Shatapatha Brahmana (Madhyandina) · Kandika 3 6.7.3.11
6.7.3.11हंसः शुचिषद् इति असौ वा आदित्यो हंसः शुचिषत्
वसुर् अन्तरिक्षसद् इति वायुर्वै वसुर् अन्तरिक्षसत्
होता वेदिषद् इत्य् अग्निर्वै होता वेदिषत्
अतिथिर् इति सर्वेषां वा एष भूतानाम् अतिथिः
दुरोणसद् इति विषमसद् इत्य् एतत्
नृषद् इति प्राणो वै नृषत्
मनुष्या नरः
तद्यो ऽयम्मनुष्येषु प्राणो ऽग्निस्तम् एतद् आह
वरसद् इति सर्वेषु ह्य् एष वरेषु सन्नः
ऋतसद् इति सत्यसद् इत्य् एतत्
व्योमसद् इति सर्वेषु ह्य् एष व्योमसु सन्नः
अब्जा गोजा इत्य् अब्जाश्च ह्य् एष गोजाश्च
ऋतजा इति सत्यजा इत्य् एतत्
अद्रिजा इत्य् अद्रिजा ह्येषः
ऋतम् इति सत्यम् इत्य् एतत्
बृहद् इति निदधाति
बृहद्ध्य् एष
तद्यद् एष तद् एनम् एतत्कृत्वा निदधाति
Transliteration
haṃsaḥ śuciṣad iti asau vā ādityo haṃsaḥ śuciṣat
vasur antarikṣasad iti vāyurvai vasur antarikṣasat
hotā vediṣad ity agnirvai hotā vediṣat
atithir iti sarveṣāṃ vā eṣa bhūtānām atithiḥ
duroṇasad iti viṣamasad ity etat
nṛṣad iti prāṇo vai nṛṣat
manuṣyā naraḥ
tadyo 'yammanuṣyeṣu prāṇo 'gnistam etad āha
varasad iti sarveṣu hy eṣa vareṣu sannaḥ
ṛtasad iti satyasad ity etat
vyomasad iti sarveṣu hy eṣa vyomasu sannaḥ
abjā gojā ity abjāśca hy eṣa gojāśca
ṛtajā iti satyajā ity etat
adrijā ity adrijā hyeṣaḥ
ṛtam iti satyam ity etat
bṛhad iti nidadhāti
bṛhaddhy eṣa
tadyad eṣa tad enam etatkṛtvā nidadhāti
By System Admin
Translation
Draft in progress