दैवासुरसम्पद्विभागयोगः

24 shlokas

1. 1

   अभयं सत्त्वसंशुद्धिर्ज्ञानयोगव्यवस्थितिः ।

   दानं दमश्च यज्ञश्च स्वाध्यायस्तप आर्जवम् ॥

   abhayaṃ sattvasaṃśuddhirjñānayogavyavasthitiḥ |

   dānaṃ damaśca yajñaśca svādhyāyastapa ārjavam ||

   Rascunho automático
2. 2

   अहिंसा सत्यमक्रोधस्त्यागः शान्तिरपैशुनम् ।

   दया भूतेष्वलोलुप्त्वं मार्दवं ह्रीरचापलम् ॥

   ahiṃsā satyamakrodhastyāgaḥ śāntirapaiśunam |

   dayā bhūteṣvaloluptvaṃ mārdavaṃ hrīracāpalam ||

   Rascunho automático
3. 3

   तेजः क्षमा धृतिः शौचमद्रोहो नातिमानिता ।

   भवन्ति सम्पदं दैवीमभिजातस्य भारत ॥

   tejaḥ kṣamā dhṛtiḥ śaucamadroho nātimānitā |

   bhavanti sampadaṃ daivīmabhijātasya bhārata ||

   Rascunho automático
4. 4

   दम्भो दर्पोऽभिमानश्च क्रोधः पारुष्यमेव च ।

   अज्ञानं चाभिजातस्य पार्थ सम्पदमासुरीम् ॥

   dambho darpo'bhimānaśca krodhaḥ pāruṣyameva ca |

   ajñānaṃ cābhijātasya pārtha sampadamāsurīm ||

   Rascunho automático
5. 5

   दैवी सम्पद्विमोक्षाय निबन्धायासुरी मता ।

   मा शुचः सम्पदं दैवीमभिजातोऽसि पाण्डव ॥

   daivī sampadvimokṣāya nibandhāyāsurī matā |

   mā śucaḥ sampadaṃ daivīmabhijāto'si pāṇḍava ||

   Rascunho automático
6. 6

   द्वौ भूतसर्गौ लोकेऽस्मिन्दैव आसुर एव च ।

   दैवो विस्तरशः प्रोक्त आसुरं पार्थ मे श‍ृणु ॥

   dvau bhūtasargau loke'smindaiva āsura eva ca |

   daivo vistaraśaḥ prokta āsuraṃ pārtha me śa‍ṛṇu ||

   Rascunho automático
7. 7

   प्रवृत्तिं च निवृत्तिं च जना न विदुरासुराः ।

   न शौचं नापि चाचारो न सत्यं तेषु विद्यते ॥

   pravṛttiṃ ca nivṛttiṃ ca janā na vidurāsurāḥ |

   na śaucaṃ nāpi cācāro na satyaṃ teṣu vidyate ||

   Rascunho automático
8. 8

   असत्यमप्रतिष्ठं ते जगदाहुरनीश्वरम् ।

   अपरस्परसम्भूतं किमन्यत्कामहैतुकम् ॥

   asatyamapratiṣṭhaṃ te jagadāhuranīśvaram |

   aparasparasambhūtaṃ kimanyatkāmahaitukam ||

   Rascunho automático
9. 9

   एतां दृष्टिमवष्टभ्य नष्टात्मानोऽल्पबुद्धयः ।

   प्रभवन्त्युग्रकर्माणः क्षयाय जगतोऽहिताः ॥

   etāṃ dṛṣṭimavaṣṭabhya naṣṭātmāno'lpabuddhayaḥ |

   prabhavantyugrakarmāṇaḥ kṣayāya jagato'hitāḥ ||

   Rascunho automático
10. 10

    काममाश्रित्य दुष्पूरं दम्भमानमदान्विताः ।

    मोहाद्गृहीत्वासद्ग्राहान्प्रवर्तन्तेऽशुचिव्रताः ॥

    kāmamāśritya duṣpūraṃ dambhamānamadānvitāḥ |

    mohādgṛhītvāsadgrāhānpravartante'śucivratāḥ ||

    Rascunho automático
11. 11

    चिन्तामपरिमेयां च प्रलयान्तामुपाश्रिताः ।

    कामोपभोगपरमा एतावदिति निश्चिताः ॥

    cintāmaparimeyāṃ ca pralayāntāmupāśritāḥ |

    kāmopabhogaparamā etāvaditi niścitāḥ ||

    Rascunho automático
12. 12

    आशापाशशतैर्बद्धाः कामक्रोधपरायणाः ।

    ईहन्ते कामभोगार्थमन्यायेनार्थसञ्चयान् ॥

    āśāpāśaśatairbaddhāḥ kāmakrodhaparāyaṇāḥ |

    īhante kāmabhogārthamanyāyenārthasañcayān ||

    Rascunho automático
13. 13

    इदमद्य मया लब्धमिमं प्राप्स्ये मनोरथम् ।

