20 shlokas
- 1
अथ यस्य वपाम् आहुतिं वा गृहीतां श्येनः शकुनिः श्वा वान्यो वाहरेद्वातो वा विवमेत्का तत्र प्रायश्चित्तिः
atha yasya vapām āhutiṃ vā gṛhītāṃ śyenaḥ śakuniḥ śvā vānyo vāharedvāto vā vivametkā tatra prāyaścittiḥ
- 2
दिवं पृथिवीम् इत्य् अभिमन्त्र्याथाहवनीय आज्याहुतीर्जुहुयाद्वात आ वातु भेषजम् इति सूक्तेन
divaṃ pṛthivīm ity abhimantryāthāhavanīya ājyāhutīrjuhuyādvāta ā vātu bheṣajam iti sūktena
- 3
अथ यस्य सोमग्रहो गृहीतो ऽतिस्रवेत्का तत्र प्रायश्चित्तिः
atha yasya somagraho gṛhīto 'tisravetkā tatra prāyaścittiḥ
- 4
द्रप्सश्चस्कन्देत्य् अभिमन्त्र्याथाहवनीय आज्याहुतीर्जुहुयान्मनसे चेतसे धिय इति सूक्तेन
drapsaścaskandety abhimantryāthāhavanīya ājyāhutīrjuhuyānmanase cetase dhiya iti sūktena
- 5
अथ यस्याष्टापदी वशा स्यात्का तत्र प्रायश्चित्तिः
atha yasyāṣṭāpadī vaśā syātkā tatra prāyaścittiḥ
- 6
दर्भेण हिरण्यं बद्ध्वाध्यधि गर्भं हिरण्यगर्भेण जुहुयात्
darbheṇa hiraṇyaṃ baddhvādhyadhi garbhaṃ hiraṇyagarbheṇa juhuyāt
- 7
यथामुं सा गर्भम् अभ्यश्चोतयद्यथामुं गर्भं सदर्भम् इव सहिरण्यं तम् उद्धृत्य प्रक्षाल्यानुपदं श्रपयित्वा प्राक्शिरसम् उदक्पाद्यं कामसूक्तेन जुहुयाद् अनंगन्धीती वेत्य् अष्टभिर्नभस्वतीभिर्हिरण्यगर्भेण वा
yathāmuṃ sā garbham abhyaścotayadyathāmuṃ garbhaṃ sadarbham iva sahiraṇyaṃ tam uddhṛtya prakṣālyānupadaṃ śrapayitvā prākśirasam udakpādyaṃ kāmasūktena juhuyād anaṃgandhītī vety aṣṭabhirnabhasvatībhirhiraṇyagarbheṇa vā
- 8
अथ यस्यासमाप्ते कर्मणि तान्त्रिको ऽग्निर् उपशाम्येत्का तत्र प्रायश्चित्तिः
atha yasyāsamāpte karmaṇi tāntriko 'gnir upaśāmyetkā tatra prāyaścittiḥ
- 9
यं त्वम् अग्ने पुनस्त्वादित्या रुद्रा वसव इत्य् अन्यं प्रणीय प्रज्वाल्य ममाग्ने वर्च इति सूक्तेनोपसमाधाय कर्मशेषम्समाप्नुयुः
yaṃ tvam agne punastvādityā rudrā vasava ity anyaṃ praṇīya prajvālya mamāgne varca iti sūktenopasamādhāya karmaśeṣamsamāpnuyuḥ
- 10
अथ यस्यासमाप्ते कर्मणि बर्हिर् आदीप्येत तत्र तन्निर्वाप्य जुहुयाद्यद् अग्निर्बर्हिर् अदहद्वेद्या वासो अपोम्भत त्वम् एव नो जातवेदो दुरितात्पाहि तस्मात्
atha yasyāsamāpte karmaṇi barhir ādīpyeta tatra tannirvāpya juhuyādyad agnirbarhir adahadvedyā vāso apombhata tvam eva no jātavedo duritātpāhi tasmāt
- 11
