Sanskrit

स मंद्रेणैवान्वाभक्तो विदिद्युतेऽञ्जसैव भ्रातृव्यानपहनानीति । तस्मान्मन्द्रं प्रातःसवनमभवद्यद्गायत्रं तद्गायत्री तद्गायत्रं यद्वसवः तद्वसव्यम् । स ह प्रणव उवाच । यदहं सर्वं भवानि यद्गायत्री वै पुरोगाः तत्किं मे स्यादिति । गायत्रमन्वेव गायत्रीमन्वेव त्वा सर्वरूपमिमं कृत्वा हिंकुर्वन्ति । स हापश्यन्नैतदञ्जसैव सर्वा रूपाण्येवमभिचक्षीरन्निति । स हान्तत एवात्मानमुपसंहृत्य तावदेवाग्राहयत् । स विशृङ्ग एवाभवत् । तस्माद्विशृङ्गमेवैतदिहानुद्रवन्ति । तदाहुर्यद्वा एतस्य वीर्यं यच्छुक्रं यज्ज्योतिर्यदमृतं यदजर्यं तदवरमिति । तस्मात्तत एवातो ज्योतिरमृतमजर्यं प्रतिपद्यन्ते । ततो हासुराः पराभवन् । स एष इन्द्रः सर्वं यद्गायत्री उद्गीथो वसवः प्रातस्सवनमिति । तदाहुः । सर्वं वा एतदिन्द्रो यज्जगद्यथैवेति ॥

Transliteration

sa maṃdreṇaivānvābhakto vididyute'ñjasaiva bhrātṛvyānapahanānīti | tasmānmandraṃ prātaḥsavanamabhavadyadgāyatraṃ tadgāyatrī tadgāyatraṃ yadvasavaḥ tadvasavyam | sa ha praṇava uvāca | yadahaṃ sarvaṃ bhavāni yadgāyatrī vai purogāḥ tatkiṃ me syāditi | gāyatramanveva gāyatrīmanveva tvā sarvarūpamimaṃ kṛtvā hiṃkurvanti | sa hāpaśyannaitadañjasaiva sarvā rūpāṇyevamabhicakṣīranniti | sa hāntata evātmānamupasaṃhṛtya tāvadevāgrāhayat | sa viśṛṅga evābhavat | tasmādviśṛṅgamevaitadihānudravanti | tadāhuryadvā etasya vīryaṃ yacchukraṃ yajjyotiryadamṛtaṃ yadajaryaṃ tadavaramiti | tasmāttata evāto jyotiramṛtamajaryaṃ pratipadyante | tato hāsurāḥ parābhavan | sa eṣa indraḥ sarvaṃ yadgāyatrī udgītho vasavaḥ prātassavanamiti | tadāhuḥ | sarvaṃ vā etadindro yajjagadyathaiveti ||

By System Admin

Translation

Draft in progress