77 shlokas
- 1
प्रणिपत्यार्हतः सिद्धसाङ्गशब्दानुशासनः
रूढयौगिकमिश्राणां नाम्नां मालां तनोम्यहम्
praṇipatyārhataḥ siddhasāṅgaśabdānuśāsanaḥ
rūḍhayaugikamiśrāṇāṃ nāmnāṃ mālāṃ tanomyaham
- 2
व्युत्पत्तिरहिताः शब्दा रूढा आखण्डलादयः
योगो ऽन्वयः स तु गुणक्रियासंबन्धसंभवः
vyutpattirahitāḥ śabdā rūḍhā ākhaṇḍalādayaḥ
yogo 'nvayaḥ sa tu guṇakriyāsaṃbandhasaṃbhavaḥ
- 3
गुणतो नीलकण्ठाद्याः क्रियातः स्रष्टृसंनिभाः
स्वस्वामित्वादिसंबन्धस्तत्राहुर्नाम तद्वताम्
guṇato nīlakaṇṭhādyāḥ kriyātaḥ sraṣṭṛsaṃnibhāḥ
svasvāmitvādisaṃbandhastatrāhurnāma tadvatām
- 4
स्वात्पालधनभुग्नेतृपतिमत्वर्थकादयः
भूपालो भूधनो भूभुग्भूनेता भूपतिस्तथा
svātpāladhanabhugnetṛpatimatvarthakādayaḥ
bhūpālo bhūdhano bhūbhugbhūnetā bhūpatistathā
- 5
भूमांश्चेति कविरूढ्या ज्ञेयोदाहरणावली
जन्यात्कृत्कर्तृसृट्स्रष्टृविधातृकरसूसमाः
bhūmāṃśceti kavirūḍhyā jñeyodāharaṇāvalī
janyātkṛtkartṛsṛṭsraṣṭṛvidhātṛkarasūsamāḥ
- 6
जनकाद्योनिजरुहजन्मभूसूत्यणादयः
धार्याद्ध्वजास्त्रपाण्यङ्कमौलिभूषणभृन्निभाः
janakādyonijaruhajanmabhūsūtyaṇādayaḥ
dhāryāddhvajāstrapāṇyaṅkamaulibhūṣaṇabhṛnnibhāḥ
- 7
शालिशेखरमत्वर्थमालिभर्तृधरा अपि
भोज्याद्भुगन्धोव्रतलिट्पायिपाशाशनादयः
śāliśekharamatvarthamālibhartṛdharā api
bhojyādbhugandhovrataliṭpāyipāśāśanādayaḥ
- 8
पत्युः कान्ताप्रियतमावधूप्रणयिनीनिभाः
कलत्राद्वररमणप्रणयीशप्रियादयः
patyuḥ kāntāpriyatamāvadhūpraṇayinīnibhāḥ
kalatrādvararamaṇapraṇayīśapriyādayaḥ
- 9
सख्युः सखिसमा वाह्याद्गामियानासनादयः
ज्ञातेः स्वसृदुहित्रात्मजाग्रजावरजादयः
sakhyuḥ sakhisamā vāhyādgāmiyānāsanādayaḥ
jñāteḥ svasṛduhitrātmajāgrajāvarajādayaḥ
- 10
आश्रयात्सद्मपर्यायशयवासिसदादयः
वध्याद्भिद्द्वेषिजिद्धातिध्रुग्रिपुध्वंसिशासनाः
āśrayātsadmaparyāyaśayavāsisadādayaḥ
vadhyādbhiddveṣijiddhātidhrugripudhvaṃsiśāsanāḥ
- 12
प्राक्प्रदर्शितसंबन्धिशब्दा योज्या यथोचितम्
दृश्यते खलु वाह्यत्वे वृषस्य वृषवाहनः
prākpradarśitasaṃbandhiśabdā yojyā yathocitam
dṛśyate khalu vāhyatve vṛṣasya vṛṣavāhanaḥ
- 21
एकेन्द्रियाः पृथिव्यम्बुतेजोवायुमहीरुहः
कृमिपीलकलूताद्याः स्युर्द्वित्रिचतुरिन्द्रियाः
ekendriyāḥ pṛthivyambutejovāyumahīruhaḥ
kṛmipīlakalūtādyāḥ syurdvitricaturindriyāḥ
- 22
पञ्चेन्द्रियाश्चेभकेकिमत्स्याद्याः स्थलखाम्बुगाः
पञ्चेन्द्रिया एव देवा नरा नैरयिका अपि
pañcendriyāścebhakekimatsyādyāḥ sthalakhāmbugāḥ
pañcendriyā eva devā narā nairayikā api
- 23
नारकाः पञ्चमे साङ्गाः षष्ठे साधारणाः स्फुटम्
प्रस्तोष्यन्ते ऽव्ययाश्चात्र त्वन्ताथादी न पूर्वगौ
nārakāḥ pañcame sāṅgāḥ ṣaṣṭhe sādhāraṇāḥ sphuṭam
prastoṣyante 'vyayāścātra tvantāthādī na pūrvagau
- 24
अर्हञ्जिनः पारगतस्त्रिकालवित्क्षीणाष्टकर्मापरमेष्ठ्यधीश्वरः
शंभुः स्वयंभूर्भगवाञ्जगत्प्रभुस्तीर्थंकरस्तीर्थकरो जिनेश्वरः
arhañjinaḥ pāragatastrikālavitkṣīṇāṣṭakarmāparameṣṭhyadhīśvaraḥ
śaṃbhuḥ svayaṃbhūrbhagavāñjagatprabhustīrthaṃkarastīrthakaro jineśvaraḥ
