16 shlokas
- 1
प्रथमेनाद्यांश्चतुरो दशमं च
द्वितीयेन प्राग्वनस्पतेः
उत्तमेन शेषम्
prathamenādyāṃścaturo daśamaṃ ca
dvitīyena prāgvanaspateḥ
uttamena śeṣam
- 2
उत्तरयोर्विकारेषूभौ होतारं चोदयतो ऽध्वर्युर्मैत्रावरुणश्च यजेति
uttarayorvikāreṣūbhau hotāraṃ codayato 'dhvaryurmaitrāvaruṇaśca yajeti
- 3
अत्र स्वरोर् अञ्जनम् एके समामनन्ति
atra svaror añjanam eke samāmananti
- 4
प्रत्याक्रम्य जुह्वां स्वरुम् अवधायानूयाजान्ते जुहोति द्याम्ते धूमो गच्छत्व् अन्तरिक्षम् अर्चिः पृथिवीं भस्मना पृणस्व स्वाहेति
pratyākramya juhvāṃ svarum avadhāyānūyājānte juhoti dyāmte dhūmo gacchatv antarikṣam arciḥ pṛthivīṃ bhasmanā pṛṇasva svāheti
- 5
समानम् आ प्रत्याश्रावणात्
samānam ā pratyāśrāvaṇāt
- 6
सूक्तवाकप्रैषो विक्रियते
sūktavākapraiṣo vikriyate
- 7
तं मैत्रावरुणो ब्रूयाद् अग्निम् अद्य होतारम् अवृणीतेति
taṃ maitrāvaruṇo brūyād agnim adya hotāram avṛṇīteti
- 8
ध्रुवावर्जं चतसृभिः परिधीन् अभिजुहोति
dhruvāvarjaṃ catasṛbhiḥ paridhīn abhijuhoti
- 9
दक्षिणेन विहारं जाघनीं हृत्वा तया पत्नीः संयाजयन्ति
dakṣiṇena vihāraṃ jāghanīṃ hṛtvā tayā patnīḥ saṃyājayanti
- 10
आज्येन सोमत्वष्टाराव् इष्ट्वोत्तानायै जाघन्यै देवानां पत्नीभ्यो ऽवद्यति
नीच्या अग्नये गृहपतये
ājyena somatvaṣṭārāv iṣṭvottānāyai jāghanyai devānāṃ patnībhyo 'vadyati
nīcyā agnaye gṛhapataye
- 11
उत्तानायै होत्र इडाम् अवद्यति नीच्या अग्नीधे
uttānāyai hotra iḍām avadyati nīcyā agnīdhe
- 12
तां पत्न्यै प्रयच्छति तां साध्वर्यवे ऽन्यस्मै वा ब्राह्मणाय
tāṃ patnyai prayacchati tāṃ sādhvaryave 'nyasmai vā brāhmaṇāya
- 13
बाहुं शमित्रे
bāhuṃ śamitre
- 14
तं स ब्राह्मणाय यद्य् अब्राह्मणो भवति
taṃ sa brāhmaṇāya yady abrāhmaṇo bhavati
- 15
यज्ञ यज्ञं गच्छेति त्रीणि समिष्टयजूंषि हुत्वानुपस्पृशन्हृदयशूलम् उदङ्परेत्यासंचरे ऽप उपनिनीय शुष्कार्द्रयोः संधाव् उद्वासयति शुग् असीति द्वेष्यं मनसा ध्यायन्
yajña yajñaṃ gaccheti trīṇi samiṣṭayajūṃṣi hutvānupaspṛśanhṛdayaśūlam udaṅparetyāsaṃcare 'pa upaninīya śuṣkārdrayoḥ saṃdhāv udvāsayati śug asīti dveṣyaṃ manasā dhyāyan
- 16
सुमित्रा न आप ओषधय इति तस्मिंश्चात्वाले वा सहपत्नीका मार्जयित्वा धाम्नो धाम्नो राजन्न् उद् उत्तमम् इत्य् आदित्यम् उपस्थायैधो ऽस्य् एधिषीमहीत्य् आहवनीये समिध आधायापो अन्वचारिषम् इत्य् उपतिष्ठन्ते
sumitrā na āpa oṣadhaya iti tasmiṃścātvāle vā sahapatnīkā mārjayitvā dhāmno dhāmno rājann ud uttamam ity ādityam upasthāyaidho 'sy edhiṣīmahīty āhavanīye samidha ādhāyāpo anvacāriṣam ity upatiṣṭhante

