51 shlokas
- 1
सायं प्रातरग्निहोत्राय गार्हपत्याद् आहवनीयं ज्वलन्तं प्रणयेत्
sāyaṃ prātaragnihotrāya gārhapatyād āhavanīyaṃ jvalantaṃ praṇayet
- 2
गृह्णीयाद्वा नक्तम्
gṛhṇīyādvā naktam
- 3
वाचा त्वा होत्रा प्राणेनोद्गात्रा चक्षुषाध्वर्युणा मनसा ब्रह्मणा श्रोत्रेणाग्नीध्रेणैतैस्त्वा पञ्चभिर्दैव्यैर् ऋत्विग्भिर् उद्धरामीत्य् उद्धरति
vācā tvā hotrā prāṇenodgātrā cakṣuṣādhvaryuṇā manasā brahmaṇā śrotreṇāgnīdhreṇaitaistvā pañcabhirdaivyair ṛtvigbhir uddharāmīty uddharati
- 4
उद्धृत उद्धर पाप्मानं मा यद् अविद्वान्यच्च विद्वांश्चकार
अह्ना यद् एनः कृतम् अस्ति पापं सर्वस्माद् उद्धृतो मा पाप्मनो मुञ्च तस्मात्
इत्य् अपराह्णे
रात्र्या यद् एनः कृतम् अस्तीति प्रातः
uddhṛta uddhara pāpmānaṃ mā yad avidvānyacca vidvāṃścakāra
ahnā yad enaḥ kṛtam asti pāpaṃ sarvasmād uddhṛto mā pāpmano muñca tasmāt
ity aparāhṇe
rātryā yad enaḥ kṛtam astīti prātaḥ
- 5
अमृताहुतिम् अमृतायां जुहोम्य् अग्निं पृथिव्याम् अमृतस्य जित्यै
तेनाग्ने कामम् इमं जयामसि प्रजापतिर्यः प्रथमो जिगायाग्निम् अग्नौ स्वाहा
इत्य् अपराह्णे
सूर्यम् अग्नौ स्वाहेति प्रातः
amṛtāhutim amṛtāyāṃ juhomy agniṃ pṛthivyām amṛtasya jityai
tenāgne kāmam imaṃ jayāmasi prajāpatiryaḥ prathamo jigāyāgnim agnau svāhā
ity aparāhṇe
sūryam agnau svāheti prātaḥ
- 6
गतश्रियो नित्यधारणम् आहवनीयस्य यथाकाम्यगतश्रियः
gataśriyo nityadhāraṇam āhavanīyasya yathākāmyagataśriyaḥ
- 7
प्रदोषम् अग्निहोत्रं जुहुयान्नक्षत्रं दृष्ट्वानस्तमिते वा
pradoṣam agnihotraṃ juhuyānnakṣatraṃ dṛṣṭvānastamite vā
- 8
व्युच्छन्त्यां प्रातर्व्युष्टायाम् उदिते ऽनुदिते वा
vyucchantyāṃ prātarvyuṣṭāyām udite 'nudite vā
- 9
सायमारम्भणम् अग्निहोत्रं प्रागपवर्गम्
sāyamārambhaṇam agnihotraṃ prāgapavargam
- 10
अरत्निमात्री वैकङ्कत्य् अग्निहोत्रहवणी स्थाल्य् आर्यकृत्य् ऊर्ध्वकपालाचक्रवृत्ता
aratnimātrī vaikaṅkaty agnihotrahavaṇī sthāly āryakṛty ūrdhvakapālācakravṛttā
- 11
तस्यां दोहयति दक्षिणतो ऽन्येन शूद्राद् उदीचीम् अवस्थाप्य
tasyāṃ dohayati dakṣiṇato 'nyena śūdrād udīcīm avasthāpya
- 12
पूर्वौ स्तनौ ज्येष्ठस्य ज्यैष्ठिनेयस्य वा गतश्रियो वापरौ कनिष्ठस्य कानिष्ठिनेयस्य बुभूषतो वा
सर्वान् इतरेषाम्
pūrvau stanau jyeṣṭhasya jyaiṣṭhineyasya vā gataśriyo vāparau kaniṣṭhasya kāniṣṭhineyasya bubhūṣato vā
sarvān itareṣām
- 13
अनुसंमृशति
anusaṃmṛśati
- 14
अग्ने शुन्धस्वेत्य् आहवनीयं परिसमूहत्य् अग्ने गृहपते शुन्धस्वेति गार्हपत्यम् अग्ने वह्ने शुन्धस्वेति दक्षिणाग्निम्
agne śundhasvety āhavanīyaṃ parisamūhaty agne gṛhapate śundhasveti gārhapatyam agne vahne śundhasveti dakṣiṇāgnim
- 15
अग्नीन्परिस्तीर्य यजमानाहृतं महान्तम् इध्मम् उपसमाधाय पर्युक्षेद् ऋतसत्याभ्यां त्वा पर्युक्षामीति सायं सत्यऋताभ्यां त्वा पर्युक्षामीति प्रातः
agnīnparistīrya yajamānāhṛtaṃ mahāntam idhmam upasamādhāya paryukṣed ṛtasatyābhyāṃ tvā paryukṣāmīti sāyaṃ satyaṛtābhyāṃ tvā paryukṣāmīti prātaḥ
- 16
संतताम् उदकधारां स्रावयति गार्हपत्याद् अध्य् आहवनीयाद्यज्ञस्य संततिर् असि यज्ञस्य त्वा संततये नयामीति
