24 shlokas
- 1
प्रातिपदावस्था खलु व्यक्तावस्थेत्य् उक्ता
prātipadāvasthā khalu vyaktāvasthety uktā
- 2
कस्मात्
kasmāt
- 3
पाशुपत्ये ऽयम् इति व्यक्तिनिमित्तत्वात्भस्मस्नानशयनानुस्नानादिभिर्लिङ्गधारीत्य् उपदेशाद् इति
pāśupatye 'yam iti vyaktinimittatvātbhasmasnānaśayanānusnānādibhirliṅgadhārīty upadeśād iti
- 4
द्वितीयावस्था तु जात्यादिव्यक्तेर् अहेतुत्वाद् अव्यक्तावस्थेत्य् उक्ता
dvitīyāvasthā tu jātyādivyakter ahetutvād avyaktāvasthety uktā
- 5
कस्मात्
kasmāt
- 6
अव्यक्तलिङ्गोपदेशाद्विद्यादिगोपनोपदेशाच्चेति
avyaktaliṅgopadeśādvidyādigopanopadeśācceti
- 7
तृतीयावस्था पुनर् इन्द्रियजयार्थत्वेन जयावस्थेत्य् उच्यते
tṛtīyāvasthā punar indriyajayārthatvena jayāvasthety ucyate
- 8
देवनित्यस्वार्थत्वे ऽप्य् अस्या इन्द्रियजयार्थतैव प्राधान्येनोक्ता सूत्राणां सम्बन्धकथनद्वारेणाचार्यभाष्यकृतेति
devanityasvārthatve 'py asyā indriyajayārthataiva prādhānyenoktā sūtrāṇāṃ sambandhakathanadvāreṇācāryabhāṣyakṛteti
- 9
छेदावसानार्थावस्था छेदावस्थेत्य् उक्ता
chedāvasānārthāvasthā chedāvasthety uktā
- 10
सर्वस्य साधकव्यापारस्यात्यन्तोपरमो निष्ठा
sarvasya sādhakavyāpārasyātyantoparamo niṣṭhā
- 11
तदुपलक्षितावस्था निष्ठावस्थेत्य् उच्यते
tadupalakṣitāvasthā niṣṭhāvasthety ucyate
- 12
व्यक्तादिविशेषणाभिधानाद्यूहादिशक्तिमतां विशेषप्रतिपत्तिर्भविष्यतीत्य् अभिप्रायवतात्रावस्थाग्रहणं न कृतम् इति
vyaktādiviśeṣaṇābhidhānādyūhādiśaktimatāṃ viśeṣapratipattirbhaviṣyatīty abhiprāyavatātrāvasthāgrahaṇaṃ na kṛtam iti
- 13
चशब्दो न्यूनाधिकव्यवच्छेदसूचकः
caśabdo nyūnādhikavyavacchedasūcakaḥ
- 14
प्रेतोन्मत्तमूढावस्थान्तरसद्भावाद् अधिकव्यवच्छेदानुपपत्तिर् इति चेन्न गोपननियमेनाव्यक्तावस्थायाम् एवान्तर्भावात्
pretonmattamūḍhāvasthāntarasadbhāvād adhikavyavacchedānupapattir iti cenna gopananiyamenāvyaktāvasthāyām evāntarbhāvāt
- 15
जयच्छेदावस्थयोर् अप्य् अव्यक्तावस्थात्वप्रसङ्ग इति चेन्नानयोर्गोपननियमानभ्युपगमान्निष्ठावस्थाम् अनभ्युपगम्य सिद्धावस्थां पञ्चमीम् आहुः
jayacchedāvasthayor apy avyaktāvasthātvaprasaṅga iti cennānayorgopananiyamānabhyupagamānniṣṭhāvasthām anabhyupagamya siddhāvasthāṃ pañcamīm āhuḥ
- 16
केचित्तन्मतम् अवधारणेनैव निराचष्टे
kecittanmatam avadhāraṇenaiva nirācaṣṭe
- 17
निष्ठा चैवेह पञ्चमी इति
niṣṭhā caiveha pañcamī iti
- 18
इहेत्य् अस्मिन्पञ्चार्थदर्शने निष्ठावस्थैव पञ्चमी सूत्रप्रामाण्यात्प्रतीयते न सिद्धावस्था
ihety asminpañcārthadarśane niṣṭhāvasthaiva pañcamī sūtraprāmāṇyātpratīyate na siddhāvasthā
- 19
तत्र क्षपणीयप्रापणीयाभावात्साधकावस्थाश्चेह निरूप्यन्ते न ततो ऽन्यस्येति
tatra kṣapaṇīyaprāpaṇīyābhāvātsādhakāvasthāśceha nirūpyante na tato 'nyasyeti
- 20
अत्राह
atrāha
- 21
अनधिकारिणो ऽवस्थाप्राप्तिर् अयुक्ता
anadhikāriṇo 'vasthāprāptir ayuktā
- 22
तत्र तथा द्वितीयाद्यवस्थाप्राप्तौ ज्ञानाकलुषत्वादयो ऽधिकारित्वापादकाः तथा प्रथमावस्थाप्राप्तौ को हेतुर् इत्य् उच्यते
tatra tathā dvitīyādyavasthāprāptau jñānākaluṣatvādayo 'dhikāritvāpādakāḥ tathā prathamāvasthāprāptau ko hetur ity ucyate
- 23
अत्रापि कारणविशेषोत्पादिता दीक्षा हेतुः
atrāpi kāraṇaviśeṣotpāditā dīkṣā hetuḥ
- 24
यतस्तत्कारणप्रतिपादनार्थम् इदम् आह
yatastatkāraṇapratipādanārtham idam āha

