Shatapatha Brahmana (Madhyandina) · Kandika 4 10.5.4.8
10.5.4.8तस्यै वा एतस्यै षट्त्रिंशदक्षरायै बृहत्यै यानि दश प्रथमान्य् अक्षराणि सा दशाक्षरैकपदा
अथ यानि विंशतिः सा विंशत्यक्षरा द्विपदा
अथ यानि त्रिंशत्सा त्रिंशदक्षरा विराट्
अथ यानि त्रयस्त्रिंशत्सा त्रयस्त्रिंशदक्षरा
अथ यानि चतुस्त्रिंशत्सा चतुस्त्रिंशदक्षरा स्वराट्
अथ यत्सर्वैश्छन्दोभिर् अयम् अग्निश्चितस्तद् अतिछन्दाः
ता उ सर्वा इष्टका एव
इष्टकेति त्रीण्य् अक्षराणि त्रिपदा गायत्री
तेनैष गायत्रो ऽग्निः
मृद् आप इति त्रीण्य् अक्षराणि त्रिपदा गायत्री
तेनो एवैष गायत्रः
अथ यद् अन्तरा छन्दसी तत्सूददोहाः
अथ यच्छन्दःस्व् अन्नं तत्पुरीषम्
ता आहुतयः
ताः समिधः
अथ यच्छन्दांसीत्य् आख्यायते तल्लोकम्पृणा
तद्वा एतत्सर्वं छन्दांसीत्य् एवाख्यायते
तत्सर्वो ऽग्निर्लोकम्पृणाम् अभिसंपद्यते
स यो हैतद् एवं वेद लोकम्पृणाम् एनम्भूतम् एतत्सर्वम् अभिसंपद्यते
Transliteration
tasyai vā etasyai ṣaṭtriṃśadakṣarāyai bṛhatyai yāni daśa prathamāny akṣarāṇi sā daśākṣaraikapadā
atha yāni viṃśatiḥ sā viṃśatyakṣarā dvipadā
atha yāni triṃśatsā triṃśadakṣarā virāṭ
atha yāni trayastriṃśatsā trayastriṃśadakṣarā
atha yāni catustriṃśatsā catustriṃśadakṣarā svarāṭ
atha yatsarvaiśchandobhir ayam agniścitastad atichandāḥ
tā u sarvā iṣṭakā eva
iṣṭaketi trīṇy akṣarāṇi tripadā gāyatrī
tenaiṣa gāyatro 'gniḥ
mṛd āpa iti trīṇy akṣarāṇi tripadā gāyatrī
teno evaiṣa gāyatraḥ
atha yad antarā chandasī tatsūdadohāḥ
atha yacchandaḥsv annaṃ tatpurīṣam
tā āhutayaḥ
tāḥ samidhaḥ
atha yacchandāṃsīty ākhyāyate tallokampṛṇā
tadvā etatsarvaṃ chandāṃsīty evākhyāyate
tatsarvo 'gnirlokampṛṇām abhisaṃpadyate
sa yo haitad evaṃ veda lokampṛṇām enambhūtam etatsarvam abhisaṃpadyate
By System Admin
Translation
Draft in progress