saṃtatām udakadhārāṃ srāvayati gārhapatyād adhy āhavanīyādyajñasya saṃtatir asi yajñasya tvā saṃtataye nayāmīti
- 17
अपोढं जन्यं भयम् अपोढाः सेना अभीत्वरीर् इति गार्हपत्याद् उदीचो ऽङ्गारान् अपोह्याधिश्रयति
इडायास्पदं घृतवच्चराचरम् अग्ने हविर् इदं जुषस्व
ये ग्राम्याः पशवो ये चारण्यास्तेषां सर्वेषाम् इह पुष्टिर् अस्तु
इति
apoḍhaṃ janyaṃ bhayam apoḍhāḥ senā abhītvarīr iti gārhapatyād udīco 'ṅgārān apohyādhiśrayati
iḍāyāspadaṃ ghṛtavaccarācaram agne havir idaṃ juṣasva
ye grāmyāḥ paśavo ye cāraṇyāsteṣāṃ sarveṣām iha puṣṭir astu
iti
- 18
उद्भवः स्थोद् अहं प्रजया पशुभिर्भूयासम् इति ज्योतिषावेक्षते
udbhavaḥ sthod ahaṃ prajayā paśubhirbhūyāsam iti jyotiṣāvekṣate
- 19
हरस्ते मा विनैषम् इति स्रुवेणोदबिन्दुं प्रतिनयति दध्याज्ययोः
haraste mā vinaiṣam iti sruveṇodabinduṃ pratinayati dadhyājyayoḥ
- 20
तेन धर्मेण पुनर् अवोक्ष्यान्तरितं रक्षो ऽन्तरिता अरातय इति तृणेन त्रिः पर्यग्निं कृत्वा वर्त्म कुर्वन्न् उदग् उद्वासयति घर्मो ऽसि रायस्पोषवनिर् इहोर्जं श्रयस्वेति
tena dharmeṇa punar avokṣyāntaritaṃ rakṣo 'ntaritā arātaya iti tṛṇena triḥ paryagniṃ kṛtvā vartma kurvann udag udvāsayati gharmo 'si rāyaspoṣavanir ihorjaṃ śrayasveti
- 21
प्रत्यूढं जन्यं भयं प्रत्यूढाः सेना अभीत्वरीर् इत्य् अङ्गारान्प्रत्यूह्य निष्टप्तं रक्षो निष्टप्ता अरातय इति स्रुवं निष्टप्य प्रणवम् उक्त्वोन्नेष्यामीति यजमानं सायम् आमन्त्रयत उन्नयामीति प्रातः
pratyūḍhaṃ janyaṃ bhayaṃ pratyūḍhāḥ senā abhītvarīr ity aṅgārānpratyūhya niṣṭaptaṃ rakṣo niṣṭaptā arātaya iti sruvaṃ niṣṭapya praṇavam uktvonneṣyāmīti yajamānaṃ sāyam āmantrayata unnayāmīti prātaḥ
- 22
अग्नये च त्वा पृथिव्यै चोन्नयामि
वायवे च त्वान्तरिक्षाय चोन्नयामि
सूर्याय च त्वा दिवे चोन्नयामि
अद्भ्यश्च त्वौषधीभ्यश्चोन्नयामीति चतुर् उन्नयति
agnaye ca tvā pṛthivyai connayāmi
vāyave ca tvāntarikṣāya connayāmi
sūryāya ca tvā dive connayāmi
adbhyaśca tvauṣadhībhyaśconnayāmīti catur unnayati
- 23
सर्वान्पूर्णान्यथालाभं वा
sarvānpūrṇānyathālābhaṃ vā
- 24
यं कामयेतानुज्येष्ठं प्रजया ऋध्नुयाद् इति ब्राह्मणव्याख्यातम्
yaṃ kāmayetānujyeṣṭhaṃ prajayā ṛdhnuyād iti brāhmaṇavyākhyātam
- 25
उन्नीया होमाद्वाचं यच्छेत्
unnīyā homādvācaṃ yacchet
- 26
पशून्मे यच्छेत्य् अभिहृत्य सादयति
paśūnme yacchety abhihṛtya sādayati
- 27
दशहोत्राभिमृश्य सजूर्देवैः सायंयावभिर् इति सायम् उन्नीतम् अभिमृशति सजूर्देवैः प्रातर्यावभिर् इति प्रातः
daśahotrābhimṛśya sajūrdevaiḥ sāyaṃyāvabhir iti sāyam unnītam abhimṛśati sajūrdevaiḥ prātaryāvabhir iti prātaḥ
- 28
इदं देवानाम् इत्य् उन्नीतम् अभिमृशतीदम् उ नः सहेत्य् अवशिष्टम्
idaṃ devānām ity unnītam abhimṛśatīdam u naḥ sahety avaśiṣṭam
- 29
उर्व् अन्तरिक्षं वीहीति समया गार्हपत्यं हरति
urv antarikṣaṃ vīhīti samayā gārhapatyaṃ harati
- 30
स्वाहाग्नये वैश्वानराय स्वाहेति समयाध्वे नियच्छति
svāhāgnaye vaiśvānarāya svāheti samayādhve niyacchati