    इदमस्तीदमपि मे भविष्यति पुनर्धनम् ॥

    idamadya mayā labdhamimaṃ prāpsye manoratham |

    idamastīdamapi me bhaviṣyati punardhanam ||

    Rascunho automático
14. 14

    असौ मया हतः शत्रुर्हनिष्ये चापरानपि ।

    ईश्वरोऽहमहं भोगी सिद्धोऽहं बलवान्सुखी ॥

    asau mayā hataḥ śatrurhaniṣye cāparānapi |

    īśvaro'hamahaṃ bhogī siddho'haṃ balavānsukhī ||

    Rascunho automático
15. 15

    आढ्योऽभिजनवानस्मि कोऽन्योऽस्ति सदृशो मया ।

    यक्ष्ये दास्यामि मोदिष्य इत्यज्ञानविमोहिताः ॥

    āḍhyo'bhijanavānasmi ko'nyo'sti sadṛśo mayā |

    yakṣye dāsyāmi modiṣya ityajñānavimohitāḥ ||

    Rascunho automático
16. 16

    अनेकचित्तविभ्रान्ता मोहजालसमावृताः ।

    प्रसक्ताः कामभोगेषु पतन्ति नरकेऽशुचौ ॥

    anekacittavibhrāntā mohajālasamāvṛtāḥ |

    prasaktāḥ kāmabhogeṣu patanti narake'śucau ||

    Rascunho automático
17. 17

    आत्मसम्भाविताः स्तब्धा धनमानमदान्विताः ।

    यजन्ते नामयज्ञैस्ते दम्भेनाविधिपूर्वकम् ॥

    ātmasambhāvitāḥ stabdhā dhanamānamadānvitāḥ |

    yajante nāmayajñaiste dambhenāvidhipūrvakam ||

    Rascunho automático
18. 18

    अहङ्कारं बलं दर्पं कामं क्रोधं च संश्रिताः ।

    मामात्मपरदेहेषु प्रद्विषन्तोऽभ्यसूयकाः ॥

    ahaṅkāraṃ balaṃ darpaṃ kāmaṃ krodhaṃ ca saṃśritāḥ |

    māmātmaparadeheṣu pradviṣanto'bhyasūyakāḥ ||

    Rascunho automático
19. 19

    तानहं द्विषतः क्रूरान्संसारेषु नराधमान् ।

    क्षिपाम्यजस्रमशुभानासुरीष्वेव योनिषु ॥

    tānahaṃ dviṣataḥ krūrānsaṃsāreṣu narādhamān |

    kṣipāmyajasramaśubhānāsurīṣveva yoniṣu ||

    Rascunho automático
20. 20

    आसुरीं योनिमापन्ना मूढा जन्मनि जन्मनि ।

    मामप्राप्यैव कौन्तेय ततो यान्त्यधमां गतिम् ॥

    āsurīṃ yonimāpannā mūḍhā janmani janmani |

    māmaprāpyaiva kaunteya tato yāntyadhamāṃ gatim ||

    Rascunho automático
21. 21

    त्रिविधं नरकस्येदं द्वारं नाशनमात्मनः ।

    कामः क्रोधस्तथा लोभस्तस्मादेतत्त्रयं त्यजेत् ॥

    trividhaṃ narakasyedaṃ dvāraṃ nāśanamātmanaḥ |

    kāmaḥ krodhastathā lobhastasmādetattrayaṃ tyajet ||

    Rascunho automático
22. 22

    एतैर्विमुक्तः कौन्तेय तमोद्वारैस्त्रिभिर्नरः ।

    आचरत्यात्मनः श्रेयस्ततो याति परां गतिम् ॥

    etairvimuktaḥ kaunteya tamodvāraistribhirnaraḥ |

    ācaratyātmanaḥ śreyastato yāti parāṃ gatim ||

    Rascunho automático
23. 23

    यः शास्त्रविधिमुत्सृज्य वर्तते कामकारतः ।

    न स सिद्धिमवाप्नोति न सुखं न परां गतिम् ॥

    yaḥ śāstravidhimutsṛjya vartate kāmakārataḥ |

    na sa siddhimavāpnoti na sukhaṃ na parāṃ gatim ||

    Rascunho automático
24. 24

    तस्माच्छास्त्रं प्रमाणं ते कार्याकार्यव्यवस्थितौ ।

    ज्ञात्वा शास्त्रविधानोक्तं कर्म कर्तुमिहार्हसि ॥

    tasmācchāstraṃ pramāṇaṃ te kāryākāryavyavasthitau |

    jñātvā śāstravidhānoktaṃ karma kartumihārhasi ||

    Rascunho automático