8 shlokas
- 1
तदग्नावुपरि धारयन्न् आयुष्यं वर्चस्यम् उच्चैर्वादि शुनमहं प्रियं मेयम् ओषधीति पञ्चभिर्जुहुयात्
tadagnāvupari dhārayann āyuṣyaṃ varcasyam uccairvādi śunamahaṃ priyaṃ meyam oṣadhīti pañcabhirjuhuyāt
- 2
सम्राजं च विराजं चेत्युदकपात्रे परिप्लाव्य ऋतुभिरिष्ट्वार्तवैरियमोषधीति ताभ्यां कुण्डलाभ्यां दक्षिणादिकर्णयोरलंकरोति
samrājaṃ ca virājaṃ cetyudakapātre pariplāvya ṛtubhiriṣṭvārtavairiyamoṣadhīti tābhyāṃ kuṇḍalābhyāṃ dakṣiṇādikarṇayoralaṃkaroti
- 3
शुभिक इति मणिना कण्ठमामुच्येदं ब्रह्म पुनीमह इत्य् अङ्गुलीयकं गृहीत्वा यद् आञ्जनम् इति दक्षिणं चक्षुर्यन्मे मन इति वामं चाञ्जनेनाञ्जयित्वेमाः सुमनस इति स्रजमादाय देवस्य त्वेत्य् आदर्शमवेक्षेत
śubhika iti maṇinā kaṇṭhamāmucyedaṃ brahma punīmaha ity aṅgulīyakaṃ gṛhītvā yad āñjanam iti dakṣiṇaṃ cakṣuryanme mana iti vāmaṃ cāñjanenāñjayitvemāḥ sumanasa iti srajamādāya devasya tvety ādarśamavekṣeta
- 4
तेनैव वैणवं दण्डमृजुं गृह्णीयात्
tenaiva vaiṇavaṃ daṇḍamṛjuṃ gṛhṇīyāt
- 5
इन्द्रस्य वज्रो ऽसीति वेगवेजम् इति त्रिर् उन्मार्ष्टि
indrasya vajro 'sīti vegavejam iti trir unmārṣṭi
- 6
उपानहावित्य् उपानहावारुह्य प्रजापतेः शरणं भुवः पुनात्विति द्वाभ्यां छत्त्रं गृह्णीयाद्यो मे दण्ड इति पुनर्दण्डं प्रमादे सत्याहरेत्
upānahāvity upānahāvāruhya prajāpateḥ śaraṇaṃ bhuvaḥ punātviti dvābhyāṃ chattraṃ gṛhṇīyādyo me daṇḍa iti punardaṇḍaṃ pramāde satyāharet
- 7
ततो वाहनं पूजयित्वा प्रतिष्ठे स्थो देवतानाम् इत्य् अभिमृश्य रथंतरमसीति रथम् अश्वो ऽसि हयो ऽसीत्य् अश्वम् इन्द्रस्य त्वा वज्रेणेति हस्तिनम् आरुह्यावतरेत्
tato vāhanaṃ pūjayitvā pratiṣṭhe stho devatānām ity abhimṛśya rathaṃtaramasīti ratham aśvo 'si hayo 'sīty aśvam indrasya tvā vajreṇeti hastinam āruhyāvataret
- 8
अभ्यागतम् उत्तमं कन्याप्रदः सं स्रवन्त्विति निरीक्ष्य यशो ऽसीत्यावसथे विष्टरं कूर्चं पाद्यमर्घ्यमाचमनीयं मधुपर्कं च संकल्पयति
abhyāgatam uttamaṃ kanyāpradaḥ saṃ sravantviti nirīkṣya yaśo 'sītyāvasathe viṣṭaraṃ kūrcaṃ pādyamarghyamācamanīyaṃ madhuparkaṃ ca saṃkalpayati

