7 shlokas
- 1
स परं दिवम् अन्वावर्तते
sa paraṃ divam anvāvartate
- 2
अथ यदास्यायुक्तानि यानानि प्रवर्तन्ते देवतायतनानि कम्पन्ते दैवतप्रतिमा हसन्ति रुदन्ति गायन्ति नृत्यन्ति स्फुटन्ति स्विद्यन्ति उन्मीलन्ति निमीलन्ति प्रतिप्रयान्ति नद्यः कबन्धम् आदित्ये दृश्यते विजले च परिविष्यते केतुपताकच्छत्रवज्रविषाणानि प्रज्वलन्ति अश्वानां च वालधीष्व् अङ्गाराः क्षरन्ति अहतानि चर्माणि कनिक्रन्त इत्य् एवमादीनि तान्य् एतानि सर्वाणि विष्णुदेवत्यान्य् अद्भुतानि प्रायश्चित्तानि भवन्ति
atha yadāsyāyuktāni yānāni pravartante devatāyatanāni kampante daivatapratimā hasanti rudanti gāyanti nṛtyanti sphuṭanti svidyanti unmīlanti nimīlanti pratiprayānti nadyaḥ kabandham āditye dṛśyate vijale ca pariviṣyate ketupatākacchatravajraviṣāṇāni prajvalanti aśvānāṃ ca vāladhīṣv aṅgārāḥ kṣaranti ahatāni carmāṇi kanikranta ity evamādīni tāny etāni sarvāṇi viṣṇudevatyāny adbhutāni prāyaścittāni bhavanti
- 3
इदं विष्णुर्विचक्रम इति स्थालीपाकं हुत्वा पञ्चभिर् आज्याहुतिभिर् अभिजुहोति
विष्णवे स्वाहा सर्वभूताधिपतये स्वाहा चक्रपाणये स्वाहा ईश्वराय स्वाहा सर्वपापशमनाय स्वाहा इति व्याहृतिभिर्हुत्वा अथ साम गायेत्
idaṃ viṣṇurvicakrama iti sthālīpākaṃ hutvā pañcabhir ājyāhutibhir abhijuhoti
viṣṇave svāhā sarvabhūtādhipataye svāhā cakrapāṇaye svāhā īśvarāya svāhā sarvapāpaśamanāya svāhā iti vyāhṛtibhirhutvā atha sāma gāyet
- 4
खननाद्दहनाद् अभिमर्शनाद्गोभिर् आक्रमणाच्च चतुर्भिः शुध्यते भूमिः पञ्चमाच्चोपलेपनात्
khananāddahanād abhimarśanādgobhir ākramaṇācca caturbhiḥ śudhyate bhūmiḥ pañcamāccopalepanāt
- 5
संभारान्प्रदक्षिणम् आनीय ब्राह्मणान्स्वस्ति वाच्य
saṃbhārānpradakṣiṇam ānīya brāhmaṇānsvasti vācya
- 6
एतैः संभारैर्यद् उपस्पृष्टं तद् अभ्युक्षेत्
शाम्यति हातः
etaiḥ saṃbhārairyad upaspṛṣṭaṃ tad abhyukṣet
śāmyati hātaḥ
- 7
ब्राह्मणभोजनं हिरण्यं गौर्वासो ऽश्वो भूमिर्दक्षिणा इति
शाम्यति हातः
शान्त्यर्थः शान्त्यर्थः
brāhmaṇabhojanaṃ hiraṇyaṃ gaurvāso 'śvo bhūmirdakṣiṇā iti
śāmyati hātaḥ
śāntyarthaḥ śāntyarthaḥ

