26 shlokas
- 1
अथ यच्चतुर्विधं तच्चतूरात्रेण
atha yaccaturvidhaṃ taccatūrātreṇa
- 2
चतुष्टया वै पशवः
catuṣṭayā vai paśavaḥ
- 3
अथो चतुष्पादाः
atho catuṣpādāḥ
- 4
तद्यत्किं च चतुर्विधम् अधिदैवतम् अध्यात्मं तत्सर्वम् एनेनाप्नोति
tadyatkiṃ ca caturvidham adhidaivatam adhyātmaṃ tatsarvam enenāpnoti
- 5
त्रिवृत्प्रथमम् अहः पञ्चदशं द्वितीयं सप्तदशं तृतीयम् एकविंशं चतुर्थम्
trivṛtprathamam ahaḥ pañcadaśaṃ dvitīyaṃ saptadaśaṃ tṛtīyam ekaviṃśaṃ caturtham
- 6
ते वा एते चत्वारः स्तोमा नानावीर्या यज्ञक्रतवस्तेन हास्य चत्वारो वीरा नानावीर्याः प्रजायाम् आजायन्ते य एवं वेद
te vā ete catvāraḥ stomā nānāvīryā yajñakratavastena hāsya catvāro vīrā nānāvīryāḥ prajāyām ājāyante ya evaṃ veda
- 7
एषो न्वै जमदग्नेश्चतूरात्रः
eṣo nvai jamadagneścatūrātraḥ
- 8
अथैवात्रेश्चतुर्वीरः
athaivātreścaturvīraḥ
- 9
त्रिवृत्प्रथमस्याह्नः प्रातःसवनं पञ्चदशो माध्यंदिनः सप्तदशं तृतीयसवनम्
trivṛtprathamasyāhnaḥ prātaḥsavanaṃ pañcadaśo mādhyaṃdinaḥ saptadaśaṃ tṛtīyasavanam
- 10
पञ्चदशं द्वितीयस्याह्नः प्रातःसवनं सप्तदशो माध्यंदिन एकविंशं तृतीयसवनम्
pañcadaśaṃ dvitīyasyāhnaḥ prātaḥsavanaṃ saptadaśo mādhyaṃdina ekaviṃśaṃ tṛtīyasavanam
- 11
सप्तदशं तृतीयस्याह्नः प्रातःसवनम् एकविंशो माध्यंदिनस्त्रिणवं तृतीयसवनम्
saptadaśaṃ tṛtīyasyāhnaḥ prātaḥsavanam ekaviṃśo mādhyaṃdinastriṇavaṃ tṛtīyasavanam
- 12
एकविंशं चतुर्थस्याह्नः प्रातःसवनं त्रिणवो माध्यंदिनस्त्रयस्त्रिंशं तृतीयसवनम्
ekaviṃśaṃ caturthasyāhnaḥ prātaḥsavanaṃ triṇavo mādhyaṃdinastrayastriṃśaṃ tṛtīyasavanam
- 13
ते वा एकैकं स्तोमम् उत्सृजन्तो यन्त्येकैकं प्रजनयन्तः
te vā ekaikaṃ stomam utsṛjanto yantyekaikaṃ prajanayantaḥ
- 14
तेन हास्य चत्वारो वीरा नानावीर्याः प्रजायाम् आजायन्ते
वीरो हि स्तोमः
tena hāsya catvāro vīrā nānāvīryāḥ prajāyām ājāyante
vīro hi stomaḥ
- 15
तस्य शस्त्रम्
tasya śastram
- 16
रथन्तरं पृष्ठं प्रथमस्य
rathantaraṃ pṛṣṭhaṃ prathamasya
- 17
सजनीयं निष्केवल्यम्
sajanīyaṃ niṣkevalyam
- 18
कयाशुभीयतदिदासीये वा निविद्धाने द्वितीयस्य
kayāśubhīyatadidāsīye vā nividdhāne dvitīyasya
- 19
तृतीये वैरूपपृष्ठे वैराजात्तृतीयसवनम्
tṛtīye vairūpapṛṣṭhe vairājāttṛtīyasavanam
- 20
चतुर्थे वैराजपृष्ठे वैरूपात्तृतीयसवनम्
caturthe vairājapṛṣṭhe vairūpāttṛtīyasavanam
- 21
प्राकृतो वा अतिरात्रः
prākṛto vā atirātraḥ
- 22
तं वैश्वानर इत्य् आचक्षते
taṃ vaiśvānara ity ācakṣate
- 23
अभिजिद् आभिप्लविकानां चतुर्थः
abhijid ābhiplavikānāṃ caturthaḥ
- 24
विश्वजिद् इतरेषाम्
viśvajid itareṣām
- 25
वैश्वानरो महाव्रतं वा
vaiśvānaro mahāvrataṃ vā
- 26
यच्चतुर्विधं तच्चतूरात्रेण आप्नोति
yaccaturvidhaṃ taccatūrātreṇa āpnoti

