अक्षरब्रह्मयोगः

28 shlokas

1. 1

   किं तद् ब्रह्म किमध्यात्मं किं कर्म पुरुषोत्तम ।

   अधिभूतं च किं प्रोक्तमधिदैवं किमुच्यते ॥

   kiṃ tad brahma kimadhyātmaṃ kiṃ karma puruṣottama |

   adhibhūtaṃ ca kiṃ proktamadhidaivaṃ kimucyate ||

   Rascunho automático
2. 2

   अधियज्ञः कथं कोऽत्र देहेऽस्मिन्मधुसूदन ।

   प्रयाणकाले च कथं ज्ञेयोऽसि नियतात्मभिः ॥

   adhiyajñaḥ kathaṃ ko'tra dehe'sminmadhusūdana |

   prayāṇakāle ca kathaṃ jñeyo'si niyatātmabhiḥ ||

   Rascunho automático
3. 3

   अक्षरं ब्रह्म परमं स्वभावोऽध्यात्ममुच्यते ।

   भूतभावोद्भवकरो विसर्गः कर्मसंज्ञितः ॥

   akṣaraṃ brahma paramaṃ svabhāvo'dhyātmamucyate |

   bhūtabhāvodbhavakaro visargaḥ karmasaṃjñitaḥ ||

   Rascunho automático
4. 4

   अधिभूतं क्षरो भावः पुरुषश्चाधिदैवतम् ।

   अधियज्ञोऽहमेवात्र देहे देहभृतां वर ॥

   adhibhūtaṃ kṣaro bhāvaḥ puruṣaścādhidaivatam |

   adhiyajño'hamevātra dehe dehabhṛtāṃ vara ||

   Rascunho automático
5. 5

   अन्तकाले च मामेव स्मरन्मुक्त्वा कलेवरम् ।

   यः प्रयाति स मद्भावं याति नास्त्यत्र संशयः ॥

   antakāle ca māmeva smaranmuktvā kalevaram |

   yaḥ prayāti sa madbhāvaṃ yāti nāstyatra saṃśayaḥ ||

   Rascunho automático
6. 6

   यं यं वापि स्मरन्भावं त्यजत्यन्ते कलेवरम् ।

   तं तमेवैति कौन्तेय सदा तद्भावभावितः ॥

   yaṃ yaṃ vāpi smaranbhāvaṃ tyajatyante kalevaram |

   taṃ tamevaiti kaunteya sadā tadbhāvabhāvitaḥ ||

   Rascunho automático
7. 7

   तस्मात्सर्वेषु कालेषु मामनुस्मर युध्य च ।

   मय्यर्पितमनोबुद्धिर्मामेवैष्यस्यसंशयः ॥

   tasmātsarveṣu kāleṣu māmanusmara yudhya ca |

   mayyarpitamanobuddhirmāmevaiṣyasyasaṃśayaḥ ||

   Rascunho automático
8. 8

   अभ्यासयोगयुक्तेन चेतसा नान्यगामिना ।

   परमं पुरुषं दिव्यं याति पार्थानुचिन्तयन् ॥

   abhyāsayogayuktena cetasā nānyagāminā |

   paramaṃ puruṣaṃ divyaṃ yāti pārthānucintayan ||

   Rascunho automático
9. 9

   कविं पुराणमनुशासितार-

   मणोरणीयंसमनुस्मरेद्यः ।

   सर्वस्य धातारमचिन्त्यरूप-

   मादित्यवर्णं तमसः परस्तात् ॥

   kaviṃ purāṇamanuśāsitāra-

   maṇoraṇīyaṃsamanusmaredyaḥ |

   sarvasya dhātāramacintyarūpa-

   mādityavarṇaṃ tamasaḥ parastāt ||

   Rascunho automático
10. 10

    प्रयाणकाले मनसाऽचलेन

    भक्त्या युक्तो योगबलेन चैव ।

    भ्रुवोर्मध्ये प्राणमावेश्य सम्यक्

    स तं परं पुरुषमुपैति दिव्यम् ॥

    prayāṇakāle manasā'calena

