Sanskrit

2 shlokas

  1. 1

    ॐ साऽनुयुक्ता । तस्य बाह्येषु शतदलपद्मपत्रेषु योगपीठेपु रासक्रीडानुरक्ता गोप्यस्तिष्ठन्ति । एतच्चतुर्द्वारं लक्षसूर्यसमुज्ज्वलम् । तत्र द्रुमाकीर्णम् । तत्प्रथमावरणे पश्चिमे सम्मुखे स्वर्णमण्डपे देवकन्या । द्वितीये सुदामादि । तृतीये किङ्किण्यादि । चतुर्थे लवङ्गादि । पञ्चमे कल्पतरोर्मूले उषा तत्सहितोऽनिरुद्धोऽपि । षष्ठे देवाः । सप्तमे रक्तवर्णो विष्णुरिति द्वारपालाः । एतद्बाह्यं राधाकुण्डम् । तत्र स्नात्वा राधाङ्गं भवति । ईश्वरस्य दर्शनयोग्यं भवति । यत्र स्नात्वा नारद ईश्वरस्य नित्यस्थलसामीप्ययोग्यो भवति । राधाकृष्णयोरेकमासनम् । एका बुद्धिः । एकं मनः । एकं ज्ञानम् । एक आत्मा । एकं पदम् । एका आकृतिः । एकं ब्रह्म । तया समं हेममुरळीं वादयन् हेमस्व-

    oṃ sā'nuyuktā | tasya bāhyeṣu śatadalapadmapatreṣu yogapīṭhepu rāsakrīḍānuraktā gopyastiṣṭhanti | etaccaturdvāraṃ lakṣasūryasamujjvalam | tatra drumākīrṇam | tatprathamāvaraṇe paścime sammukhe svarṇamaṇḍape devakanyā | dvitīye sudāmādi | tṛtīye kiṅkiṇyādi | caturthe lavaṅgādi | pañcame kalpatarormūle uṣā tatsahito'niruddho'pi | ṣaṣṭhe devāḥ | saptame raktavarṇo viṣṇuriti dvārapālāḥ | etadbāhyaṃ rādhākuṇḍam | tatra snātvā rādhāṅgaṃ bhavati | īśvarasya darśanayogyaṃ bhavati | yatra snātvā nārada īśvarasya nityasthalasāmīpyayogyo bhavati | rādhākṛṣṇayorekamāsanam | ekā buddhiḥ | ekaṃ manaḥ | ekaṃ jñānam | eka ātmā | ekaṃ padam | ekā ākṛtiḥ | ekaṃ brahma | tayā samaṃ hemamural̤īṃ vādayan hemasva-

  2. 2

    रूपामनुरागसंवलितां कल्पतरोर्मूले [आस्ते ।] सुरभिविद्या अक्षमाला श्रुतिरिव परमा सिद्धा सात्त्विकी । (1शुद्धा सात्त्विकी गुणातीता स्नेहभावरहिता । अत एव द्वयोर्न भेदः । कालमायागुणातीतत्वात् । तदेव स्पष्टयति अथेति । अथानन्तरं मङ्गले वा । अथ वा श्रीबृन्दावनमध्ये ऋग्यजुस्सामस्वरूपम् । ऋगात्मको मकारः । यजुरात्मक उकारः । श्रीरामः सामात्मकोऽपि अकारः । श्रीकृष्णः अर्धमात्रात्मकोऽपि । यशोदा इव बिन्दुः । परब्रह्म सच्चिदानन्दानंदराधाकृष्णयोः परस्परसुखाभिलाषरसास्वादन इव तत्सच्चिदानन्दामृतं कथ्यते । तल्लक्षणं यत् प्रणवं ब्रह्मविष्णुशिवात्मकं इच्छाज्ञानशक्तिनिष्ठं कायिकवाचिकमानसिकभावं सत्त्वरजस्तमस्स्वरूपं सत्यत्रेताद्वापरानुगीतम् । द्वापरस्य पश्चाद्वर्तते कलिः । एतच्चतुर्युगेषु गीयते। तद्भूर्भुवस्वर्लक्षणमोङ्कार एव । यच्चान्यदतिरिक्तं कालातीतं तदप्योङ्कार एव । सर्वं ह्येतद्ब्रह्म आत्मा सोऽहमस्मि इति धीमहि चिन्तयेमहि । "आदित्यो वा एष एतन्मण्डलं तपति" इति यत् श्वेताख्यं श्वेतद्वीपनाम स्थानं तुरीयातीतं गोकुलमथुराद्वारकाणां तुरीयमेतद्दिव्यं वृन्दावनमिति पुरैवोक्तं सर्वं संपत्संप्रदायानुगतं यत्र ॥)

    rūpāmanurāgasaṃvalitāṃ kalpatarormūle [āste |] surabhividyā akṣamālā śrutiriva paramā siddhā sāttvikī | (1śuddhā sāttvikī guṇātītā snehabhāvarahitā | ata eva dvayorna bhedaḥ | kālamāyāguṇātītatvāt | tadeva spaṣṭayati atheti | athānantaraṃ maṅgale vā | atha vā śrībṛndāvanamadhye ṛgyajussāmasvarūpam | ṛgātmako makāraḥ | yajurātmaka ukāraḥ | śrīrāmaḥ sāmātmako'pi akāraḥ | śrīkṛṣṇaḥ ardhamātrātmako'pi | yaśodā iva binduḥ | parabrahma saccidānandānaṃdarādhākṛṣṇayoḥ parasparasukhābhilāṣarasāsvādana iva tatsaccidānandāmṛtaṃ kathyate | tallakṣaṇaṃ yat praṇavaṃ brahmaviṣṇuśivātmakaṃ icchājñānaśaktiniṣṭhaṃ kāyikavācikamānasikabhāvaṃ sattvarajastamassvarūpaṃ satyatretādvāparānugītam | dvāparasya paścādvartate kaliḥ | etaccaturyugeṣu gīyate| tadbhūrbhuvasvarlakṣaṇamoṅkāra eva | yaccānyadatiriktaṃ kālātītaṃ tadapyoṅkāra eva | sarvaṃ hyetadbrahma ātmā so'hamasmi iti dhīmahi cintayemahi | "ādityo vā eṣa etanmaṇḍalaṃ tapati" iti yat śvetākhyaṃ śvetadvīpanāma sthānaṃ turīyātītaṃ gokulamathurādvārakāṇāṃ turīyametaddivyaṃ vṛndāvanamiti puraivoktaṃ sarvaṃ saṃpatsaṃpradāyānugataṃ yatra ||)