26 shlokas
- 1
अत्र विद्याकलापशुसंज्ञितं विविधं कार्यं द्रव्यम् इत्य् उच्यते
atra vidyākalāpaśusaṃjñitaṃ vividhaṃ kāryaṃ dravyam ity ucyate
- 2
तत्र विद्या तावच्छिष्यगता दीक्षाङ्गं यया शिष्यो दीक्षाधिकृतो भवति
tatra vidyā tāvacchiṣyagatā dīkṣāṅgaṃ yayā śiṣyo dīkṣādhikṛto bhavati
- 3
यया त्व् आचार्यः सम्पूर्णां दीक्षां निर्वर्तयति साचार्यगता विद्या
yayā tv ācāryaḥ sampūrṇāṃ dīkṣāṃ nirvartayati sācāryagatā vidyā
- 4
कला दर्भाद्या दीक्षाङ्गम्
kalā darbhādyā dīkṣāṅgam
- 5
उक्तं हि दर्भाः पुनर्भस्म चन्दनं सूत्रम् एव च
uktaṃ hi darbhāḥ punarbhasma candanaṃ sūtram eva ca
- 6
पुष्पाणि च पुनर्धूपम् एष क्रमः स्मृतः
puṣpāṇi ca punardhūpam eṣa kramaḥ smṛtaḥ
- 7
पशुः संस्कर्तव्यो ब्राह्मणः
paśuḥ saṃskartavyo brāhmaṇaḥ
- 8
इत्थं व्याख्यानकरणाद् उपकरणादेर् अपि संग्रह इत्य् अतो न संस्कारकारिकाविरोधः
itthaṃ vyākhyānakaraṇād upakaraṇāder api saṃgraha ity ato na saṃskārakārikāvirodhaḥ
- 9
कालः पूर्वाह्णः
kālaḥ pūrvāhṇaḥ
- 10
कारणमूर्तिशिष्ययोः संस्कारकर्म क्रियेत्य् उच्यते
kāraṇamūrtiśiṣyayoḥ saṃskārakarma kriyety ucyate
- 11
तत्क्रमश्च संस्कारकारिकायां द्रष्टव्यः
tatkramaśca saṃskārakārikāyāṃ draṣṭavyaḥ
- 12
मूर्तिशब्देन यद् उपहारसूत्रे महादेवेज्यास्थानम् ऊर्ध्वलिङ्गादिलक्षणं व्याख्यातं तत्समीपदक्षिणभूप्रदेशः कुट्याद्यव्यवहितो ऽत्राभिप्रेतः
mūrtiśabdena yad upahārasūtre mahādevejyāsthānam ūrdhvaliṅgādilakṣaṇaṃ vyākhyātaṃ tatsamīpadakṣiṇabhūpradeśaḥ kuṭyādyavyavahito 'trābhipretaḥ
- 13
गुरुर् आचार्यः स द्विविधः परापरभेदात्
gurur ācāryaḥ sa dvividhaḥ parāparabhedāt
- 14
तत्रापरः पञ्चार्थज्ञानमर्यादान्वितः
tatrāparaḥ pañcārthajñānamaryādānvitaḥ
- 15
तथा चोक्तम्
शास्त्रानुगे प्रचारे यो ऽभिनिविष्टः प्रकृष्टधीः कुशलः
स भवति मतः किल सताम् आचार्यो ज्ञानहेतुश्च
tathā coktam
śāstrānuge pracāre yo 'bhiniviṣṭaḥ prakṛṣṭadhīḥ kuśalaḥ
sa bhavati mataḥ kila satām ācāryo jñānahetuśca
- 16
तथा
आचारे स्थापयन्शिष्यान्यस्माद् आचरति स्वयम्
आचिनोति च शास्त्रार्थान् आचार्यस्तेन कीर्त्यते
tathā
ācāre sthāpayanśiṣyānyasmād ācarati svayam
ācinoti ca śāstrārthān ācāryastena kīrtyate
- 17
तस्याधिष्ठाता भगवान्महेश्वरः परो गुरुस्तथा चैवं वर्णिते निमित्तम् अप्य् अत्र नानुक्तं भवति
tasyādhiṣṭhātā bhagavānmaheśvaraḥ paro gurustathā caivaṃ varṇite nimittam apy atra nānuktaṃ bhavati
- 18
चशब्दो न्यूनाधिकव्यवच्छेदसूचकः
caśabdo nyūnādhikavyavacchedasūcakaḥ
- 19
एवशब्दो गुरोः प्राधान्यम् अवधारयति
evaśabdo guroḥ prādhānyam avadhārayati
- 20
इह इति स्वसिद्धान्तनिर्देशः
iha iti svasiddhāntanirdeśaḥ
- 21
पञ्चम इत्य् उपसंहारः
pañcama ity upasaṃhāraḥ
- 22
अथवा एव इह पदयोः पाठविपर्ययं कृत्वान्यथार्थः प्रदर्श्यते
athavā eva iha padayoḥ pāṭhaviparyayaṃ kṛtvānyathārthaḥ pradarśyate
- 23
इहैव पाशुपतदर्शने एवंविशिष्टानि दीक्षानिमित्तानि नान्यत्र
ihaiva pāśupatadarśane evaṃviśiṣṭāni dīkṣānimittāni nānyatra
- 24
ततश्च निष्पाद्या दीक्षाप्य् अत्रैव विशिष्टास्ति नान्यत्रेत्य् उक्तं भवति
tataśca niṣpādyā dīkṣāpy atraiva viśiṣṭāsti nānyatrety uktaṃ bhavati
- 25
अथ किं कारणविशेषैर् एवेयं दीक्षा विशिष्यते न किं तर्हि फलविशेषैर् अपि
atha kiṃ kāraṇaviśeṣair eveyaṃ dīkṣā viśiṣyate na kiṃ tarhi phalaviśeṣair api
- 26
यस्मात्तदर्थम् इदम् आह
yasmāttadartham idam āha

