248 shlokas
- 1
स्वर्गस्त्रिविष्टपं द्योदिवौ भुविस्तविषताविषौ नाकः
गौस्त्रिदिवमूर्ध्वलोकः सुरालयस्तत्सदस्त्वमराः
svargastriviṣṭapaṃ dyodivau bhuvistaviṣatāviṣau nākaḥ
gaustridivamūrdhvalokaḥ surālayastatsadastvamarāḥ
- 2
देवाः सुपर्वसुरनिर्जरदेवतर्भुबर्हिर्मुखानिमिषदैवतनाकिलेखाः
वृन्दारकाः सुमनसस्त्रिदशा अमर्त्याः स्वाहास्वधाक्रतुसुधाभुज आदितेयाः
devāḥ suparvasuranirjaradevatarbhubarhirmukhānimiṣadaivatanākilekhāḥ
vṛndārakāḥ sumanasastridaśā amartyāḥ svāhāsvadhākratusudhābhuja āditeyāḥ
- 3
गीर्वाणा मरुतो ऽस्वप्ना विबुधा दानवारयः
तेषां यानं विमानो ऽन्धः पीयूषममृतं सुधा
gīrvāṇā maruto 'svapnā vibudhā dānavārayaḥ
teṣāṃ yānaṃ vimāno 'ndhaḥ pīyūṣamamṛtaṃ sudhā
- 4
असुरा नागास्तडितः सुपर्णका वह्नयो ऽनिलाः स्तनिताः
उदधिद्वीपदिशो दश भवनाधीशाः कुमारान्ताः
asurā nāgāstaḍitaḥ suparṇakā vahnayo 'nilāḥ stanitāḥ
udadhidvīpadiśo daśa bhavanādhīśāḥ kumārāntāḥ
- 5
स्युः पिशाचा भूता यक्षा राक्षसाः किंनरा अपि
किंपुरुषा महोरगा गन्धर्वाश्चान्तरा अमी
syuḥ piśācā bhūtā yakṣā rākṣasāḥ kiṃnarā api
kiṃpuruṣā mahoragā gandharvāścāntarā amī
- 6
ज्योतिष्काः पञ्च चन्द्रार्कग्रहनक्षत्रतारकाः
वैमानिकाः पुनः कल्पभवा द्वादश ते त्वमी
jyotiṣkāḥ pañca candrārkagrahanakṣatratārakāḥ
vaimānikāḥ punaḥ kalpabhavā dvādaśa te tvamī
- 7
सौधर्मेशानसनत्कुमारमाहेन्द्रब्रह्मलान्तकजाः
शुक्रसहस्रारानतप्राणतजा आरणाच्युतजाः
saudharmeśānasanatkumāramāhendrabrahmalāntakajāḥ
śukrasahasrārānataprāṇatajā āraṇācyutajāḥ
- 8
कल्पातीता नव ग्रैवेयकाः पञ्च त्वनुत्तराः
निकायभेदादेवं स्युर्देवाः किल चतुर्विधाः
kalpātītā nava graiveyakāḥ pañca tvanuttarāḥ
nikāyabhedādevaṃ syurdevāḥ kila caturvidhāḥ
- 9
आदित्यः सवितार्यमा खरसहस्रोष्णांशुर् अंशू रविर्मार्तण्डस्तरणिर्गभस्तिररुणो भानुर्नभो ऽहर्मणिः
सूर्यो ऽर्कः किरणो भगो ग्रहपुषः पूषा पतङ्गः खगो मार्ताण्डो यमुनाकृतान्तजनकः प्रद्योतनस्तापनः
ādityaḥ savitāryamā kharasahasroṣṇāṃśur aṃśū ravirmārtaṇḍastaraṇirgabhastiraruṇo bhānurnabho 'harmaṇiḥ
sūryo 'rkaḥ kiraṇo bhago grahapuṣaḥ pūṣā pataṅgaḥ khago mārtāṇḍo yamunākṛtāntajanakaḥ pradyotanastāpanaḥ
- 10
ब्रध्नो हंसश्चित्रभानुर्विवस्वान्सूरस्त्वष्टा द्वादशात्मा च हेलिः
