8 shlokas
- 1
इष्टिविधो वा अन्यः पशुबन्धः सोमविधो ऽन्यः
स यत्रैतद् अपः प्रणयति पूर्णपात्रं निनयति विष्णुक्रमान्क्रामति स इष्टिविधो ऽतो ऽन्यः सोमविध इति वाजसनेयकम्
iṣṭividho vā anyaḥ paśubandhaḥ somavidho 'nyaḥ
sa yatraitad apaḥ praṇayati pūrṇapātraṃ ninayati viṣṇukramānkrāmati sa iṣṭividho 'to 'nyaḥ somavidha iti vājasaneyakam
- 2
यूपं यजमान उपतिष्ठते नमः स्वरुभ्यः सन्नान्मावगातापश्चाद्दघ्वान्नम्भूयासम्
शृङ्गाणीवेच्छृङ्गिणां संददृश्रिरे चषालवन्तः स्वरवः पृथिव्याम्
ते देवासः स्वरवस्तस्थिवांसो नमः सखिभ्यः सन्नान्मावगात
आशासानः सुवीर्यम् इति च
yūpaṃ yajamāna upatiṣṭhate namaḥ svarubhyaḥ sannānmāvagātāpaścāddaghvānnambhūyāsam
śṛṅgāṇīvecchṛṅgiṇāṃ saṃdadṛśrire caṣālavantaḥ svaravaḥ pṛthivyām
te devāsaḥ svaravastasthivāṃso namaḥ sakhibhyaḥ sannānmāvagāta
āśāsānaḥ suvīryam iti ca
- 3
उपस्थाय यज्ञ शं च म इति जपति
upasthāya yajña śaṃ ca ma iti japati
- 4
आहुत्यै वा एतं वनस्पतिभ्यः प्रच्यावयन्त्य् उपयज्य मनुष्याः प्रयान्ति
यूपो वै यज्ञस्य दुरिष्टम् आमुञ्चते
यद्यूपम् उपस्पृशेद्दुरिष्टं यज्ञस्यामुञ्चेत्तम् अभिमन्त्रयेत वायव् एष ते वायव् इत्य् एकम्
वायव् एतौ ते वायव् इति द्वौ
वायव् एते ते वायव् इति बहून्
āhutyai vā etaṃ vanaspatibhyaḥ pracyāvayanty upayajya manuṣyāḥ prayānti
yūpo vai yajñasya duriṣṭam āmuñcate
yadyūpam upaspṛśedduriṣṭaṃ yajñasyāmuñcettam abhimantrayeta vāyav eṣa te vāyav ity ekam
vāyav etau te vāyav iti dvau
vāyav ete te vāyav iti bahūn
- 5
ऐन्द्राग्नो निरूढपशुबन्धः सौर्यः प्राजापत्यो वा
aindrāgno nirūḍhapaśubandhaḥ sauryaḥ prājāpatyo vā
- 6
तेन संवत्सरे संवत्सरे यजेत
षट्सु षट्सु मासेष्व् इत्य् एके
tena saṃvatsare saṃvatsare yajeta
ṣaṭsu ṣaṭsu māseṣv ity eke
- 7
ऋतुव्यावृत्तौ सूयवस आवृत्तिमुख आवृत्तिमुखे वा
ṛtuvyāvṛttau sūyavasa āvṛttimukha āvṛttimukhe vā
- 8
मांसीयन्ति ह वा अग्नयो ऽजुह्वतो यजमानस्य
ते यजमानम् एव ध्यायन्ति
यजमानं संकल्पयन्ति
पचन्ति ह वा अन्येष्व् अग्निषु वृथामांसम्
अथैतेषां नान्या मांसाशा विद्यते
यस्यो चैते भवन्ति तं ततो नानीजानं पशुना संवत्सरो ऽतीयात्
आयुष्यो ह वा अस्यैष आत्मनिष्क्रयण इति वाजसनेयकं भवति भवति
māṃsīyanti ha vā agnayo 'juhvato yajamānasya
te yajamānam eva dhyāyanti
yajamānaṃ saṃkalpayanti
pacanti ha vā anyeṣv agniṣu vṛthāmāṃsam
athaiteṣāṃ nānyā māṃsāśā vidyate
yasyo caite bhavanti taṃ tato nānījānaṃ paśunā saṃvatsaro 'tīyāt
āyuṣyo ha vā asyaiṣa ātmaniṣkrayaṇa iti vājasaneyakaṃ bhavati bhavati

