32 shlokas
- 1
अथ राजसूयः
atha rājasūyaḥ
- 2
तैष्याः पुरस्तात्पवित्रः
taiṣyāḥ purastātpavitraḥ
- 3
मासान्तरेषु दश संसृपः
māsāntareṣu daśa saṃsṛpaḥ
- 4
माघ्या अभिषेचनीयः
māghyā abhiṣecanīyaḥ
- 5
मरुत्वतीयाद्बार्हस्पत्येष्टिः
marutvatīyādbārhaspatyeṣṭiḥ
- 6
हविर्धानयोः पुरस्ताद्वैयाघ्रचर्मोपबर्हणायाम् आसन्द्याम्भूतो भूतेषु इत्य् आरोहयत्य् अभिषिञ्चति च
havirdhānayoḥ purastādvaiyāghracarmopabarhaṇāyām āsandyāmbhūto bhūteṣu ity ārohayaty abhiṣiñcati ca
- 7
फाल्गुन्या दशपेयः
phālgunyā daśapeyaḥ
- 8
सांवत्सरिकाणि चातुर्मास्यानि
sāṃvatsarikāṇi cāturmāsyāni
- 9
संस्थितेषु चैत्र्याः प्रत्यवरोहणीयः
saṃsthiteṣu caitryāḥ pratyavarohaṇīyaḥ
- 10
वैशाख्या व्युष्टिद्व्यहः
vaiśākhyā vyuṣṭidvyahaḥ
- 11
ज्यैष्ठ्याः क्षत्रधृतिः
jyaiṣṭhyāḥ kṣatradhṛtiḥ
- 12
आषाढ्याः पवित्रः संस्थित्यै
āṣāḍhyāḥ pavitraḥ saṃsthityai
- 13
अथाश्वमेधः
athāśvamedhaḥ
- 14
फाल्गुन्या ब्रह्मौदनम् उद्गातृचतुर्थेभ्यो ददाति
phālgunyā brahmaudanam udgātṛcaturthebhyo dadāti
- 15
हुतायां प्रातराहुतौ ब्रह्मणे वरम्
hutāyāṃ prātarāhutau brahmaṇe varam
- 16
आग्नेयीष्टिः
पौष्णी च
āgneyīṣṭiḥ
pauṣṇī ca
- 17
वातरंहा भवेत्य् अश्वं नियुज्यमानम् अनुमन्त्रयते
vātaraṃhā bhavety aśvaṃ niyujyamānam anumantrayate
- 18
अभि त्वा जरिमाहितेत्य् उन्मुच्यमानम्
abhi tvā jarimāhitety unmucyamānam
- 19
आशापालीयेनोत्सृष्टम्
āśāpālīyenotsṛṣṭam
- 20
संवत्सरं सावित्र्यस्तिस्र इष्टयः
saṃvatsaraṃ sāvitryastisra iṣṭayaḥ
- 21
पारिप्लवाख्यानाय दक्षिणेन वेदिं हिरण्मयेष्व् आसनेषु उपविशन्ति
pāriplavākhyānāya dakṣiṇena vediṃ hiraṇmayeṣv āsaneṣu upaviśanti
- 22
कशिपूपबर्हणं ब्रह्मणः
कूर्चो यजमानस्य
kaśipūpabarhaṇaṃ brahmaṇaḥ
kūrco yajamānasya
- 23
आख्यानेषु यथावेदं व्याहृतीर्वाचयति
ākhyāneṣu yathāvedaṃ vyāhṛtīrvācayati
- 24
संवत्सरान्ते दीक्षणम्
एकविंशतिर्दीक्षाः
saṃvatsarānte dīkṣaṇam
ekaviṃśatirdīkṣāḥ
- 25
अभिप्लवप्रथमवत्प्रथमम् अहः
पृष्ठ्यचतुर्थवद्द्वितीयम्
abhiplavaprathamavatprathamam ahaḥ
pṛṣṭhyacaturthavaddvitīyam
- 26
बहिष्पवमानाद् अश्वं नियुज्यमानम् अनुमन्त्रयते
सं त्वां गन्धर्वाः सम् उ युञ्जन्त्व् आपो नद्योः सांवैद्ये परिवत्सराय
ये त्वा रक्षन्ति सदम् अप्रमादं तेभ्य आयुः सविता बोधि गोपायेति
bahiṣpavamānād aśvaṃ niyujyamānam anumantrayate
saṃ tvāṃ gandharvāḥ sam u yuñjantv āpo nadyoḥ sāṃvaidye parivatsarāya
ye tvā rakṣanti sadam apramādaṃ tebhya āyuḥ savitā bodhi gopāyeti
- 27
दिव्यो गन्धर्व इत्य् एतया कौशिकः
divyo gandharva ity etayā kauśikaḥ
- 28
संज्ञप्तं महिषीम् उपवेश्याधीवाससा संप्रोर्णुवन्ति
saṃjñaptaṃ mahiṣīm upaveśyādhīvāsasā saṃprorṇuvanti
- 29
तौ यजमानो ऽभिमेथति
स्वर्गेण लोकेन संप्रोर्णुवाथाम् अधाम सक्थ्योर् अव गुदं धेहि
अर्वाञ्चम् अञ्जिम् आ भर यत्स्त्रीणां जीवभोजनम् इति
tau yajamāno 'bhimethati
svargeṇa lokena saṃprorṇuvāthām adhāma sakthyor ava gudaṃ dhehi
arvāñcam añjim ā bhara yatstrīṇāṃ jīvabhojanam iti
- 30
होत्रभिमेथनाद् एवं वावातां ब्रह्मा
ऊर्ध्वाम् एनाम् उच्छ्रयताद्गिरौ भारं हरन्न् इव
अथास्यै मध्यम् एधतु शीते वाते पुनन्न् इवेति
hotrabhimethanād evaṃ vāvātāṃ brahmā
ūrdhvām enām ucchrayatādgirau bhāraṃ harann iva
athāsyai madhyam edhatu śīte vāte punann iveti