    bhaktyā yukto yogabalena caiva |

    bhruvormadhye prāṇamāveśya samyak

    sa taṃ paraṃ puruṣamupaiti divyam ||

    Rascunho automático
11. 11

    यदक्षरं वेदविदो वदन्ति

    विशन्ति यद्यतयो वीतरागाः ।

    यदिच्छन्तो ब्रह्मचर्यं चरन्ति

    तत्ते पदं सङ्ग्रहेण प्रवक्ष्ये ॥

    yadakṣaraṃ vedavido vadanti

    viśanti yadyatayo vītarāgāḥ |

    yadicchanto brahmacaryaṃ caranti

    tatte padaṃ saṅgraheṇa pravakṣye ||

    Rascunho automático
12. 12

    सर्वद्वाराणि संयम्य मनो हृदि निरुध्य च ।

    मूर्ध्न्याधायात्मनः प्राणमास्थितो योगधारणाम् ॥

    sarvadvārāṇi saṃyamya mano hṛdi nirudhya ca |

    mūrdhnyādhāyātmanaḥ prāṇamāsthito yogadhāraṇām ||

    Rascunho automático
13. 13

    ओमित्येकाक्षरं ब्रह्म व्याहरन्मामनुस्मरन् ।

    यः प्रयाति त्यजन्देहं स याति परमां गतिम् ॥

    omityekākṣaraṃ brahma vyāharanmāmanusmaran |

    yaḥ prayāti tyajandehaṃ sa yāti paramāṃ gatim ||

    Rascunho automático
14. 14

    अनन्यचेताः सततं यो मां स्मरति नित्यशः ।

    तस्याहं सुलभः पार्थ नित्ययुक्तस्य योगिनः ॥

    ananyacetāḥ satataṃ yo māṃ smarati nityaśaḥ |

    tasyāhaṃ sulabhaḥ pārtha nityayuktasya yoginaḥ ||

    Rascunho automático
15. 15

    मामुपेत्य पुनर्जन्म दुःखालयमशाश्वतम् ।

    नाप्नुवन्ति महात्मानः संसिद्धिं परमां गताः ॥

    māmupetya punarjanma duḥkhālayamaśāśvatam |

    nāpnuvanti mahātmānaḥ saṃsiddhiṃ paramāṃ gatāḥ ||

    Rascunho automático
16. 16

    आब्रह्मभुवनाल्लोकाः पुनरावर्तिनोऽर्जुन ।

    मामुपेत्य तु कौन्तेय पुनर्जन्म न विद्यते ॥

    ābrahmabhuvanāllokāḥ punarāvartino'rjuna |

    māmupetya tu kaunteya punarjanma na vidyate ||

    Rascunho automático
17. 17

    सहस्रयुगपर्यन्तमहर्यद् ब्रह्मणो विदुः ।

    रात्रिं युगसहस्रान्तां तेऽहोरात्रविदो जनाः ॥

    sahasrayugaparyantamaharyad brahmaṇo viduḥ |

    rātriṃ yugasahasrāntāṃ te'horātravido janāḥ ||

    Rascunho automático
18. 18

    अव्यक्ताद् व्यक्तयः सर्वाः प्रभवन्त्यहरागमे ।

    रात्र्यागमे प्रलीयन्ते तत्रैवाव्यक्तसंज्ञके ॥

    avyaktād vyaktayaḥ sarvāḥ prabhavantyaharāgame |

    rātryāgame pralīyante tatraivāvyaktasaṃjñake ||

    Rascunho automático
19. 19

    भूतग्रामः स एवायं भूत्वा भूत्वा प्रलीयते ।

    रात्र्यागमेऽवशः पार्थ प्रभवत्यहरागमे ॥

    bhūtagrāmaḥ sa evāyaṃ bhūtvā bhūtvā pralīyate |

