47 shlokas
- 1
अधिश्रिते ऽग्निहोत्रे ममाग्ने वर्च इति चतसृभिर्वैहवीभिर्हस्ताव् अवनेनिजीत पुरस्ताद् अग्नीषोमीयाया उत्तराश्चतस्रो जपेत्
adhiśrite 'gnihotre mamāgne varca iti catasṛbhirvaihavībhirhastāv avanenijīta purastād agnīṣomīyāyā uttarāścatasro japet
- 2
विद्युद् असि विद्य मे पाप्मानम् इत्य् अप उपस्पृश्य तिष्ठेत्
vidyud asi vidya me pāpmānam ity apa upaspṛśya tiṣṭhet
- 3
उन्नीयमाने वाचं यच्छति
unnīyamāne vācaṃ yacchati
- 4
अभ्युदाहृत उपविश्य दशहोत्राभिमृश्योत्तराम् आहुतिम् उपोत्थायोपप्रयन्तो अध्वरम् इति प्रागुदङ्मुखश्चतुर्भिर् अनुवाकैर् आहवनीयम् उपतिष्ठेत
abhyudāhṛta upaviśya daśahotrābhimṛśyottarām āhutim upotthāyopaprayanto adhvaram iti prāgudaṅmukhaścaturbhir anuvākair āhavanīyam upatiṣṭheta
- 5
अग्नीषोमीयया पूर्वपक्ष ऐन्द्राग्न्यापरपक्षे
agnīṣomīyayā pūrvapakṣa aindrāgnyāparapakṣe
- 6
अग्ना आयूंषि पवस इति षड्भिर् आहवनीयं नित्यं संवत्सरे संवत्सरे गार्हपत्यम्
agnā āyūṃṣi pavasa iti ṣaḍbhir āhavanīyaṃ nityaṃ saṃvatsare saṃvatsare gārhapatyam
- 7
अग्नेः समिद् असीति पर्यायैर् आहवनीये समिध आदधाति
agneḥ samid asīti paryāyair āhavanīye samidha ādadhāti
- 8
चित्रावसो स्वस्ति ते पारम् अशीयार्वाग्वसो स्वस्ति ते पारम् अशीयेति त्रिर्जपति
प्रातरुपस्थाने चाम्भः स्थाम्भो वो भक्षीयेति गृहान् उपतिष्ठते
citrāvaso svasti te pāram aśīyārvāgvaso svasti te pāram aśīyeti trirjapati
prātarupasthāne cāmbhaḥ sthāmbho vo bhakṣīyeti gṛhān upatiṣṭhate
- 9
रेवती रमध्वम् इत्य् अन्तराग्नी तिष्ठन्जपति
revatī ramadhvam ity antarāgnī tiṣṭhanjapati
- 10
संहितासि विश्वरूपेति वशाम् आलभते वत्सं वा
saṃhitāsi viśvarūpeti vaśām ālabhate vatsaṃ vā
- 11
उप त्वाग्ने दिवे दिव इति गार्हपत्यम्
अभ्यस्थां विश्वा इत्य् आहवनीयम्
upa tvāgne dive diva iti gārhapatyam
abhyasthāṃ viśvā ity āhavanīyam
- 12
ऊर्जा वः पश्याम्य् ऊर्जा मा पश्यतेति गृहान्पशून् अभिवीक्षते
ūrjā vaḥ paśyāmy ūrjā mā paśyateti gṛhānpaśūn abhivīkṣate
- 13
इडाः स्थेति गाम् आलभते भुवनम् असीति वत्सम्
iḍāḥ stheti gām ālabhate bhuvanam asīti vatsam
- 14
निम्रदो ऽसीति ब्राह्मणव्याख्यातम्
nimrado 'sīti brāhmaṇavyākhyātam
- 15
प्राची दिग् इति पर्यायैर्दिश उपतिष्ठते
prācī dig iti paryāyairdiśa upatiṣṭhate
- 16
अग्ने गृहपत इति गार्हपत्यं यथा याजमाने
agne gṛhapata iti gārhapatyaṃ yathā yājamāne
- 17
ज्योतिषे तन्तवे त्वेत्य् अन्तर्वेद्य् उपविश्याहवनीये ऽभ्याधाय वृष्टिर् असि वृश्च मे पाप्मानम् इत्य् अप उपस्पृशेत्
jyotiṣe tantave tvety antarvedy upaviśyāhavanīye 'bhyādhāya vṛṣṭir asi vṛśca me pāpmānam ity apa upaspṛśet