निर्दग्धा नो अमित्रा यथेदं बर्हिस्तथा
अमित्राणां श्रियं भूतिं ताम् एषां परिनिर्जहि
nirdagdhā no amitrā yathedaṃ barhistathā
amitrāṇāṃ śriyaṃ bhūtiṃ tām eṣāṃ parinirjahi
- 12
यत्कामास्ते जुहुमस्तन्नो अस्तु विशाम्पते
ये देवा यज्ञम् आयान्ति ते नो रक्षन्तु सर्वतः
yatkāmāste juhumastanno astu viśāmpate
ye devā yajñam āyānti te no rakṣantu sarvataḥ
- 13
अवदग्धं दुःस्वप्न्यम् अवदग्धा अरातयः सर्वाश्च यातुधान्यः
मा त्वा दभ्यन्यातुधानाः
avadagdhaṃ duḥsvapnyam avadagdhā arātayaḥ sarvāśca yātudhānyaḥ
mā tvā dabhyanyātudhānāḥ
- 14
मा ब्रध्नः शर्मभिः ष्टुहि
दर्भो राजा समुद्रियः
परि नः पातु विश्वतः
mā bradhnaḥ śarmabhiḥ ṣṭuhi
darbho rājā samudriyaḥ
pari naḥ pātu viśvataḥ
- 15
अथान्यद्बर्हिर् उपकल्प्योदकेन संप्रोक्ष्य पुनः स्तृणाति
athānyadbarhir upakalpyodakena saṃprokṣya punaḥ stṛṇāti
- 16
इदं बर्हिर् अमृतेनेह सिक्तं हिरण्मयं हरितं तत्स्तृतं नः
idaṃ barhir amṛteneha siktaṃ hiraṇmayaṃ haritaṃ tatstṛtaṃ naḥ
- 17
तद्वै पुराणम् अभिनवं स्तृणीष्व वासः प्रशस्तं प्रति मे गृहाणेति
tadvai purāṇam abhinavaṃ stṛṇīṣva vāsaḥ praśastaṃ prati me gṛhāṇeti
- 18
अथ यस्य पित्र्ये प्रणीतो ऽग्निर् उपशाम्येत्का तत्र प्रायश्चित्तिः
atha yasya pitrye praṇīto 'gnir upaśāmyetkā tatra prāyaścittiḥ
- 19
भस्मालभ्याभिमन्त्रयेद्द्विषन्तम् अग्ने द्विषतां च वित्तं
प्रजां द्विषद्भ्यो नय दक्षिणेन
पित्र्ये प्रणीत उपशाम्यमानः पाप्मानम् अग्ने तम् इतो नुदस्व
bhasmālabhyābhimantrayeddviṣantam agne dviṣatāṃ ca vittaṃ
prajāṃ dviṣadbhyo naya dakṣiṇena
pitrye praṇīta upaśāmyamānaḥ pāpmānam agne tam ito nudasva
- 20
द्विषन्तम् अग्ने द्विषतां च वित्तं गच्छ त्वम् आदाय परावतो ऽन्यान्
पित्र्ये प्रणीत उपशाम्यमान इह प्रजां दीर्घम् आयुश्च धेहि
यस्त्वम् अग्ने प्रमत्तानां प्रणीत उपशाम्यसि
सुकल्पम् अग्ने तत्त्वया पुनस्त्वोद्दीपयामसीत्य् उच्यमाने ऽग्निं प्रणीय प्रज्वाल्येन्द्रस्य कुक्षिर् असीति द्वाभ्यां समिधाव् अभ्यादध्यात्
dviṣantam agne dviṣatāṃ ca vittaṃ gaccha tvam ādāya parāvato 'nyān
pitrye praṇīta upaśāmyamāna iha prajāṃ dīrgham āyuśca dhehi
yastvam agne pramattānāṃ praṇīta upaśāmyasi
sukalpam agne tattvayā punastvoddīpayāmasīty ucyamāne 'gniṃ praṇīya prajvālyendrasya kukṣir asīti dvābhyāṃ samidhāv abhyādadhyāt

