10 shlokas
- 1
यद्धोता जहाति वाग्घ तद्यजमानं जहाति
स यत्तत्करोति स्वां वाचं यजमाने दधाति
स विष्वङ्वाचामुष्मिंल्लोके सम्भवति
yaddhotā jahāti vāggha tadyajamānaṃ jahāti
sa yattatkaroti svāṃ vācaṃ yajamāne dadhāti
sa viṣvaṅvācāmuṣmiṃlloke sambhavati
- 2
यद् अध्वर्युर्जहाति चक्षुर्ह तद्यजमानं जहाति
स यत्तत्करोति स्वं चक्षुर्यजमाने दधाति
स विष्वङ्चक्षुषामुष्मिंल्लोके सम्भवति
yad adhvaryurjahāti cakṣurha tadyajamānaṃ jahāti
sa yattatkaroti svaṃ cakṣuryajamāne dadhāti
sa viṣvaṅcakṣuṣāmuṣmiṃlloke sambhavati
- 3
यद्ब्रह्मा जहाति मनो ह तद्यजमानं जहाति
स यत्तत्करोति स्वं मनो यजमाने दधाति
स विष्वङ्मनसामुष्मिंल्लोके सम्भवति
yadbrahmā jahāti mano ha tadyajamānaṃ jahāti
sa yattatkaroti svaṃ mano yajamāne dadhāti
sa viṣvaṅmanasāmuṣmiṃlloke sambhavati
- 4
यद् उद्गाता जहाति श्रोत्रं ह तद्यजमानं जहाति
स यत्तत्करोति स्वं श्रोत्रं यजमाने दधाति
स विष्वङ्श्रोत्रेणामुष्मिंल्लोके सम्भवति
yad udgātā jahāti śrotraṃ ha tadyajamānaṃ jahāti
sa yattatkaroti svaṃ śrotraṃ yajamāne dadhāti
sa viṣvaṅśrotreṇāmuṣmiṃlloke sambhavati
- 5
यत्सदस्यो जहाति आत्मा ह तद्यजमानं जहाति
स यत्तत्करोति स्वात्मानं यजमाने दधाति
स विष्वङ्ङ् आत्मनामुष्मिंल्लोके सम्भवति
yatsadasyo jahāti ātmā ha tadyajamānaṃ jahāti
sa yattatkaroti svātmānaṃ yajamāne dadhāti
sa viṣvaṅṅ ātmanāmuṣmiṃlloke sambhavati
- 6
यद्धोत्राशंसिनो जहत्य् अङ्गानि ह तद्यजमानं जहति
ते यत्तत्कुर्वन्ति स्वान्य् अङ्गानि यजमाने दधति
ते विष्वञ्चो ऽङ्गैर् अमुष्मिंल्लोके सम्भवन्ति
yaddhotrāśaṃsino jahaty aṅgāni ha tadyajamānaṃ jahati
te yattatkurvanti svāny aṅgāni yajamāne dadhati
te viṣvañco 'ṅgair amuṣmiṃlloke sambhavanti
- 7
यच्चमसाध्वर्यवो जहति लोमानि ह तद्यजमानं जहति
ते यत्तत्कुर्वन्ति स्वानि लोमानि यजमाने दधति
ते विष्वञ्चो लोमभिर् अमुष्मिंल्लोके सम्भवन्ति
yaccamasādhvaryavo jahati lomāni ha tadyajamānaṃ jahati
te yattatkurvanti svāni lomāni yajamāne dadhati
te viṣvañco lomabhir amuṣmiṃlloke sambhavanti
- 8
तस्माद् एवंविद्यज्ञे हीनं न कुर्यात्
tasmād evaṃvidyajñe hīnaṃ na kuryāt
- 9
अथ वा अत ऋत्विजाम् एव विज्ञानम्
atha vā ata ṛtvijām eva vijñānam
- 10
पशवो हाध्वर्युम् अनु कीर्तिर्होतारं योगक्षेमो ब्रह्माणम् आत्मा च प्रजा चोद्गातारम्
paśavo hādhvaryum anu kīrtirhotāraṃ yogakṣemo brahmāṇam ātmā ca prajā codgātāram

