Sanskrit

ततो हासुराः पुनरेवोदयन्ति । ते ह माध्यंदिनस्यैव सवनस्य पवमानेषु यज्ञवास्त्वभ्यायन् । तेषां जरितारो बिभ्यत एव वसतीवरीरुपाकल्पयन् । ते ह ताभिरेव जिघांसन् । तेषामिन्द्रो रुद्रानेव सेनान्योऽकः । ते हाक्षीयन्त । स ह त्रिष्टुभमेव प्रतिसंददत् । साब्रवीत् । बिभेमि वा एतदेतेभ्यो यथौजीयांसो बलीयांस इमे पराभवन्निति । स ह प्रणवमेवोवाच पुरोगायमेवारभस्वेति । सोऽब्रवीत् । किं मेऽतः स्यादिति । यदहं स त्वं ममैव रूपेण न्यूंखयिष्यन्ति त्वामिति । स हापश्यत् । सर्व एव न्यूंखयन्तो मामभिचक्षीरन्निति । स ह सर्वमेवात्मानमुपसंहृत्य श्रृंग एवागूहयत् । स ह विशृङ्ग एवाभवत् । तस्मादित्थैव न्यूंखयन्ति । ततो हासुराः पराभावयन् । तस्माद्रुद्रानेव माध्यंदिनं सवनं त्रैष्टुभं चेति ॥

Transliteration

tato hāsurāḥ punarevodayanti | te ha mādhyaṃdinasyaiva savanasya pavamāneṣu yajñavāstvabhyāyan | teṣāṃ jaritāro bibhyata eva vasatīvarīrupākalpayan | te ha tābhireva jighāṃsan | teṣāmindro rudrāneva senānyo'kaḥ | te hākṣīyanta | sa ha triṣṭubhameva pratisaṃdadat | sābravīt | bibhemi vā etadetebhyo yathaujīyāṃso balīyāṃsa ime parābhavanniti | sa ha praṇavamevovāca purogāyamevārabhasveti | so'bravīt | kiṃ me'taḥ syāditi | yadahaṃ sa tvaṃ mamaiva rūpeṇa nyūṃkhayiṣyanti tvāmiti | sa hāpaśyat | sarva eva nyūṃkhayanto māmabhicakṣīranniti | sa ha sarvamevātmānamupasaṃhṛtya śrṛṃga evāgūhayat | sa ha viśṛṅga evābhavat | tasmāditthaiva nyūṃkhayanti | tato hāsurāḥ parābhāvayan | tasmādrudrāneva mādhyaṃdinaṃ savanaṃ traiṣṭubhaṃ ceti ||

By System Admin

Translation

Draft in progress