष्टा मे दैव्यं वच इति त्वाष्ट्रं वैश्वरूपम् आलभेत
tvaṣṭā me daivyaṃ vaca iti tvāṣṭraṃ vaiśvarūpam ālabheta
- 5
अथ यस्यासमाप्ते कर्मणि यूपः प्रपतेत्तत्र जुहुयात्
atha yasyāsamāpte karmaṇi yūpaḥ prapatettatra juhuyāt
- 6
य इन्द्रेण सृष्टो यदि वा मरुद्भिर्यूपः पपात द्विषतां वधाय
तं निर्जगामो हविषा घृतेन शं नो अस्तु द्विपदे शं चतुष्पदे
त्वष्ट्रे स्वाहेति हुत्वा त्वष्टा मे दैव्यं वच इति त्वाष्ट्रं सर्वरूपम् आलभेत
ya indreṇa sṛṣṭo yadi vā marudbhiryūpaḥ papāta dviṣatāṃ vadhāya
taṃ nirjagāmo haviṣā ghṛtena śaṃ no astu dvipade śaṃ catuṣpade
tvaṣṭre svāheti hutvā tvaṣṭā me daivyaṃ vaca iti tvāṣṭraṃ sarvarūpam ālabheta
- 7
अथ यस्यासमाप्ते कर्मणि यूपे ध्वाङ्क्षो निपतेत्तत्र जुहुयात् आ पवस्व हिरण्यवद् अश्वावत्सोम वीरवत्
वाजं गोमन्तम् आभर स्वाहेति मध्यत ओप्य संस्रावभागैः संस्थापयेत्
atha yasyāsamāpte karmaṇi yūpe dhvāṅkṣo nipatettatra juhuyāt ā pavasva hiraṇyavad aśvāvatsoma vīravat
vājaṃ gomantam ābhara svāheti madhyata opya saṃsrāvabhāgaiḥ saṃsthāpayet
- 8
यदि दुष्टं हविः स्यात्कीटावपन्नं वा तत्तस्मिन्भस्मन्य् उपवपेद् अप्सु वेत्य् एके
yadi duṣṭaṃ haviḥ syātkīṭāvapannaṃ vā tattasminbhasmany upavaped apsu vety eke
- 9
भुवाय स्वाहा
भुवनाय स्वाहा
भुवनपतये स्वाहा
भुवां पतये स्वाहा
विष्णवे स्वाहेति
bhuvāya svāhā
bhuvanāya svāhā
bhuvanapataye svāhā
bhuvāṃ pataye svāhā
viṣṇave svāheti
- 10
एते ह वै देवानाम् ऋत्विजः
ete ha vai devānām ṛtvijaḥ
- 11
त एवास्य तद्धुतम् इष्टं कुर्वन्ति
ta evāsya taddhutam iṣṭaṃ kurvanti
- 12
यत्प्रयाजेष्व् अहुतेषु प्राग् अङ्गारः स्कन्देद् अध्वर्यवे च यजमानाय च पशुभ्यश्चाघं स्याद्यदि दक्षिणा ब्रह्मणे च यजमानाय च
yatprayājeṣv ahuteṣu prāg aṅgāraḥ skanded adhvaryave ca yajamānāya ca paśubhyaścāghaṃ syādyadi dakṣiṇā brahmaṇe ca yajamānāya ca
- 13
यदि प्रत्यग्घोत्रे च पत्न्यै च
yadi pratyagghotre ca patnyai ca
- 14
यद्य् उदग् अग्नीधे च यजमानाय च पशुभ्यश्चाघं स्यात्
yady udag agnīdhe ca yajamānāya ca paśubhyaścāghaṃ syāt
- 15
तम् अनुप्रहरेत्
tam anupraharet
- 16
सहस्रशृङ्गः
इत्य् एतयर्चा
sahasraśṛṅgaḥ
ity etayarcā

