2 shlokas
- 1
सांग्रहण्येष्ट्या यजते
इमां जनतां संगृह्णानीति
द्वादशारत्नी रशना भवति
द्वादश मासाः संवत्सरः
संवत्सरम् एवावरुन्धे
मौञ्जी भवति
ऊर्ग्वै मुञ्जाः
ऊर्जम् एवावरुन्धे
चित्रा नक्षत्रं भवति
चित्रं वा एतत्कर्म
sāṃgrahaṇyeṣṭyā yajate
imāṃ janatāṃ saṃgṛhṇānīti
dvādaśāratnī raśanā bhavati
dvādaśa māsāḥ saṃvatsaraḥ
saṃvatsaram evāvarundhe
mauñjī bhavati
ūrgvai muñjāḥ
ūrjam evāvarundhe
citrā nakṣatraṃ bhavati
citraṃ vā etatkarma
- 2
यद् अश्वमेधः समृद्ध्यै
पुण्यनाम देवयजनम् अध्यवस्यति
पुण्याम् एव तेन कीर्तिम् अभिजयति
अपदातीन् ऋत्विजः समावहन्त्य् आ सुब्रह्मण्यायाः
सुवर्गस्य लोकस्य समष्ट्यै
केशश्मश्रु वपते
नखानि निकृन्तते
दतो धावते
स्नाति
अहतं वासः परिधत्ते
पाप्मनो ऽपहत्यै
वाचं यत्वोपवसति
सुवर्गस्य लोकस्य गुप्त्यै
रात्रिं जागरयन्त आसते
सुवर्गस्य लोकस्य समष्ट्यै
yad aśvamedhaḥ samṛddhyai
puṇyanāma devayajanam adhyavasyati
puṇyām eva tena kīrtim abhijayati
apadātīn ṛtvijaḥ samāvahanty ā subrahmaṇyāyāḥ
suvargasya lokasya samaṣṭyai
keśaśmaśru vapate
nakhāni nikṛntate
dato dhāvate
snāti
ahataṃ vāsaḥ paridhatte
pāpmano 'pahatyai
vācaṃ yatvopavasati
suvargasya lokasya guptyai
rātriṃ jāgarayanta āsate
suvargasya lokasya samaṣṭyai

