26 shlokas
- 1
पृच्छामि त्वा चितये देवसख यदि त्वं तत्र मनसा जगन्थ
केषु विष्णुस्त्रिषु पदेषु जिष्णुः केष्व् इदं विश्वं भुवनम् आविवेशेति
pṛcchāmi tvā citaye devasakha yadi tvaṃ tatra manasā jagantha
keṣu viṣṇustriṣu padeṣu jiṣṇuḥ keṣv idaṃ viśvaṃ bhuvanam āviveśeti
- 2
तस्य प्रतिप्रश्नाद् आह
पञ्चस्व् अन्तः पुरुष आविवेश तान्य् अन्तः पुरुष आर्पितानि
एतत्त्वात्र प्रतिमन्वानो अस्मि न यज्ञपा भवस्य् उत्तरो मत्
tasya pratipraśnād āha
pañcasv antaḥ puruṣa āviveśa tāny antaḥ puruṣa ārpitāni
etattvātra pratimanvāno asmi na yajñapā bhavasy uttaro mat
- 3
शिक्षेण्यां वदसि वाचम् एनां न मया त्वं संसमको भवासीति
śikṣeṇyāṃ vadasi vācam enāṃ na mayā tvaṃ saṃsamako bhavāsīti
- 4
निष्क्रम्य सर्वे यजमानं पृच्छामि त्वा परम् अन्तं पृथिव्या इति
इयं वेदिर् इति यजमानः
niṣkramya sarve yajamānaṃ pṛcchāmi tvā param antaṃ pṛthivyā iti
iyaṃ vedir iti yajamānaḥ
- 5
तृतीये चतुर्विंशवद्द्वे सवने
tṛtīye caturviṃśavaddve savane
- 6
प्राकृताव् आज्यस्तोत्रियानुरूपौ
prākṛtāv ājyastotriyānurūpau
- 7
तृतीयसवनाद्य् अतिरात्रवत्
tṛtīyasavanādy atirātravat
- 8
संस्थिते पञ्चपशुर्विशाखयूपः
saṃsthite pañcapaśurviśākhayūpaḥ
- 9
प्रत्यृतु षट्पशव आग्नेया ऐन्द्रा मारुता मैत्रावरुणा ऐन्द्रावरुणा आग्नावैष्णवा इति
pratyṛtu ṣaṭpaśava āgneyā aindrā mārutā maitrāvaruṇā aindrāvaruṇā āgnāvaiṣṇavā iti
- 10
विशाखयूपर्तुपशवो द्विगुणाः पुरुषमेधे
चतुर्गुणाः सर्वमेधे
viśākhayūpartupaśavo dviguṇāḥ puruṣamedhe
caturguṇāḥ sarvamedhe
- 11
पुरुषमेधो ऽश्वमेधवत्
puruṣamedho 'śvamedhavat
- 12
चैत्र्याः पुरस्ताद्वरदानान्त इष्टयो ऽग्नये कामाय दात्रे पथिकृते
caitryāḥ purastādvaradānānta iṣṭayo 'gnaye kāmāya dātre pathikṛte
- 13
यजमानस्य विजितं सर्वं समैत्व् इति जनपदम् उच्चैः श्रावयति
yajamānasya vijitaṃ sarvaṃ samaitv iti janapadam uccaiḥ śrāvayati
- 14
कस्मै सहस्रं शताश्वं स्वं ज्ञातिभ्यो दद्याम्
केन समाप्नुयाम् इति यजमानः
kasmai sahasraṃ śatāśvaṃ svaṃ jñātibhyo dadyām
kena samāpnuyām iti yajamānaḥ
- 15
यदि ब्राह्मणः क्षत्रियो वा प्रतिपद्येत सिद्धं कर्मेत्य् आचक्षते
yadi brāhmaṇaḥ kṣatriyo vā pratipadyeta siddhaṃ karmety ācakṣate
- 16
न चेत्प्रतिपद्येत नेदिष्ठं सपत्नं विजित्य तेन यजेत
na cetpratipadyeta nediṣṭhaṃ sapatnaṃ vijitya tena yajeta
- 17
तस्मै ज्ञातिभ्यस्तद्दद्यात्
tasmai jñātibhyastaddadyāt
- 18
यस्य स्त्री सम्भाषेत तस्य सर्वस्वम् आदाय ताम् अब्राह्मणीं हनिष्य इत्य् उच्चैः श्रावयेत्
yasya strī sambhāṣeta tasya sarvasvam ādāya tām abrāhmaṇīṃ haniṣya ity uccaiḥ śrāvayet
- 19
तं ह स्नातम् अलंकृतम् उत्सृज्यमानं सहस्रबाहुः पुरुषः केन पार्ष्णी इत्य् अनुमन्त्रयते
taṃ ha snātam alaṃkṛtam utsṛjyamānaṃ sahasrabāhuḥ puruṣaḥ kena pārṣṇī ity anumantrayate
- 20
संवत्सरम् इष्टयः पथ्यायै स्वस्तये अदित्या अनुमतये
saṃvatsaram iṣṭayaḥ pathyāyai svastaye adityā anumataye
- 21
संवत्सरान्त ऐन्द्रापौष्णः पशुः
saṃvatsarānta aindrāpauṣṇaḥ paśuḥ
- 22
महाव्रतं तृतीयम्
mahāvrataṃ tṛtīyam
- 23
उदीरताम् इति तिसृभिर्यूपे बध्यमानम् अनुमन्त्रयते
उत्थापनीभिश्च विमुच्यमानम्
udīratām iti tisṛbhiryūpe badhyamānam anumantrayate
utthāpanībhiśca vimucyamānam
- 24
हरिणीभिः शामित्रं ह्रियमाणम्
hariṇībhiḥ śāmitraṃ hriyamāṇam
- 25
स्योनास्मै भवेति द्वाभ्यां निपात्यमानम्
syonāsmai bhaveti dvābhyāṃ nipātyamānam
- 26
सहस्रबाहुः यामसारस्वतैः संज्ञप्तम्
sahasrabāhuḥ yāmasārasvataiḥ saṃjñaptam

