Shatapatha Brahmana (Madhyandina) · Kandika 4 10.5.4.7
10.5.4.7छन्दांसि ह त्व् एवैषो ऽग्निश्चितः
तानि वा एतानि सप्त छन्दांसि चतुरुत्तराणि
त्रिचानि तेषां सप्त च शतानि विंशतिश्चाक्षराण्य् अधि षट्त्रिंशत्
ततो यानि सप्त च शतानि विंशतिश्चेष्टका एव ताः षष्टिश्च त्रीणि च शतानि परिश्रितः षष्टिश्च त्रीणि च शतानि यजुष्मत्यः
अथ यान्य् अधि षट्त्रिंशत्स त्रयोदशो मासः स आत्मा
त्रिंशद् आत्मा
प्रतिष्ठा द्वे
प्राणा द्वे
शिर एव षट्त्रिंश्यौ
तद्यत्ते द्वे भवतो द्व्यक्षरं हि शिरः
Transliteration
chandāṃsi ha tv evaiṣo 'gniścitaḥ
tāni vā etāni sapta chandāṃsi caturuttarāṇi
tricāni teṣāṃ sapta ca śatāni viṃśatiścākṣarāṇy adhi ṣaṭtriṃśat
tato yāni sapta ca śatāni viṃśatiśceṣṭakā eva tāḥ ṣaṣṭiśca trīṇi ca śatāni pariśritaḥ ṣaṣṭiśca trīṇi ca śatāni yajuṣmatyaḥ
atha yāny adhi ṣaṭtriṃśatsa trayodaśo māsaḥ sa ātmā
triṃśad ātmā
pratiṣṭhā dve
prāṇā dve
śira eva ṣaṭtriṃśyau
tadyatte dve bhavato dvyakṣaraṃ hi śiraḥ
By System Admin
Translation
Draft in progress