4 shlokas
- 1
श्रीकण्ठाचलमेखलापरिणमत्कुम्भीन्द्रबुद्ध्या रदप्रान्तोत्तम्भितसंभृताब्दगलितैः शीतैर् अपां शीकरैः
निर्वाणे मदसंज्वरे प्रमुदितस्तेनातपत्रश्रियं तन्वानेन निरन्तरं दिशतु वः श्रीविघ्नराजो मुदम्
śrīkaṇṭhācalamekhalāpariṇamatkumbhīndrabuddhyā radaprāntottambhitasaṃbhṛtābdagalitaiḥ śītair apāṃ śīkaraiḥ
nirvāṇe madasaṃjvare pramuditastenātapatraśriyaṃ tanvānena nirantaraṃ diśatu vaḥ śrīvighnarājo mudam
- 2
कर्पूरक्षोदगौरं धृतकपिलजटं त्रीक्षणं चन्द्रमौलिं सौधं कुण्डं सुधांशुं वरयुतम् अभयं दोश्चतुष्के दधानम्
वामोत्सङ्गे वहन्तं विविधमणिगणालंकृताम् उज्ज्वलाङ्गीं शर्वाणीं स्वानुरूपां तमनिशममृतेशाख्यम् ईशं स्मरामि
karpūrakṣodagauraṃ dhṛtakapilajaṭaṃ trīkṣaṇaṃ candramauliṃ saudhaṃ kuṇḍaṃ sudhāṃśuṃ varayutam abhayaṃ doścatuṣke dadhānam
vāmotsaṅge vahantaṃ vividhamaṇigaṇālaṃkṛtām ujjvalāṅgīṃ śarvāṇīṃ svānurūpāṃ tamaniśamamṛteśākhyam īśaṃ smarāmi
- 3
श्रीमन्महेशनलिनासननिर्जरेन्द्रास्तत्राश्विनाव् अथ ततो त्रितनूद्भवश्च
धन्वन्तरिश्चरकसुश्रुतसूरिमुख्यास्ते ऽप्य् आयुरागमकृतः कृतिनो जयन्तु
śrīmanmaheśanalināsananirjarendrāstatrāśvināv atha tato tritanūdbhavaśca
dhanvantariścarakasuśrutasūrimukhyāste 'py āyurāgamakṛtaḥ kṛtino jayantu
- 4
शम्भुं प्रणम्य शिरसा स्वगुरून् उपास्य पित्रोः पदाब्जयुगले प्रणिपत्य भक्त्या
विघ्नेशितारम् अधिगम्य सरस्वतीं च प्रारम्भि भैषजहिताय निघण्टुराजः
śambhuṃ praṇamya śirasā svagurūn upāsya pitroḥ padābjayugale praṇipatya bhaktyā
vighneśitāram adhigamya sarasvatīṃ ca prārambhi bhaiṣajahitāya nighaṇṭurājaḥ

