12 shlokas
- 1
मनोतायै हविषो ऽवदीयमानस्यानुब्रूहीति
manotāyai haviṣo 'vadīyamānasyānubrūhīti
- 2
हृदयस्याग्रे ऽवद्यति
अथ जिह्वाया अथ वक्षसो याथाकामीतरेषाम्
hṛdayasyāgre 'vadyati
atha jihvāyā atha vakṣaso yāthākāmītareṣām
- 3
मध्यतो गुदस्यावद्यतीत्य् उक्तम्
madhyato gudasyāvadyatīty uktam
- 4
यथोद्धृतं वा
yathoddhṛtaṃ vā
- 5
दैवतानां द्विर्द्विर् अवदाय जुह्वाम् अवदधाति
उपभृति सौविष्टकृतानां सकृत्सकृत्
daivatānāṃ dvirdvir avadāya juhvām avadadhāti
upabhṛti sauviṣṭakṛtānāṃ sakṛtsakṛt
- 6
गुदं त्रैधं विभज्य स्थविमद् उपयड्भ्यो निधाय मध्यमं द्वैधं विभज्य दैवतेष्व् अवदधाति
अणिमत्सौविष्टकृतेषु
gudaṃ traidhaṃ vibhajya sthavimad upayaḍbhyo nidhāya madhyamaṃ dvaidhaṃ vibhajya daivateṣv avadadhāti
aṇimatsauviṣṭakṛteṣu
- 7
अपि वा द्वैधं विभज्य स्थविमद् उपयड्भ्यो निधायेतरत्त्रैधं विभज्य मध्यं द्वैधं विभज्य दैवतेष्व् अवदधाति
अणिमत्सौविष्टकृतेषु स्थविष्ठम् इडायाम्
api vā dvaidhaṃ vibhajya sthavimad upayaḍbhyo nidhāyetarattraidhaṃ vibhajya madhyaṃ dvaidhaṃ vibhajya daivateṣv avadadhāti
aṇimatsauviṣṭakṛteṣu sthaviṣṭham iḍāyām
- 8
त्रेधा मेदो ऽवद्यति द्विभागं स्रुचोस्तृतीयं समवत्तधान्याम्
tredhā medo 'vadyati dvibhāgaṃ srucostṛtīyaṃ samavattadhānyām
- 9
यूषे मेदो ऽवधाय मेदसा स्रुचौ प्रावृत्य हिरण्यशकलाव् उपरिष्टात्कृत्वाभिघारयति
yūṣe medo 'vadhāya medasā srucau prāvṛtya hiraṇyaśakalāv upariṣṭātkṛtvābhighārayati
- 10
समवत्तधान्यां षड् आद्यानीडाम् अवद्यति वनिष्ठुं सप्तमम्
षड्भ्यो वा वनिष्ठोः सप्तमात्
samavattadhānyāṃ ṣaḍ ādyānīḍām avadyati vaniṣṭhuṃ saptamam
ṣaḍbhyo vā vaniṣṭhoḥ saptamāt
- 11
अनस्थिभिर् इडां वर्धयति
anasthibhir iḍāṃ vardhayati
- 12
क्लोमानं प्लीहानं पुरीततम् इत्य् अन्ववधाय यूष्णोपसिच्याभिघारयति
klomānaṃ plīhānaṃ purītatam ity anvavadhāya yūṣṇopasicyābhighārayati