- 25
स्याद्वाद्यभयदसार्वाः सर्वज्ञः सर्वदर्शिकेवलिनौ
देवाधिदेवबोधदपुरुषोत्तमवीतरागाप्ताः
syādvādyabhayadasārvāḥ sarvajñaḥ sarvadarśikevalinau
devādhidevabodhadapuruṣottamavītarāgāptāḥ
- 26
एतस्यामवसर्पिण्यामृषभो ऽजितशंभवौ
अभिनन्दनः सुमतिस्ततः पद्मप्रभाभिधः
etasyāmavasarpiṇyāmṛṣabho 'jitaśaṃbhavau
abhinandanaḥ sumatistataḥ padmaprabhābhidhaḥ
- 27
सुपार्श्वश्चन्द्रप्रभश्च सुविधिश्चाथ शीतलः
श्रेयांसो वासुपूज्यश्च विमलो ऽनन्ततीर्थकृत्
supārśvaścandraprabhaśca suvidhiścātha śītalaḥ
śreyāṃso vāsupūjyaśca vimalo 'nantatīrthakṛt
- 28
धर्मः शान्तिः कुंथुररो मल्लिश्च मुनिसुव्रतः
नमिर्नेमिः पार्श्वो वीरश्चतुर्विंशतिरर्हताम्
dharmaḥ śāntiḥ kuṃthuraro malliśca munisuvrataḥ
namirnemiḥ pārśvo vīraścaturviṃśatirarhatām
- 29
ऋषभो वृषभः श्रेयाञ्श्रेयांसः स्यादनन्तजिदनन्तः
सुविधिस्तु पुष्पदन्तो मुनिसुव्रतसुव्रतौ तुल्यौ
ṛṣabho vṛṣabhaḥ śreyāñśreyāṃsaḥ syādanantajidanantaḥ
suvidhistu puṣpadanto munisuvratasuvratau tulyau
- 30
अरिष्टनेमिस्तु नेमिर्वीरश्चरमतीर्थकृत्
महावीरो वर्धमानो देवार्यो ज्ञातनन्दनः
ariṣṭanemistu nemirvīraścaramatīrthakṛt
mahāvīro vardhamāno devāryo jñātanandanaḥ
- 31
गणा नवास्यर्षिसंघा एकादश गणाधिपाः
इन्द्रभूतिरग्निभूतिवायुभूतिश्च गौतमाः
gaṇā navāsyarṣisaṃghā ekādaśa gaṇādhipāḥ
indrabhūtiragnibhūtivāyubhūtiśca gautamāḥ
- 32
व्यक्तः सुधर्मा मण्डितमौर्यपुत्रावकम्पितः
अचलभ्राता मेतार्यः प्रभासश्च पृथक्कुलाः
vyaktaḥ sudharmā maṇḍitamauryaputrāvakampitaḥ
acalabhrātā metāryaḥ prabhāsaśca pṛthakkulāḥ
- 33
केवली चरमो जम्बूस्वाम्यथ प्रभवत्प्रभुः
शय्यंभवो यशोभद्रः संभूतविजयस्ततः
kevalī caramo jambūsvāmyatha prabhavatprabhuḥ
śayyaṃbhavo yaśobhadraḥ saṃbhūtavijayastataḥ
- 34
भद्रबाहुः स्थूलभद्रः श्रुतकेवलिनो हि षट्
महागिरिसुहस्त्याद्या वज्रान्ता दशपूर्विणः
bhadrabāhuḥ sthūlabhadraḥ śrutakevalino hi ṣaṭ
mahāgirisuhastyādyā vajrāntā daśapūrviṇaḥ
- 35
इक्ष्वाकुकुलसम्भूताः स्याद्द्वाविंशतिर् अर्हताम्
मुनिसुव्रतनेमी तु हरिवंशसमुद्भवौ
ikṣvākukulasambhūtāḥ syāddvāviṃśatir arhatām
munisuvratanemī tu harivaṃśasamudbhavau
- 36
नाभिश्च जितशत्रुश्च जितारिरथ संवरः
मेघो धरः प्रतिष्ठश्च महासेननरेश्वरः
nābhiśca jitaśatruśca jitāriratha saṃvaraḥ
megho dharaḥ pratiṣṭhaśca mahāsenanareśvaraḥ
- 37
सुग्रीवश्च दृढरथो विष्णुश्च वसुपूज्यराट्
कृतवर्मा सिंहसेनो भानुश्च विश्वसेनराट्
sugrīvaśca dṛḍharatho viṣṇuśca vasupūjyarāṭ
kṛtavarmā siṃhaseno bhānuśca viśvasenarāṭ
- 38
सूरः सुदर्शनः कुम्भः सुमित्रो विजयस्तथा
समुद्रविजयश्चाश्वसेनः सिद्धार्थ एव च
sūraḥ sudarśanaḥ kumbhaḥ sumitro vijayastathā
samudravijayaścāśvasenaḥ siddhārtha eva ca
- 39
मरुदेवा विजया सेना सिद्धार्था च मङ्गला
ततः सुसीमा पृथ्वी लक्ष्मणा रामा ततः परम्
marudevā vijayā senā siddhārthā ca maṅgalā
tataḥ susīmā pṛthvī lakṣmaṇā rāmā tataḥ param

