Shatapatha Brahmana (Madhyandina) · Kandika 3 6.7.3.10
6.7.3.10अग्रे बृहन्न् उषसाम् ऊर्ध्वो अस्थाद् इत्य् अग्रे ह्य् एष बृहन्न् उषसाम् ऊर्ध्वस्तिष्ठति
निर्जगन्वान्तमसो ज्योतिषागाद् इति निर्जगन्वान्वा एष रात्र्यै तमसो ऽह्ना ज्योतिषैति
अग्निर्भानुना रुशता स्वङ्ग इत्य् अग्निर्वा एष भानुना रुशता स्वङ्ग आजातः
विश्वा सदनान्य् अप्रा इतीमे वै लोका विश्वा सदनानि
तान् एष जात आपूरयति
परोबाहु प्रगृह्णाति
परोबाहु ह्य् एष इतो ऽथैनम् उपावहरति
इमाम् एवैतत्प्रतिष्ठाम् अभिप्रत्यैति
अस्याम् एवैतत्प्रतिष्ठायाम्प्रतितिष्ठति जगत्या
जगती हेमांल्लोकान् अमुतो ऽर्वाचो व्यश्नुते
Transliteration
agre bṛhann uṣasām ūrdhvo asthād ity agre hy eṣa bṛhann uṣasām ūrdhvastiṣṭhati
nirjaganvāntamaso jyotiṣāgād iti nirjaganvānvā eṣa rātryai tamaso 'hnā jyotiṣaiti
agnirbhānunā ruśatā svaṅga ity agnirvā eṣa bhānunā ruśatā svaṅga ājātaḥ
viśvā sadanāny aprā itīme vai lokā viśvā sadanāni
tān eṣa jāta āpūrayati
parobāhu pragṛhṇāti
parobāhu hy eṣa ito 'thainam upāvaharati
imām evaitatpratiṣṭhām abhipratyaiti
asyām evaitatpratiṣṭhāyāmpratitiṣṭhati jagatyā
jagatī hemāṃllokān amuto 'rvāco vyaśnute
By System Admin
Translation
Draft in progress