मित्रो ध्वान्तारातिर् अब्जांशुहस्तश्चक्राब्जाहर्बान्धवः सप्तसप्तिः
bradhno haṃsaścitrabhānurvivasvānsūrastvaṣṭā dvādaśātmā ca heliḥ
mitro dhvāntārātir abjāṃśuhastaścakrābjāharbāndhavaḥ saptasaptiḥ
- 11
दिवादिनाहर्दिवसप्रभाविभाभासः करः स्यान्मिहिरो विरोचनः
ग्रहाब्जिनीगोद्युपतिर्विकर्तनो हरिः शुचीनौ गगनाहजाध्वगौ
divādināhardivasaprabhāvibhābhāsaḥ karaḥ syānmihiro virocanaḥ
grahābjinīgodyupatirvikartano hariḥ śucīnau gaganāhajādhvagau
- 12
हरिदश्वो जगत्कर्मसाक्षी भास्वान्विभावसुः
त्रयीतनुर्जगच्चक्षुस्तपनो ऽरुणसारथिः
haridaśvo jagatkarmasākṣī bhāsvānvibhāvasuḥ
trayītanurjagaccakṣustapano 'ruṇasārathiḥ
- 13
रोचिरुस्ररुचिशोचिरंशुगो ज्योतिरर्चिरुपधृत्यभीशवः
प्रग्रहः शुचिमरीचिदीप्तयो धामकेतुघृणिरश्मिपृश्नयः
rocirusraruciśociraṃśugo jyotirarcirupadhṛtyabhīśavaḥ
pragrahaḥ śucimarīcidīptayo dhāmaketughṛṇiraśmipṛśnayaḥ
- 14
पाददीधितिकरद्युतिद्युतो रुग्विरोककिरणत्विषित्विषः
भाःप्रभावसुगभस्तिभानवो भा मयूखमहसी छविर्विभा
pādadīdhitikaradyutidyuto rugvirokakiraṇatviṣitviṣaḥ
bhāḥprabhāvasugabhastibhānavo bhā mayūkhamahasī chavirvibhā
- 15
प्रकाशस्तेज उद्द्योत आलोको वर्च आतपः
मरीचिका मृगतृष्णा मण्डलं तूपसूर्यकम्
prakāśasteja uddyota āloko varca ātapaḥ
marīcikā mṛgatṛṣṇā maṇḍalaṃ tūpasūryakam
- 16
परिधिः परिवेषश्च सूरसूतस्तु काश्यपिः
अनूरुर्विनतासूनुररुणो गरुडाग्रजः
paridhiḥ pariveṣaśca sūrasūtastu kāśyapiḥ
anūrurvinatāsūnuraruṇo garuḍāgrajaḥ
- 17
रेवन्तस्त्वर्करेतोजः प्लवगो हयवाहनः
अष्टादश माठराद्याः सवितुः परिपार्श्वकाः
revantastvarkaretojaḥ plavago hayavāhanaḥ
aṣṭādaśa māṭharādyāḥ savituḥ paripārśvakāḥ
- 18
चन्द्रमाः कुमुदबान्धवो दशश्वेतवाज्यमृतसूस्तिथिप्रणीः
कौमुदीकुमुदिनीभदक्षजारोहिणीद्विजनिशौषधीपतिः
candramāḥ kumudabāndhavo daśaśvetavājyamṛtasūstithipraṇīḥ
kaumudīkumudinībhadakṣajārohiṇīdvijaniśauṣadhīpatiḥ
- 19
जैवातृको ऽब्जश्च कलाशशैणच्छायाभृद् इन्दुर्विधुर् अत्रिदृग्जः
राजा निशो रत्नकरौ च चन्द्रः सोमो ऽमृतश्वेतहिमद्युतिर्ग्लौः
jaivātṛko 'bjaśca kalāśaśaiṇacchāyābhṛd indurvidhur atridṛgjaḥ
rājā niśo ratnakarau ca candraḥ somo 'mṛtaśvetahimadyutirglauḥ
