56 shlokas
- 1
राजा विजित्याश्वमेधेन यजेत
rājā vijityāśvamedhena yajeta
- 2
पुण्यनामधेयं देवयजनम् अध्यवस्यति
puṇyanāmadheyaṃ devayajanam adhyavasyati
- 3
ऋषभस्तूपरः सर्वरूपः
ṛṣabhastūparaḥ sarvarūpaḥ
- 4
तेन प्राजापत्येन
tena prājāpatyena
- 5
यदत्यामन्तं गिरिरिददाय परिवहेयुस्तत्र यजेत
yadatyāmantaṃ giriridadāya parivaheyustatra yajeta
- 6
अमावास्यायां ब्रह्मौदनं श्रपयति पूर्वस्याम्
amāvāsyāyāṃ brahmaudanaṃ śrapayati pūrvasyām
- 7
उत्तरस्यां पर्यग्निकृत्वा केशश्मश्रु वापयित्वाहतं वास आच्छाद्याहवनीये वैतसं कटम् उपसमाधाय नमस्कारैर् उपतिष्ठेत द्रष्ट्रे नम उपद्रष्ट्रे नमः ख्यात्रे नम इत्य् उपस्थानान्य् अधीयते
uttarasyāṃ paryagnikṛtvā keśaśmaśru vāpayitvāhataṃ vāsa ācchādyāhavanīye vaitasaṃ kaṭam upasamādhāya namaskārair upatiṣṭheta draṣṭre nama upadraṣṭre namaḥ khyātre nama ity upasthānāny adhīyate
- 8
हिरण्यगर्भ इत्य् अष्टौ पूर्णाहुतीर्हुत्वास्तमयम् अनु वाचं यच्छति
hiraṇyagarbha ity aṣṭau pūrṇāhutīrhutvāstamayam anu vācaṃ yacchati
- 9
रात्रीं वाग्यतो भवति
rātrīṃ vāgyato bhavati
- 10
अपदातीन् ऋत्विजः समानयन्ति
apadātīn ṛtvijaḥ samānayanti
- 11
चतुष्टयीष्व् अप्सु ब्रह्मौदनं श्रपयति
catuṣṭayīṣv apsu brahmaudanaṃ śrapayati
- 12
तं महर्त्विजः प्राश्नन्ति
taṃ mahartvijaḥ prāśnanti
- 13
तेभ्यः शतमानं ददाति
tebhyaḥ śatamānaṃ dadāti
- 14
द्वादशारत्निं रशनां त्रयोदशारत्निं वा मौञ्जीं दर्भमयीं वा ब्रह्मौदने पर्यस्ताम् इमाम् अगृभ्णन्न् इत्य् अश्वाभिधानीम् आदायाभिधा असीत्य् अश्वम् अभिनिदधाति कृष्णपिशङ्गं त्रिहायणं सोमपं सोमपयोः पुत्रम्
dvādaśāratniṃ raśanāṃ trayodaśāratniṃ vā mauñjīṃ darbhamayīṃ vā brahmaudane paryastām imām agṛbhṇann ity aśvābhidhānīm ādāyābhidhā asīty aśvam abhinidadhāti kṛṣṇapiśaṅgaṃ trihāyaṇaṃ somapaṃ somapayoḥ putram
- 15
स्वगा त्वा देवेभ्य इति ब्रह्माणम् आमन्त्रयते
svagā tvā devebhya iti brahmāṇam āmantrayate
- 16
तं बधान देवेभ्य इति ब्रह्मा प्रत्याह
taṃ badhāna devebhya iti brahmā pratyāha
- 17
शतैः सह प्रोक्षति पुरस्ताद् अध्वर्युर्दक्षिणतो ब्रह्मा पश्चाद्धोतोत्तरत उद्गाताभिषेक्याणां राजपुत्राणां शतैः सहाध्वर्यू राज्ञां ब्रह्मा सूतग्रामणीनां होता क्षत्तृसंगृहीतॄणाम् उद्गाता
śataiḥ saha prokṣati purastād adhvaryurdakṣiṇato brahmā paścāddhotottarata udgātābhiṣekyāṇāṃ rājaputrāṇāṃ śataiḥ sahādhvaryū rājñāṃ brahmā sūtagrāmaṇīnāṃ hotā kṣattṛsaṃgṛhītṝṇām udgātā
- 18
प्रजापतये त्वा जुष्टं प्रोक्षामीति पर्यायैः
prajāpataye tvā juṣṭaṃ prokṣāmīti paryāyaiḥ
- 19
सर्वे पञ्चमेन
sarve pañcamena
- 20
यः पितुर् अनुजायाः पुत्रः पुरस्ताद् अश्वं तीर्थाय नयति यो मातुर् अनुजायाः पुत्रः स पश्चाद् अन्वेति
yaḥ pitur anujāyāḥ putraḥ purastād aśvaṃ tīrthāya nayati yo mātur anujāyāḥ putraḥ sa paścād anveti
- 21
सैध्रकं मुसलम् आदाय पौंश्चलेयः पश्चाद् अन्वेति
saidhrakaṃ musalam ādāya pauṃścaleyaḥ paścād anveti
- 22
अनुनयन्ति श्वानं चतुरक्षम्
anunayanti śvānaṃ caturakṣam
- 23
तीर्थान्ते पदतो ऽभ्यश्वस्य नयति
tīrthānte padato 'bhyaśvasya nayati
- 24
यो अर्वन्तं जिघांसतीति पौंश्चलेयो मुसलेन श्वानं हन्ति
yo arvantaṃ jighāṃsatīti pauṃścaleyo musalena śvānaṃ hanti
- 25
परो मर्तः परः श्वेति श्वानम् अश्वस्याधस्पदम् अपप्लावयति
paro martaḥ paraḥ śveti śvānam aśvasyādhaspadam apaplāvayati
- 26
उत्क्रामन्तम् अश्वम् ऐषीकेणोदूहेनोदूहति
utkrāmantam aśvam aiṣīkeṇodūhenodūhati
- 27
वेतसशाखानुबद्धा भवति
vetasaśākhānubaddhā bhavati
- 28
अग्नये स्वाहेत्य् अनुवाकम् आवर्तयन्न् अश्वं मार्जयन्त्य् अश्वस्तोक्याभिः
agnaye svāhety anuvākam āvartayann aśvaṃ mārjayanty aśvastokyābhiḥ
- 29
विभूर्मात्रेत्य् अश्वम् अवसृजति
vibhūrmātrety aśvam avasṛjati
- 30
देवा आशापाला इति परिददाति
devā āśāpālā iti paridadāti

