26 shlokas
- 1
अथातः श्रवणाकर्म
athātaḥ śravaṇākarma
- 2
श्रावण्यां पौर्णमास्याम्
śrāvaṇyāṃ paurṇamāsyām
- 3
स्थालीपाकं श्रपयित्वाक्षतधानाश्चैककपालम्पुरोडाशं धानानां भूयसीः पिष्ट्वाज्यभागाविष्ट्वाज्याहुती जुहोति
sthālīpākaṃ śrapayitvākṣatadhānāścaikakapālampuroḍāśaṃ dhānānāṃ bhūyasīḥ piṣṭvājyabhāgāviṣṭvājyāhutī juhoti
- 4
अप श्वेत पदा जहि पूर्वेण चापरेण च
सप्त च वारुणीर् इमाः प्रजाः सर्वाश्च राजबान्धवैः स्वाहा
apa śveta padā jahi pūrveṇa cāpareṇa ca
sapta ca vāruṇīr imāḥ prajāḥ sarvāśca rājabāndhavaiḥ svāhā
- 5
न वै श्वेतस्याध्याचारे ऽहिर्ददर्श कंचन
श्वेताय वैदर्व्याय नमः स्वाहेति
na vai śvetasyādhyācāre 'hirdadarśa kaṃcana
śvetāya vaidarvyāya namaḥ svāheti
- 6
स्थालीपाकस्य जुहोति विष्णवे श्रवणाय श्रावण्यै पौर्णमास्यै वर्षाभ्यश्चेति
sthālīpākasya juhoti viṣṇave śravaṇāya śrāvaṇyai paurṇamāsyai varṣābhyaśceti
- 7
धानावन्तमिति धानानाम्
dhānāvantamiti dhānānām
- 8
घृताक्तान्सक्तून्सर्पेभ्यो जुहोति
ghṛtāktānsaktūnsarpebhyo juhoti
- 9
आग्नेयपाण्डुपार्थिवानां सर्पाणाम् अधिपतये स्वाहा श्वेतवायवान्तरिक्षाणां सर्पाणामधिपतये स्वाहाभिभूः सौर्यदिव्यानां सर्पाणाम् अधिपतये स्वाहेति
āgneyapāṇḍupārthivānāṃ sarpāṇām adhipataye svāhā śvetavāyavāntarikṣāṇāṃ sarpāṇāmadhipataye svāhābhibhūḥ sauryadivyānāṃ sarpāṇām adhipataye svāheti
- 10
सर्वहुतमेककपालं ध्रुवाय भौमाय स्वाहेति
sarvahutamekakapālaṃ dhruvāya bhaumāya svāheti
- 11
प्राशनान्ते सक्तूनामेकदेशं शूर्पे न्युप्योपनिष्क्रम्य बहिः शालायाः स्थण्डिलम् उपलिप्योल्कायां ध्रियमाणायां मान्तरा गमतेत्य् उक्त्वा वाग्यतः सर्पान् अवनेजयति
prāśanānte saktūnāmekadeśaṃ śūrpe nyupyopaniṣkramya bahiḥ śālāyāḥ sthaṇḍilam upalipyolkāyāṃ dhriyamāṇāyāṃ māntarā gamatety uktvā vāgyataḥ sarpān avanejayati
- 12
आग्नेयपाण्डुपार्थिवानां सर्पाणामधिपते ऽवनेनिक्ष्व श्वेतवायवान्तरिक्षाणां सर्पाणामधिपते ऽवनेनिक्ष्वाभिभूः सौर्यदिव्यानां सर्पाणामधिपते ऽवनेनिक्ष्वेति
āgneyapāṇḍupārthivānāṃ sarpāṇāmadhipate 'vanenikṣva śvetavāyavāntarikṣāṇāṃ sarpāṇāmadhipate 'vanenikṣvābhibhūḥ sauryadivyānāṃ sarpāṇāmadhipate 'vanenikṣveti
- 13
यथावनिक्तं दर्व्योपघातं सक्तून्सर्पेभ्यो बलिं हरति