- 18
प्रातरवनेगेन प्रातर् उपतिष्ठेत
prātaravanegena prātar upatiṣṭheta
- 19
अपां पते यो ऽपां भागः स त एष इति प्रागुदञ्चम् उदकाञ्जलिम् उत्सिच्य प्रतिषिक्ता अरातय इति त्रिः प्रत्युक्षति
apāṃ pate yo 'pāṃ bhāgaḥ sa ta eṣa iti prāgudañcam udakāñjalim utsicya pratiṣiktā arātaya iti triḥ pratyukṣati
- 20
कालाय वाम् इति पाणी प्रक्षाल्येदम् अहं दुरद्मन्यां निष्प्लावयामीत्य् आचम्य निष्ठीवति
kālāya vām iti pāṇī prakṣālyedam ahaṃ duradmanyāṃ niṣplāvayāmīty ācamya niṣṭhīvati
- 21
भ्रातृव्याणां सपत्नानाम् इति पाणी प्रक्षालयते
bhrātṛvyāṇāṃ sapatnānām iti pāṇī prakṣālayate
- 22
इन्द्रियवतीम् अद्येति यथारूपं गात्राणि संमृशति
indriyavatīm adyeti yathārūpaṃ gātrāṇi saṃmṛśati
- 23
अदो मा मा हासिष्टेति पाणी प्रक्षालयते
ado mā mā hāsiṣṭeti pāṇī prakṣālayate
- 24
सूर्यपत्नीर् इत्य् अभिषिञ्चन्पुरुध्यवानो महिष इति च हुते चतस्रो वैहवीर् उक्त्वा घर्मो जठरे इत्य् अनुवाकेनाहवनीयम् उपतिष्ठेत
sūryapatnīr ity abhiṣiñcanpurudhyavāno mahiṣa iti ca hute catasro vaihavīr uktvā gharmo jaṭhare ity anuvākenāhavanīyam upatiṣṭheta
- 25
असौ स्वस्ति ते ऽस्त्वसौ स्वस्ति ते ऽस्त्विति नामग्राहं पुत्रान् अन्वातयते
asau svasti te 'stvasau svasti te 'stviti nāmagrāhaṃ putrān anvātayate
- 26
अग्नीन्समाधेहीत्य् आह प्रवत्स्यन्
agnīnsamādhehīty āha pravatsyan
- 27
भास्वत उपतिष्ठते
पशून्मे शंस्य पाहीत्य् आहवनीयं प्रजां मे नर्य पाहीति गार्हपत्यम् अन्नं मे बुध्य पाहीति दक्षिणाग्निं सप्रथः सभां मे पाहीति सभ्यम् अहिर्बुध्न्य मन्त्रं मे पाहीत्य् आवसथ्यम्
bhāsvata upatiṣṭhate
paśūnme śaṃsya pāhīty āhavanīyaṃ prajāṃ me narya pāhīti gārhapatyam annaṃ me budhya pāhīti dakṣiṇāgniṃ saprathaḥ sabhāṃ me pāhīti sabhyam ahirbudhnya mantraṃ me pāhīty āvasathyam
- 28
इमान्मे मित्रावरुणौ गृहान्गोपायतं युवम् इत्य् अन्तराग्नी तिष्ठन्जपति
imānme mitrāvaruṇau gṛhāngopāyataṃ yuvam ity antarāgnī tiṣṭhanjapati
- 29
मम नाम प्रथमं जातवेदः पिता माता च दधतुर्न्व् अग्रे
तत्त्वं बिभृहि पुनर् आ ममैतोस्तन्वाहम् अग्ने बिभराणि नाम
इत्य् आहवनीयम्
mama nāma prathamaṃ jātavedaḥ pitā mātā ca dadhaturnv agre
tattvaṃ bibhṛhi punar ā mamaitostanvāham agne bibharāṇi nāma
ity āhavanīyam
- 30
मा प्रगाम पथो वयं मा यज्ञाद् इन्द्र सोमिनः
मान्तः स्थुर्नो अरातयः
यो यज्ञस्य प्रसाधनस्तन्तुर्देवेष्व् आततः
तम् आहुतं नशीमहि
इति व्रजति
mā pragāma patho vayaṃ mā yajñād indra sominaḥ
māntaḥ sthurno arātayaḥ
yo yajñasya prasādhanastanturdeveṣv ātataḥ
tam āhutaṃ naśīmahi
iti vrajati

