32 shlokas
- 1
वेदं समाप्य स्नायात्
vedaṃ samāpya snāyāt
- 2
ब्रह्मचर्यं वाष्टाचत्वारिंशकम्
brahmacaryaṃ vāṣṭācatvāriṃśakam
- 3
द्वादशके ऽप्येके
dvādaśake 'pyeke
- 4
गुरुणानुज्ञातः
guruṇānujñātaḥ
- 5
विधिर्विधेयस्तर्कश्च वेदः
vidhirvidheyastarkaśca vedaḥ
- 6
षडङ्गम् एके
ṣaḍaṅgam eke
- 7
न कल्पमात्रे
na kalpamātre
- 8
कामं तु याज्ञिकस्य
kāmaṃ tu yājñikasya
- 9
उपसंगृह्य गुरुं समिधो ऽभ्याधाय परिश्रितस्योत्तरतः कुशेषु प्रागग्रेषु पुरस्तात्स्थित्वाष्टानाम् उदकुम्भानाम्
upasaṃgṛhya guruṃ samidho 'bhyādhāya pariśritasyottarataḥ kuśeṣu prāgagreṣu purastātsthitvāṣṭānām udakumbhānām
- 10
ये अप्स्वन्तरग्नयः प्रविष्टा गोह्य उपगोह्यो मयूषो मनोहा स्खलो विरुजस्तनूदूषुर् इन्द्रियहातान्विजहामि यो रोचनस्तमिह गृह्णामीत्येकस्माद् अपो गृहीत्वा
ye apsvantaragnayaḥ praviṣṭā gohya upagohyo mayūṣo manohā skhalo virujastanūdūṣur indriyahātānvijahāmi yo rocanastamiha gṛhṇāmītyekasmād apo gṛhītvā
- 11
तेनाभिषिञ्चते
तेन मामभिषिञ्चामि श्रियै यशसे ब्रह्मणे ब्रह्मवर्चसायेति
tenābhiṣiñcate
tena māmabhiṣiñcāmi śriyai yaśase brahmaṇe brahmavarcasāyeti
- 12
येन श्रियमकृणुतां येनावमृशतां सुराम्
येनाक्ष्यावभ्यषिञ्चतां यद्वां तद् अश्विना यश इति
yena śriyamakṛṇutāṃ yenāvamṛśatāṃ surām
yenākṣyāvabhyaṣiñcatāṃ yadvāṃ tad aśvinā yaśa iti
- 13
आपो हि ष्ठेति च प्रत्यृचम्
āpo hi ṣṭheti ca pratyṛcam
- 14
त्रिभिस्तूष्णीम् इतरैः
tribhistūṣṇīm itaraiḥ
- 15
उद् उत्तमम् इति मेखलामुन्मुच्य दण्डं निधाय वासो ऽन्यत्परिधायादित्यमुपतिष्ठते
ud uttamam iti mekhalāmunmucya daṇḍaṃ nidhāya vāso 'nyatparidhāyādityamupatiṣṭhate
- 16
उद्यन्भ्राजभृष्णुर् इन्द्रो मरुद्भिर् अस्थात्प्रातर्यावभिर् अस्थाद्दशसनिर् असि दशसनिं मा कुर्व् आविदं मा गमय
उद्यन्भ्राजभृष्णुर् इन्द्रो मरुद्भिरस्थाद्दिवायावभिर् अस्थाच्छतसनिरसि शतसनिं मा कुर्व् आविदं मा गमय
उद्यन्भ्राजभृष्णुर् इन्द्रो मरुद्भिर् अस्थात्सायंयावभिर् अस्थात्सहस्रसनिरसि सहस्रसनिं मा कुर्व् आविदं मा गमयेति
udyanbhrājabhṛṣṇur indro marudbhir asthātprātaryāvabhir asthāddaśasanir asi daśasaniṃ mā kurv āvidaṃ mā gamaya
udyanbhrājabhṛṣṇur indro marudbhirasthāddivāyāvabhir asthācchatasanirasi śatasaniṃ mā kurv āvidaṃ mā gamaya
udyanbhrājabhṛṣṇur indro marudbhir asthātsāyaṃyāvabhir asthātsahasrasanirasi sahasrasaniṃ mā kurv āvidaṃ mā gamayeti
- 17
दधितिलान्वा प्राश्य जटालोमनखानि संहृत्यौदुम्बरेण दन्तान्धावेत
अन्नाद्याय व्यूहध्वं सोमो राजायम् आगमत्
स मे मुखं प्रमार्क्ष्यते यशसा च भगेन चेति
