Shukasaptati · Chapter 23 23.41
23.41ततः श्रेष्ठी तं पुत्रं प्रेषयामासाशु तया समं सुवर्णद्वीपे
ततस्तस्मिन्सर्वो ऽपि पौरजनः प्रीतो बभूव
सा च कलावती सानुकूला तं विनयेनाजुहाव
तथा च स तयावर्जितो यथासौ आत्मायत्तः कृतः
द्रव्यं च सर्वं गृहीतम्
ततः सा धूर्तमाया कुट्टिनी किं करोतु इति प्रश्नः
सा प्राह शुक न जाने
त्वं वद
शुकः यद्यद्य न यासि तदा कथयामि
सा आह न यास्यामि
शुकः यदा तस्य सर्वं गृहीतम्तस्मिन्समये कैश्चिद्दिनैश्चाग्रे ऽपि चाण्डालरूपधारिणी धूर्तमाया नित्यं नित्यं गवेषमाणैव किंचित्
अन्यदा स कलावत्या सहितः खट्वायामुपविष्टस्तया दृष्टः
ता द्वारि दृष्ट्वा सहसोत्थाय नाशयितुमुद्यतः पूर्वमेव संकेतितम्
तमुत्तिष्ठन्तमनु कलावत्यप्युत्थिता
उक्तं च किमिदमिति
रामस्तामुवाच भद्रे इयं मम जननी
अहं च हृतार्थको बहुदिनेभ्यो न तया दृष्टः
धूर्तमायापि तं संकेतस्थं द्वारस्थैव सशङ्का हस्तसंज्ञया आजुहाव
जागदेति चिराल्लब्धो वेश्यागृहगतो भवान्
म्लेच्छीभूता इयं वेश्या सर्वस्वं मे त्वया हृतम्
Transliteration
tataḥ śreṣṭhī taṃ putraṃ preṣayāmāsāśu tayā samaṃ suvarṇadvīpe
tatastasminsarvo 'pi paurajanaḥ prīto babhūva
sā ca kalāvatī sānukūlā taṃ vinayenājuhāva
tathā ca sa tayāvarjito yathāsau ātmāyattaḥ kṛtaḥ
dravyaṃ ca sarvaṃ gṛhītam
tataḥ sā dhūrtamāyā kuṭṭinī kiṃ karotu iti praśnaḥ
sā prāha śuka na jāne
tvaṃ vada
śukaḥ yadyadya na yāsi tadā kathayāmi
sā āha na yāsyāmi
śukaḥ yadā tasya sarvaṃ gṛhītamtasminsamaye kaiściddinaiścāgre 'pi cāṇḍālarūpadhāriṇī dhūrtamāyā nityaṃ nityaṃ gaveṣamāṇaiva kiṃcit
anyadā sa kalāvatyā sahitaḥ khaṭvāyāmupaviṣṭastayā dṛṣṭaḥ
tā dvāri dṛṣṭvā sahasotthāya nāśayitumudyataḥ pūrvameva saṃketitam
tamuttiṣṭhantamanu kalāvatyapyutthitā
uktaṃ ca kimidamiti
rāmastāmuvāca bhadre iyaṃ mama jananī
ahaṃ ca hṛtārthako bahudinebhyo na tayā dṛṣṭaḥ
dhūrtamāyāpi taṃ saṃketasthaṃ dvārasthaiva saśaṅkā hastasaṃjñayā ājuhāva
jāgadeti cirāllabdho veśyāgṛhagato bhavān
mlecchībhūtā iyaṃ veśyā sarvasvaṃ me tvayā hṛtam
By System Admin
Translation
Draft in progress