yathāvaniktaṃ darvyopaghātaṃ saktūnsarpebhyo baliṃ harati
- 14
आग्नेयपाण्डुपार्थिवानां सर्पाणामधिपत एष ते बलिः श्वेतवायवान्तरिक्षाणां सर्पाणामधिपत एष ते बलिर् अभिभूः सौर्यदिव्यानां सर्पाणाम् अधिपत एष ते बलिरिति
āgneyapāṇḍupārthivānāṃ sarpāṇāmadhipata eṣa te baliḥ śvetavāyavāntarikṣāṇāṃ sarpāṇāmadhipata eṣa te balir abhibhūḥ sauryadivyānāṃ sarpāṇām adhipata eṣa te baliriti
- 15
अवनेज्य पूर्ववत्कङ्कतैः प्रलिखति
avanejya pūrvavatkaṅkataiḥ pralikhati
- 16
आग्नेयपाण्डुपार्थिवानां सर्पाणाम् अधिपते प्रलिखस्व श्वेतवायवान्तरिक्षाणां सर्पाणाम् अधिपते प्रलिखस्वाभिभूः सौर्यदिव्यानां सर्पाणाम् अधिपते प्रलिखस्वेति
āgneyapāṇḍupārthivānāṃ sarpāṇām adhipate pralikhasva śvetavāyavāntarikṣāṇāṃ sarpāṇām adhipate pralikhasvābhibhūḥ sauryadivyānāṃ sarpāṇām adhipate pralikhasveti
- 17
अञ्जनानुलेपनं स्रजश्चाञ्जस्वानुलिम्पस्व स्रजो ऽपिनह्यस्वेति
añjanānulepanaṃ srajaścāñjasvānulimpasva srajo 'pinahyasveti
- 18
सक्तुशेषं स्थण्डिले न्युप्योदपात्रेणोपनिनीयोपतिष्ठते नमो ऽस्तु सर्पेभ्य इति तिसृभिः
saktuśeṣaṃ sthaṇḍile nyupyodapātreṇopaninīyopatiṣṭhate namo 'stu sarpebhya iti tisṛbhiḥ
- 19
स यावत्कामयेत न सर्पा अभ्युपेयुरिति तावत्संततयोदधारया निवेशनं त्रिः परिषिञ्चन्परीयाद् अप श्वेत पदा जहीति द्वाभ्याम्
sa yāvatkāmayeta na sarpā abhyupeyuriti tāvatsaṃtatayodadhārayā niveśanaṃ triḥ pariṣiñcanparīyād apa śveta padā jahīti dvābhyām
- 20
दर्वीं शूर्पं प्रक्षाल्य प्रतप्य प्रयच्छति
darvīṃ śūrpaṃ prakṣālya pratapya prayacchati
- 21
द्वारदेशे मार्जयन्त आपो हि ष्ठेति तिसृभिः
dvāradeśe mārjayanta āpo hi ṣṭheti tisṛbhiḥ
- 22
अनुगुप्तम् एतं सक्तुशेषं निधाय ततो ऽस्तमिते ऽस्तमिते ऽग्निं परिचर्य दर्व्योपघातं सक्तून्सर्पेभ्यो बलिं हरेद् आग्रहायण्याः
anuguptam etaṃ saktuśeṣaṃ nidhāya tato 'stamite 'stamite 'gniṃ paricarya darvyopaghātaṃ saktūnsarpebhyo baliṃ hared āgrahāyaṇyāḥ
- 23
तं हरन्तं नान्तरेण गच्छेयुः
taṃ harantaṃ nāntareṇa gaccheyuḥ
- 24
दर्व्याचमनं प्रक्षाल्य निदधाति
darvyācamanaṃ prakṣālya nidadhāti
- 25
धानाः प्राश्नन्त्य् असंस्यूताः
dhānāḥ prāśnanty asaṃsyūtāḥ
- 26
ततो ब्राह्मणभोजनम्
tato brāhmaṇabhojanam