dadhitilānvā prāśya jaṭālomanakhāni saṃhṛtyaudumbareṇa dantāndhāveta
annādyāya vyūhadhvaṃ somo rājāyam āgamat
sa me mukhaṃ pramārkṣyate yaśasā ca bhagena ceti
- 18
उत्साद्य पुनः स्नात्वानुलेपनं नासिकयोर्मुखस्य चोपगृह्णीते प्राणापानौ मे तर्पय चक्षुर्मे तर्पय श्रोत्रं मे तर्पयेति
utsādya punaḥ snātvānulepanaṃ nāsikayormukhasya copagṛhṇīte prāṇāpānau me tarpaya cakṣurme tarpaya śrotraṃ me tarpayeti
- 19
पितरः शुन्धध्वमिति पाण्योर् अवनेजनं दक्षिणा निषिच्यानुलिप्य जपेत्
सुचक्षा अहमक्षीभ्यां भूयासं सुवर्चा मुखेन
सुश्रुत्कर्णाभ्यां भूयासमिति
pitaraḥ śundhadhvamiti pāṇyor avanejanaṃ dakṣiṇā niṣicyānulipya japet
sucakṣā ahamakṣībhyāṃ bhūyāsaṃ suvarcā mukhena
suśrutkarṇābhyāṃ bhūyāsamiti
- 20
अहतं वासो धौतं वामौत्रेणाछादयीत
परिधास्यै यशोधास्यै दीर्घायुत्वाय जरदष्टिरस्मि
शतं च जीवामि शरदः पुरूची रायस्पोषम् अभिसंव्ययिष्य इति
ahataṃ vāso dhautaṃ vāmautreṇāchādayīta
paridhāsyai yaśodhāsyai dīrghāyutvāya jaradaṣṭirasmi
śataṃ ca jīvāmi śaradaḥ purūcī rāyaspoṣam abhisaṃvyayiṣya iti
- 21
अथोत्तरीयम्
यशसा मा द्यावापृथिवी यशसेन्द्राबृहस्पती
यशो भगश्च माविन्दद्यशो मा प्रतिपद्यतामिति
athottarīyam
yaśasā mā dyāvāpṛthivī yaśasendrābṛhaspatī
yaśo bhagaśca māvindadyaśo mā pratipadyatāmiti
- 22
एकं चेत्पूर्वस्योत्तरवर्गेण प्रच्छादयीत
ekaṃ cetpūrvasyottaravargeṇa pracchādayīta
- 23
सुमनसः प्रतिगृह्णाति
या आहरज्जमदग्निः श्रद्धायै मेधायै कामायेन्द्रियाय
ता अहं प्रतिगृह्णामि यशसा च भगेन चेति
sumanasaḥ pratigṛhṇāti
yā āharajjamadagniḥ śraddhāyai medhāyai kāmāyendriyāya
tā ahaṃ pratigṛhṇāmi yaśasā ca bhagena ceti
- 24
अथावबध्नीते यद्यशो ऽप्सरसाम् इन्द्रश्चकार विपुलं पृथु
तेन संग्रथिताः सुमनस आबध्नामि यशो मयीति
athāvabadhnīte yadyaśo 'psarasām indraścakāra vipulaṃ pṛthu
tena saṃgrathitāḥ sumanasa ābadhnāmi yaśo mayīti
- 25
उष्णीषेण शिरो वेष्टयते युवा सुवासा इति
uṣṇīṣeṇa śiro veṣṭayate yuvā suvāsā iti
- 26
अलङ्करणमसि भूयो ऽलङ्करणं भूयादिति कर्णवेष्टकौ
alaṅkaraṇamasi bhūyo 'laṅkaraṇaṃ bhūyāditi karṇaveṣṭakau
- 27
वृत्रस्येत्यङ्क्ते ऽक्षिणी
vṛtrasyetyaṅkte 'kṣiṇī
- 28
रोचिष्णुर् असीत्य् आत्मानम् आदर्शे प्रेक्षते
rociṣṇur asīty ātmānam ādarśe prekṣate
- 29
छत्रं प्रतिगृह्णाति
बृहस्पतेश्छदिरसि पाप्मनो माम् अन्तर्धेहि तेजसो यशसो मान्तर्धेहीति
chatraṃ pratigṛhṇāti
bṛhaspateśchadirasi pāpmano mām antardhehi tejaso yaśaso māntardhehīti
- 30
प्रतिष्ठे स्थो विश्वतो मा पातम् इत्य् उपानहौ प्रतिमुञ्चते
pratiṣṭhe stho viśvato mā pātam ity upānahau pratimuñcate

