28 shlokas
- 1
प्रात्यं सिंहचर्मण्य् अभिषिञ्चन्त्य् ऋषभचर्माध्यधि धारयन्ति सहस्रशीर्षा पुरुष इति शतकृष्णलं रुक्मं शतातृण्णम् उपरिष्टाद्दधाति हिरण्यगर्भ इति पूर्वासां सप्तानां प्रथमानां पुरस्ताद् अपानभृत इत्य् उपरिष्टान्मासनामानि हुत्वा प्रातर्हस्तं गृह्णाति
prātyaṃ siṃhacarmaṇy abhiṣiñcanty ṛṣabhacarmādhyadhi dhārayanti sahasraśīrṣā puruṣa iti śatakṛṣṇalaṃ rukmaṃ śatātṛṇṇam upariṣṭāddadhāti hiraṇyagarbha iti pūrvāsāṃ saptānāṃ prathamānāṃ purastād apānabhṛta ity upariṣṭānmāsanāmāni hutvā prātarhastaṃ gṛhṇāti
- 2
जागतान्विष्णुक्रमान्क्रामति
jāgatānviṣṇukramānkrāmati
- 3
प्राजापत्यं चरुशेषं पालाशपात्रेष्व् आसिच्य मध्यतःकारिणो ऽभिषिञ्चन्ति
prājāpatyaṃ caruśeṣaṃ pālāśapātreṣv āsicya madhyataḥkāriṇo 'bhiṣiñcanti
- 4
वि रक्षो वि मृधो जहीति मुखं विमृष्टे
vi rakṣo vi mṛdho jahīti mukhaṃ vimṛṣṭe
- 5
प्रचरणकाल उत्तरत आहवनीयस्य वैतसे कटे ऽश्वस्यावद्यति तैजने दक्षिणतो ऽन्येषां पशूनाम्
pracaraṇakāla uttarata āhavanīyasya vaitase kaṭe 'śvasyāvadyati taijane dakṣiṇato 'nyeṣāṃ paśūnām
- 6
पुरस्ताद् आहवनीये वैतसं कटम् आस्तीर्य तस्मिन्प्राजापत्यान्संचिनोति प्राञ्चम् अश्वं प्राञ्चं तूपरं प्रत्यञ्चं गोमृगम् इति
purastād āhavanīye vaitasaṃ kaṭam āstīrya tasminprājāpatyānsaṃcinoti prāñcam aśvaṃ prāñcaṃ tūparaṃ pratyañcaṃ gomṛgam iti
- 7
शादं दद्भिः स्वाहावकान्दन्तमूलैः स्वाहेति पर्यायैर्द्यावापृथिवी वर्तोभ्याम् इत्य् एतस्य पुरस्ताद् अरण्ये ऽनुवाक्येन गणेन जुहोति
śādaṃ dadbhiḥ svāhāvakāndantamūlaiḥ svāheti paryāyairdyāvāpṛthivī vartobhyām ity etasya purastād araṇye 'nuvākyena gaṇena juhoti
- 8
उदुह्य जांबुकं पूषणं वनिष्ठुना
मा नो मित्रः
समिद्धो अञ्जन्न् इति त्रिभिर् अनुवाकैर् आहुतीर्जुहोति
uduhya jāṃbukaṃ pūṣaṇaṃ vaniṣṭhunā
mā no mitraḥ
samiddho añjann iti tribhir anuvākair āhutīrjuhoti
- 9
द्विपदाभिर् अन्ततो हुत्वा स्विष्टकृतं प्रत्यश्वलोहितं जुहोति अग्नये स्विष्टकृते स्वाहेति गोमृगकण्ठेनाश्वशफेन चरुणा
dvipadābhir antato hutvā sviṣṭakṛtaṃ pratyaśvalohitaṃ juhoti agnaye sviṣṭakṛte svāheti gomṛgakaṇṭhenāśvaśaphena caruṇā
- 10
सर्वस्तोमो ऽतिरात्र उत्तमम् अहः
sarvastomo 'tirātra uttamam ahaḥ
