14 shlokas
- 1
धेन्वनडुहोश्चाकारणात्
dhenvanaḍuhoścākāraṇāt
- 2
धुर्यवाहप्रवृत्तौ चेतरेषां प्राणिनाम्
dhuryavāhapravṛttau cetareṣāṃ prāṇinām
- 3
अनाक्रोश्यम् आक्रुश्यानृतं वोक्त्वा त्रिरात्रम् अक्षीराक्षारालवणभोजनं
anākrośyam ākruśyānṛtaṃ voktvā trirātram akṣīrākṣārālavaṇabhojanaṃ
- 4
शूद्रस्य सप्तरात्रम् अभोजनम्
śūdrasya saptarātram abhojanam
- 5
स्त्रीणां चैवम्
strīṇāṃ caivam
- 6
येष्व् आभिशस्त्यं तेषाम् एकाङ्गं छित्त्वाप्राणहिंसायाम्
yeṣv ābhiśastyaṃ teṣām ekāṅgaṃ chittvāprāṇahiṃsāyām
- 7
अनार्यवपैशुनप्रतिषिद्धाचारेष्व् अभक्ष्याभोज्यापेयप्राशने शूद्रायां च रेतः सिक्त्वायोनौ च दोषवच्च कर्माभिसंधिपूर्वं कृत्वानभिसंधिपूर्वं वाब्लिङ्गाभिर् अप उपस्पृशेद्वारुणीभिर्वान्यैर्वा पवित्रैर्यथा कर्माभ्यासः
anāryavapaiśunapratiṣiddhācāreṣv abhakṣyābhojyāpeyaprāśane śūdrāyāṃ ca retaḥ siktvāyonau ca doṣavacca karmābhisaṃdhipūrvaṃ kṛtvānabhisaṃdhipūrvaṃ vābliṅgābhir apa upaspṛśedvāruṇībhirvānyairvā pavitrairyathā karmābhyāsaḥ
- 8
गर्दभेनावकीर्णी निकृतिं पाकयज्ञेन यजेत
gardabhenāvakīrṇī nikṛtiṃ pākayajñena yajeta
- 9
तस्य शूद्रः प्राश्नीयात्
tasya śūdraḥ prāśnīyāt
- 10
मिथ्याधीतप्रायश्चित्तम्
mithyādhītaprāyaścittam
- 11
संवत्सरम् आचार्यहिते वर्तमानो वाचं यच्छेत्स्वाध्याय एवोत्सृजमानो वाचम् आचार्य आचार्यदारे भिक्षाचर्ये च
saṃvatsaram ācāryahite vartamāno vācaṃ yacchetsvādhyāya evotsṛjamāno vācam ācārya ācāryadāre bhikṣācarye ca
- 12
एवम् अन्येष्व् अपि दोषवत्स्व् अपतनीयेषूत्तराणि यानि वक्ष्यामः
evam anyeṣv api doṣavatsv apatanīyeṣūttarāṇi yāni vakṣyāmaḥ
- 13
काममन्युभ्यां वा जुहुयात्कामो ऽकार्षीन्मन्युर् अकार्षीद् इति जपेद्वा
kāmamanyubhyāṃ vā juhuyātkāmo 'kārṣīnmanyur akārṣīd iti japedvā
- 14
पर्वणि वा तिलभक्ष उपोष्य वा श्वोभूत उदकम् उपस्पृश्य सावित्रीं प्राणायामशः सहस्रकृत्व आवर्तयेद् अप्राणायामशो वा
parvaṇi vā tilabhakṣa upoṣya vā śvobhūta udakam upaspṛśya sāvitrīṃ prāṇāyāmaśaḥ sahasrakṛtva āvartayed aprāṇāyāmaśo vā