    rātryāgame'vaśaḥ pārtha prabhavatyaharāgame ||

    Rascunho automático
20. 20

    परस्तस्मात्तु भावोऽन्योऽव्यक्तोऽव्यक्तात्सनातनः ।

    यः स सर्वेषु भूतेषु नश्यत्सु न विनश्यति ॥

    parastasmāttu bhāvo'nyo'vyakto'vyaktātsanātanaḥ |

    yaḥ sa sarveṣu bhūteṣu naśyatsu na vinaśyati ||

    Rascunho automático
21. 21

    अव्यक्तोऽक्षर इत्युक्तस्तमाहुः परमां गतिम् ।

    यं प्राप्य न निवर्तन्ते तद्धाम परमं मम ॥

    avyakto'kṣara ityuktastamāhuḥ paramāṃ gatim |

    yaṃ prāpya na nivartante taddhāma paramaṃ mama ||

    Rascunho automático
22. 22

    पुरुषः स परः पार्थ भक्त्या लभ्यस्त्वनन्यया ।

    यस्यान्तःस्थानि भूतानि येन सर्वमिदं ततम् ॥

    puruṣaḥ sa paraḥ pārtha bhaktyā labhyastvananyayā |

    yasyāntaḥsthāni bhūtāni yena sarvamidaṃ tatam ||

    Rascunho automático
23. 23

    यत्र काले त्वनावृत्तिमावृत्तिं चैव योगिनः ।

    प्रयाता यान्ति तं कालं वक्ष्यामि भरतर्षभ ॥

    yatra kāle tvanāvṛttimāvṛttiṃ caiva yoginaḥ |

    prayātā yānti taṃ kālaṃ vakṣyāmi bharatarṣabha ||

    Rascunho automático
24. 24

    अग्निर्ज्योतिरहः शुक्लः षण्मासा उत्तरायणम् ।

    तत्र प्रयाता गच्छन्ति ब्रह्म ब्रह्मविदो जनाः ॥

    agnirjyotirahaḥ śuklaḥ ṣaṇmāsā uttarāyaṇam |

    tatra prayātā gacchanti brahma brahmavido janāḥ ||

    Rascunho automático
25. 25

    धूमो रात्रिस्तथा कृष्णः षण्मासा दक्षिणायनम् ।

    तत्र चान्द्रमसं ज्योतिर्योगी प्राप्य निवर्तते ॥

    dhūmo rātristathā kṛṣṇaḥ ṣaṇmāsā dakṣiṇāyanam |

    tatra cāndramasaṃ jyotiryogī prāpya nivartate ||

    Rascunho automático
26. 26

    शुक्लकृष्णे गती ह्येते जगतः शाश्वते मते ।

    एकया यात्यनावृत्तिमन्ययावर्तते पुनः ॥

    śuklakṛṣṇe gatī hyete jagataḥ śāśvate mate |

    ekayā yātyanāvṛttimanyayāvartate punaḥ ||

    Rascunho automático
27. 27

    नैते सृती पार्थ जानन्योगी मुह्यति कश्चन ।

    तस्मात्सर्वेषु कालेषु योगयुक्तो भवार्जुन ॥

    naite sṛtī pārtha jānanyogī muhyati kaścana |

    tasmātsarveṣu kāleṣu yogayukto bhavārjuna ||

    Rascunho automático
28. 28

    वेदेषु यज्ञेषु तपःसु चैव

    दानेषु यत्पुण्यफलं प्रदिष्टम् ।

    अत्येति तत्सर्वमिदं विदित्वा

    योगी परं स्थानमुपैति चाद्यम् ॥

    vedeṣu yajñeṣu tapaḥsu caiva

    dāneṣu yatpuṇyaphalaṃ pradiṣṭam |

    atyeti tatsarvamidaṃ viditvā

    yogī paraṃ sthānamupaiti cādyam ||

    Rascunho automático