- 20
षोडशो ऽंशः कला चिह्नं लक्षणं लक्ष्म लाञ्छनम्
अङ्कः कलङ्को ऽभिज्ञानं चन्द्रिका चन्द्रगोलिका
ṣoḍaśo 'ṃśaḥ kalā cihnaṃ lakṣaṇaṃ lakṣma lāñchanam
aṅkaḥ kalaṅko 'bhijñānaṃ candrikā candragolikā
- 21
चन्द्रातपः कौमुदी च ज्योत्स्ना बिम्बं तु मण्डलम्
नक्षत्रं तारका ताराज्योतिषी भमुडु ग्रहः
candrātapaḥ kaumudī ca jyotsnā bimbaṃ tu maṇḍalam
nakṣatraṃ tārakā tārājyotiṣī bhamuḍu grahaḥ
- 22
धिष्ण्यमृक्षमथाश्विन्यश्वकिनी दस्रदेवता
अश्वयुग्वालिनी चाथ भरणी यमदेवता
dhiṣṇyamṛkṣamathāśvinyaśvakinī dasradevatā
aśvayugvālinī cātha bharaṇī yamadevatā
- 23
कृत्तिका बहुलाश्चाग्निदेवा ब्राह्मी तु रोहिणी
मृगशीर्षं मृगशिरो मार्गश्चान्द्रमसं मृगः
kṛttikā bahulāścāgnidevā brāhmī tu rohiṇī
mṛgaśīrṣaṃ mṛgaśiro mārgaścāndramasaṃ mṛgaḥ
- 24
इल्वलास्तु मृगशिरःशिरस्थाः पञ्च तारकाः
आर्द्रा तु कालिनी रौद्री पुनर्वसू तु यामकौ
ilvalāstu mṛgaśiraḥśirasthāḥ pañca tārakāḥ
ārdrā tu kālinī raudrī punarvasū tu yāmakau
- 25
आदित्यौ च पुष्पस्तिष्यः सिध्यश्च गुरुदैवतः
सार्पो ऽश्लेषा मघा पित्र्या फाल्गुनी योनिदेवता
ādityau ca puṣpastiṣyaḥ sidhyaśca gurudaivataḥ
sārpo 'śleṣā maghā pitryā phālgunī yonidevatā
- 26
सा तूत्तरार्यमदेवा हस्तः सवितृदैवतः
त्वाष्ट्री चित्रानिली स्वातिर्विशाखेन्द्राग्निदेवताः
sā tūttarāryamadevā hastaḥ savitṛdaivataḥ
tvāṣṭrī citrānilī svātirviśākhendrāgnidevatāḥ
- 27
राधानुराधा तु मैत्री ज्येष्ठैन्द्री मूल आस्रपः
पूर्वाषाढा तु सोत्तरा स्याद्वैश्वी श्रवणः पुनः
rādhānurādhā tu maitrī jyeṣṭhaindrī mūla āsrapaḥ
pūrvāṣāḍhā tu sottarā syādvaiśvī śravaṇaḥ punaḥ
- 28
हरिदेवः श्रविष्ठा तु धनिष्ठा वसुदेवता
वारुणी तु शतभिषग् अजाहिर्बुध्नदेवताः
haridevaḥ śraviṣṭhā tu dhaniṣṭhā vasudevatā
vāruṇī tu śatabhiṣag ajāhirbudhnadevatāḥ
- 29
पूर्वोत्तरा भाद्रपदा दृश्यः प्रोष्ठपदाश्च ताः
रेवती तु पौष्णं दाक्षायण्यः सर्वाः शशिप्रियाः
pūrvottarā bhādrapadā dṛśyaḥ proṣṭhapadāśca tāḥ
revatī tu pauṣṇaṃ dākṣāyaṇyaḥ sarvāḥ śaśipriyāḥ
- 30
राशीनामुदयो लग्नं मेषप्रभृतयस्तु ते
आरो वक्रो लोहिताङ्गो मङ्गलो ऽङ्गारकः कुजः
rāśīnāmudayo lagnaṃ meṣaprabhṛtayastu te
āro vakro lohitāṅgo maṅgalo 'ṅgārakaḥ kujaḥ

