4 shlokas
- 1
पृच्छामि त्वा चितये देवसख यदि त्वम् अत्र मनसा जगन्थ
केषु विष्णुस्त्रिषु पदेष्व् इष्टः केषु विश्वं भुवनम् आविवेश
pṛcchāmi tvā citaye devasakha yadi tvam atra manasā jagantha
keṣu viṣṇustriṣu padeṣv iṣṭaḥ keṣu viśvaṃ bhuvanam āviveśa
- 2
अपि तेषु त्रिषु पदेष्व् अस्मि येषु विश्वं भुवनम् आविवेश
सद्यः पर्येमि पृथिवीम् उत द्याम् एकेनाङ्गेन दिवो ऽस्य पृष्ठम्
api teṣu triṣu padeṣv asmi yeṣu viśvaṃ bhuvanam āviveśa
sadyaḥ paryemi pṛthivīm uta dyām ekenāṅgena divo 'sya pṛṣṭham
- 3
केष्व् अन्तः पुरुष आविवेश कान्य् अन्तः पुरुषे ऽर्पितानि
एतद्ब्रह्मन्न् उपवल्हामसि त्वा किं स्विन्नः प्रतिवोचास्य् अत्र
keṣv antaḥ puruṣa āviveśa kāny antaḥ puruṣe 'rpitāni
etadbrahmann upavalhāmasi tvā kiṃ svinnaḥ prativocāsy atra
- 4
पञ्चस्व् अन्तः पुरुष आविवेश तान्य् अन्तः पुरुषे ऽर्पितानि
एतत्त्वात्र प्रतिमन्वानो ऽस्मि न मायया भवस्य् उत्तरो मत्
pañcasv antaḥ puruṣa āviveśa tāny antaḥ puruṣe 'rpitāni
etattvātra pratimanvāno 'smi na māyayā bhavasy uttaro mat