- 11
ऐकादशिनान् आलभते
aikādaśinān ālabhate
- 12
समानम् आवभृथात्
samānam āvabhṛthāt
- 13
आवभृथके कर्मणि कृते शुक्लस्य खलतेर्विक्लिधस्य पिङ्गाक्षजटिलगांभवस्यावभृथम् अवसृप्तस्य मूर्धनि जुहोति जम्बुकाय स्वाहा ब्रह्महत्यायै स्वाहेति
āvabhṛthake karmaṇi kṛte śuklasya khalaterviklidhasya piṅgākṣajaṭilagāṃbhavasyāvabhṛtham avasṛptasya mūrdhani juhoti jambukāya svāhā brahmahatyāyai svāheti
- 14
नव सौरीर्वशा श्वेता अनुबन्ध्याः
nava saurīrvaśā śvetā anubandhyāḥ
- 15
तासां वपासु हूयमानासु प्रतिवातं पापकृतस्तिष्ठेताध्वर्युः पापान्मुच्यते
tāsāṃ vapāsu hūyamānāsu prativātaṃ pāpakṛtastiṣṭhetādhvaryuḥ pāpānmucyate
- 16
पापाद्वासवपाश्वं सत्वाप्ल तस्मिन्साण्डं त्वाष्ट्रं सकिकिदीविविदीगयम् इत्य् उपाकरोति
pāpādvāsavapāśvaṃ satvāpla tasminsāṇḍaṃ tvāṣṭraṃ sakikidīvividīgayam ity upākaroti
- 17
सोदवसनीये संस्थिते पशुबन्धेन यजते
sodavasanīye saṃsthite paśubandhena yajate
- 18
त्रिशाखो यूपो ऽष्टाश्रयः शाखापृथुकपालानि तन्त्रं स्वरुर् अपहरति
triśākho yūpo 'ṣṭāśrayaḥ śākhāpṛthukapālāni tantraṃ svarur apaharati
- 19
त्वैतानां प्रथमः कालकमेविवभ्रुस्तं मध्यमे विशाखयूप आश्विनम् आलभेत
tvaitānāṃ prathamaḥ kālakamevivabhrustaṃ madhyame viśākhayūpa āśvinam ālabheta
- 20
तयोर्द्वितीयस्तं भौमं दक्षिणार्धे
tayordvitīyastaṃ bhaumaṃ dakṣiṇārdhe
- 21
यस्तृतीयस्तम् ऊर्ज उत्तरार्धे
yastṛtīyastam ūrja uttarārdhe
- 22
पशूनां पुरोडाशम् अनु मृगारेष्टिं निर्वपति
paśūnāṃ puroḍāśam anu mṛgāreṣṭiṃ nirvapati
- 23
सहस्विष्टकृदिडं मृगारेष्टिपशुपुरोडाशानां च
sahasviṣṭakṛdiḍaṃ mṛgāreṣṭipaśupuroḍāśānāṃ ca
- 24
तस्मिन्संस्थिते द्वादश ब्रह्मौदनान्श्रपयति
tasminsaṃsthite dvādaśa brahmaudanānśrapayati
- 25
तान्महर्त्विजः प्राश्नन्ति
tānmahartvijaḥ prāśnanti
- 26
तेभ्यो द्वादश द्वादश रुक्मान्ददाति
tebhyo dvādaśa dvādaśa rukmāndadāti
- 27
संतिष्ठते ऽश्वमेधः
saṃtiṣṭhate 'śvamedhaḥ
- 28
तरति मृत्युं तरति पाप्मानं तरति ब्रह्महत्यां यो ऽश्वमेधेन यजते यश्चैव देविकाप्रभृतिभिर् इष्टिभिर्यजते यजते
tarati mṛtyuṃ tarati pāpmānaṃ tarati brahmahatyāṃ yo 'śvamedhena yajate yaścaiva devikāprabhṛtibhir iṣṭibhiryajate yajate

